តើអ្នកណាអាច ជាអ្នកស្នងតំណែងលោក Ishiba ជានាយករដ្ឋមន្ត្រីបន្ទាប់របស់ជប៉ុន?
តូក្យូ៖ នាយករដ្ឋមន្ត្រីជប៉ុន និងជាប្រធានគណបក្ស ប្រជាធិបតេយ្យសេរី (LDP) ដែលកំពុងកាន់អំណាច បានប្រកាស កាលពីថ្ងៃអាទិត្យថា លោកនឹងចុះចេញពីតំណែង ជាប្រធាន LDP ដែលបង្កឱ្យមានការប្រកួតប្រជែង ថ្នាក់ដឹកនាំដំបូង នៅក្នុងគណបក្ស។ លោកក៏បានឧ្យដឹងដែរថា លោកនឹងមិនឈរឈ្មោះជាបេក្ខជន ក្នុងការបោះឆ្នោត LDP ខាងមុខនេះទេ។
ហេតុអ្វីឥឡូវនេះលោក Ishiba ត្រូវបានជាប់ឆ្នោត ជាប្រធាន LDP កាលពីខែកញ្ញា ឆ្នាំមុន ដោយអាណត្តិរបស់លោក គ្រោងនឹងដំណើរការរហូត ដល់ខែកញ្ញា ឆ្នាំ២០២៧។ ទោះបីជាយ៉ាងណាក៏ដោយ សម្ព័ន្ធដែលកំពុងកាន់អំណាច បានបាត់បង់សំឡេងភាគច្រើន នៅក្នុងសភាក្នុងខែកក្កដា ឆ្នាំនេះ។
នេះជាលើកដំបូងចាប់ តាំងពីការបង្កើតនៅឆ្នាំ១៩៥៥ ដែល LDP បានបរាជ័យក្នុងការទទួល បានសំឡេងភាគច្រើន នៅក្នុងសភាទាំងពីរ។ ទោះបីជាលោក Ishiba ដំបូងបានបង្ហាញពីចេតនារបស់លោក ក្នុងការបន្តក៏ដោយ ការអំពាវនាវឱ្យលោកទទួលខុសត្រូវ ចំពោះការបោះឆ្នោត ដែលបង្ហាញកាន់តែខ្លាំងនៅក្នុងគណបក្ស LDP ។
នៅក្នុងសន្និសីទសារព័ត៌មាន កាលពីថ្ងៃអាទិត្យរបស់លោក Ishiba បានឧ្យដឹងថា ការចរចាជាមួយសហរដ្ឋអាមេរិកលើវិធានការពន្ធដារ ដែលលោកបានលើកឡើងថា ជាហេតុផលដើម្បីបន្តកាន់តំណែងបានឈានដល់ចំណុចសំខាន់មួយ។ ជាមួយនឹងបញ្ហានោះ បានដោះស្រាយនៅពេលនេះ លោកបានលេីកឡេីងថា វាដល់ពេលត្រូវប្រគល់ទៅឲ្យអ្នកស្នងតំណែងហើយ៕
ប្រែសម្រួល ឈូក បូរ៉ា
