ប្រធានាធិបតីហ្វាំងឡង់ បញ្ជាក់ជាថ្មី សម្រាប់គាំទ្រអ៊ុយក្រែន
គៀវ៖ នៅក្នុងដំណើរទស្សនកិច្ច ប្រធានាធិបតីហ្វាំងឡង់ លោក Alexander Stubb បានអះអាងជាថ្មីនូវការប្តេជ្ញាចិត្ត របស់ប្រទេសលោក ក្នុងការផ្តល់ការគាំទ្រផ្នែកយោធា ហិរញ្ញវត្ថុ និងនយោបាយ សម្រាប់អ៊ុយក្រែន។
លោក Stubb ដែលបានមកដល់ក្រុងគៀវមុនថ្ងៃនោះបានធ្វើការកត់សម្គាល់ពេលជួបជាមួយប្រធានាធិបតីអ៊ុយក្រែនលោក វូឡូឌីមៀ ហ្សេឡិនស្គី នេះបេីយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
យោងតាមសេវាសារព័ត៌មានរបស់លោក ហ្សេឡិនស្គី មេដឹកនាំទាំងពីរបានពិភាក្សាអំពីបញ្ហាសន្តិសុខ និងមនុស្សធម៌ ក៏ដូចជាការដាក់ទណ្ឌកម្ម បន្ថែមទៀតលើប្រទេសរុស្ស៊ី។ មេដឹកនាំទាំងពីរ ក៏បាននិយាយអំពីការ ពង្រឹងសមត្ថភាពការពារដែនអាកាស របស់អ៊ុយក្រែនផងដែរ។
លោក ហ្សេឡិនស្គី បានឧ្យដឹងថា “អ៊ុយក្រែនបានត្រៀមខ្លួនរួចជាស្រេច ក្នុងការចែករំលែកបទពិសោធន៍ និងពង្រីកផលិតកម្ម ។ អ៊ុយក្រែនផ្តល់ ជូនប្រទេសជិតខាងអឺរ៉ុបទាំងអស់ ដែលជាប្រទេសជិតខាងរបស់យើង និងប្រទេសជិតខាង របស់រុស្ស៊ី ដែលជាកម្មវិធីរួមគ្នា សម្រាប់ផ្តល់ហិរញ្ញប្បទាន ផលិត និងអភិវឌ្ឍយន្តហោះ ដ្រូនស្ទាក់ចាប់”៕
ប្រែសម្រួល ឈូក បូរ៉ា
