ស្នងការនគរបាល ខេត្តបាត់ដំបង បំភ្លឺព័ត៌មាន ករណីហិង្សា គ្រោះថ្នាក់កាណូតបុកគ្នា បណ្តាលឱ្យស្លាប់មនុស្ស
បាត់ដំបង ៖ ក្រុមការងារព័ត៌មាននិងប្រតិកម្មរហ័ស នៃស្នងការដ្ឋាននគរបាលខេត្តបាត់ដំបង មានកិត្តិយសសូមជម្រាបជូនសាធារណជនអ្នកសារព័ត៌និងអ្នកប្រេីប្រាស់បណ្តាញ សង្គមជ្រាបថា នៅថ្ងៃទី២៤ ខែ កញ្ញា ឆ្នាំ២០២៥ នេះឃេីញមានការផ្សព្វផ្សាយក្នុងបណ្តាញសង្គមនិងសារព័ត៌មានមួយចំនួន ពីករណីហិង្សា ដោយការប្រមូលផ្តុំគ្នា វាយបំផ្លាញកាណូតស្មាច់មួយ ដែលក្នុងខ្លឹមសារបង្ហាញថា ករណីនេះកេីត ឡេីងនៅភូមិអន្លង់តាអួរ ឃុំកោះជីវាំង ស្រុកឯកភ្នំ ខេត្តបាត់ដំបង ដោយកំហឹងក្រុមគ្រួសារ ចំពោះគ្រោះថ្នាក់កាណូតបុកគ្នាបណ្តាលឱ្យស្លាប់មនុស្ស ។
ឃេីញការផ្សព្វផ្សាយបែបនេះ លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង បានចាត់តាំងធ្វេីការស្រាវជ្រាវ និងបង្ហាញថា រូបភាពដែលបានផ្សព្វផ្សាយ ពីករណីពលរដ្ឋប្រមូលផ្តុំគ្នាប្រេីអំពេីហិង្សាវាយបំផ្លាញកាណូតស្មាច់ នៅតាមបណ្តាញសង្គមនោះមិនមែនកេីតឡេីងនៅក្នុងមូលដ្ឋានខេត្តបាត់ដំបងនោះទេ ។
សូមបញ្ជាក់ជូនថាកាលពីថ្ងៃទី២២ខែកញ្ញា ២០២៥ វេលាម៉ោង ១៦និង៥៧នាទីនៅចំណុចភូមិអន្លង់តាអួរ ឃុំកោះជីវាំង ស្រុកឯកភ្នំ ខេត្តបាត់ដំបង មានករណីគ្រោះថ្នាក់ចរាចរណ៍ផ្លូវទឹកមួយកើតឡើង រវាងកាណូតស្មាច់ និងកាណូតស្មាច់ដូចគ្នា បណ្ដាលឱ្យរងរបួសអ្នកជិះ០២នាក់ និងស្លាប់ ០១នាក់ហេីយអ្នកបេីកកាណូតបានគេចខ្លួនពីទីកន្លែងកេីតហេតុ រីឯកាណូតទាំងពីរត្រូវបានយកមករក្សាទុកនៅស្នាក់ការនគរបាលចរាចរណ៍ផ្លូវទឹកនៅឃុំកោះជីវាំង ស្រុកឯកភ្នំដេីម្បីរៀបចំកសាងសំណុំរឿងអនុវត្តតាមនីតិវិធី ច្បាប់ ហេីយកាណូតទាំងពីរគ្រឿងនេះ មិនមានអ្នកណាមកវាយបំផ្លាញនោះទេ ។
ដូចបានជម្រាបជូនខាងលេីសូមសាធារណជនអ្នកសារព័ត៌មាននិងប្រេីប្រាស់បណ្តាញសង្គមជ្រាបជាព័ត៌មាន និងកុំមានការភាន់ច្រឡំ ៕(ក្រុមការងារប្រតិកម្មរហ័ស)
