Updated ៖ ចំនួនអ្នកស្លាប់ពីគ្រោះរញ្ជួយដី នៅហ្វីលីពីន កេីនឡេីងដល់ ៦៩នាក់
បូហ្គោ៖ មន្ត្រីរដ្ឋាភិបាលបានឧ្យដឹងថា ចំនួនអ្នកស្លាប់ដោយសារគ្រោះរញ្ជួយដីកម្រិត ៦.៩ រ៉ិចទ័រ ដែលបានវាយប្រហារនៅខេត្ត Cebu ភាគកណ្តាលប្រទេសហ្វីលីពីន បានកើនដល់ ៦៩ នាក់ និងជាង ២០០ នាក់ផ្សេងទៀតបានរងរបួស។
រញ្ជួយដីបានវាយប្រហារនៅវេលាម៉ោង ៩និង៥៩នាទីយប់ថ្ងៃអង្គារនៅចម្ងាយ ១៩គីឡូម៉ែត្រភាគឦសាននៃទីក្រុង Bogo នៅភាគខាងជើងនៃកោះ នេះបើយោងតាមវិទ្យាស្ថានហ្វីលីពីននៃភ្នំភ្លើងនិងរញ្ជួយដី។
យោងតាមមន្ត្រីម្នាក់មកពីការិយាល័យការពារជនស៊ីវិលរបស់រដ្ឋាភិបាលបានឱ្យដឹងថា ប្រហែល ១០០០នាក់ត្រូវបានផ្លាស់ទីលំនៅ ដែលភាគច្រើនភ័យខ្លាចមិនហ៊ានត្រឡប់ទៅផ្ទះរបស់ពួកគេវិញដោយសារការរញ្ជួយដី។
ចំនួនជនរងគ្រោះត្រូវបានគេរំពឹងថា នឹងកើនឡើងនៅពេលដែលប្រតិបត្តិការជួយសង្គ្រោះនៅតែបន្ត ហើយនៅពេលដែលមានរបាយការណ៍អំពីការខូចខាតកាន់តែច្រើនចូលមក។
ក្រុមអ្នកជួយសង្គ្រោះបានបន្តសិតសក់តាមរយៈកម្ទេចថ្មនៃរចនាសម្ព័ន្ធដែលដួលរលំ នៅក្នុងទីក្រុង San Remigio ផ្នែកមួយនៃកន្លែងហាត់ប្រាណបានដួលរលំ ខណៈពេលដែលការប្រកួតបាល់បោះកំពុងដំណើរការ៕
ប្រែសម្រួល ឈូក បូរ៉ា
