ចិន សម្តែងការខកចិត្ត ចំពោះការវេតូរបស់អាមេរិក ចំពោះសេចក្តីព្រាងសេចក្តី សម្រេចរបស់អង្គការ សហប្រជាជាតិ ស្ដីពីតំបន់ហ្គាហ្សា
យូអិន៖ លោក Fu Cong តំណាងអចិន្ត្រៃយ៍ របស់ប្រទេសចិន ប្រចាំអង្គការសហប្រជាជាតិបានឧ្យដឹងថា ប្រទេសចិន សម្តែងការខកចិត្ត និងសោកស្តាយយ៉ាងខ្លាំង ចំពោះ ការវេតូមុននេះ របស់ទីក្រុងវ៉ាស៊ីនតោន ចំពោះសេចក្តីព្រាងសេចក្តី សម្រេចរបស់ក្រុមប្រឹក្សា សន្តិសុខ អង្គការសហប្រជាជាតិ ដែលមានគោលបំណងកាត់បន្ថយ វិបត្តិមនុស្សធម៌នៅតំបន់ហ្គាហ្សា។
នៅក្នុងសុន្ទរកថា ស្តីពីការប្រើប្រាស់វេតូនៅឯការជជែកដេញដោល ក្នុងមហាសន្និបាតអង្គការសហប្រជាជាតិ លោកបានឧ្យដឹងថា សហគមន៍អន្តរជាតិ បានចេញការអំពាវនាវ ដ៏លើសលប់ សម្រាប់បទឈប់បាញ់ និងការបញ្ឈប់អរិភាពនៅតំបន់ហ្គាហ្សាស្ទ្រីប ដែលការប្រយុទ្ធគ្នាបានបណ្តាលឱ្យជនស៊ីវិលស្លាប់បាត់បង់ជីវិត និងគ្រោះមហន្តរាយមនុស្សធម៌ ធ្វើឱ្យប៉ះពាល់ដល់សតិសម្បជញ្ញៈរបស់មនុស្ស និងនីតិរដ្ឋអន្តរជាតិ។
បេសកជនរូបនេះ បានឧ្យដឹង ខណៈដែលសំដៅទៅលើការប្រើប្រាស់ វេតូនៃសេចក្តីព្រាងសេចក្តី សម្រេចរបស់ក្រុង វ៉ាស៊ីនតោន កាលពីថ្ងៃទី១៨ ខែកញ្ញាថា “ម្តងហើយម្តងទៀត ក្រុមប្រឹក្សាសន្តិសុខ បានស្វែងរកសកម្មភាព មានតែការរារាំងដោយបង្ខំ ដោយសហរដ្ឋអាមេរិក ម្តងហើយម្តងទៀត” ។
លោកបានលេីកឡេីងថា “ប្រសិនបើវាមិនមែនសម្រាប់ ការរំលោភបំពានម្តងហើយម្តងទៀត របស់សហរដ្ឋអាមេរិក លើការវេតូទេនោះ ការឆ្លើយតបរបស់ក្រុមប្រឹក្សាសន្តិសុខ ចំពោះវិបត្តិ ហ្គាហ្សា នឹងមិនគ្រប់គ្រាន់នោះទេ ។
លោកឯកអគ្គរដ្ឋទូត បានរំលឹកឡើងវិញថា ការផ្តល់អាវុធ នៃជំនួយមនុស្សធម៌ គឺមិនអាចទទួលយកបានទេ ការធ្វើយោធា នៃយន្តការចែកចាយជំនួយ មិនអាចទទួលយកបាន ហើយការវាយ ប្រហារលើជនស៊ីវិល និងបុគ្គលិកមនុស្សធម៌ ដែលស្វែងរកជំនួយ គឺមិនអាចទទួលយកបាននោះទេ។
លោកបានគូសបញ្ជាក់ថា “ចិនជំរុញឱ្យអ៊ីស្រាអែល បញ្ឈប់ជាបន្ទាន់នូវប្រតិបត្តិការ យោធាទាំងអស់នៅក្នុងតំបន់ហ្គាហ្សា ហើយបញ្ឈប់ជាបន្ទាន់នូវផែនការ ដ៏គ្រោះថ្នាក់របស់ខ្លួន ក្នុងការកាន់កាប់ទីក្រុងហ្គាហ្សា”៕
