នគរបាលស្រុកមោងឫស្សី ឃាត់ខ្លួនជនជាប់ចោទ ២នាក់ តាមអំណាចដីកាចៅក្រមស៊ើបសួរ នៃសាលាដំបូងខេត្តបាត់ដំបង ពីបទករណីគ្រឿងញៀន
បាត់ដំបង៖ នៅថ្ងៃទី៣និងទី៤ខែ តុលា ឆ្នាំ ២០២៥ នគរបាលស្រុកមោងឫស្សី ធ្វេីការច-ាប់ខ្លួនជនជាប់ចោទចំនួន០២នាក់តាមអំណាចដីកា របស់ចៅក្រមស៊េីបសួរនៃសាលាដំបូងខេត្តបាត់ដំបង ដែលការងារនេះស្ថិតក្រោមការចង្អុលដឹកនាំរបស់លោក ឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរ បាលខេត្តបាត់ដំបង និងស្របតាមអនុសាសន៍ដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរ បាលជាតិ។
លោកវរសេនីយ៍ឯក ស គឺមឡុង ជាអធិការនគរបាលស្រុកមោងឫស្សី ដឹកនាំកម្លាំង អនុវត្តដីកាបង្គាប់ឱ្យច-ាប់ខ្លួនចំនួន០២ក្នុងនោះច-ាប់ខ្លួនឈ្មោះមាស ភារម្យ ហៅខួច ភេទប្រុស អាយុ៣១ឆ្នាំ មានទីលំនៅភូមិដំណាក់ហ្លួង សង្កាត់វត្តគរ ក្រុងបាត់ដំបង ខេត្តបាត់ដំបងនិងឈ្មោះហ៊ុំ សំណាង ហៅយ៉ើន ភេទប្រុស អាយុ២៩ឆ្នាំ មានទីលំនៅភូមិកន្សៃបន្ទាយ ឃុំមោង ស្រុកមោងឫស្សី ខេត្តបាត់ដំបងក្នុងបទចោទដូចគ្នាគឺករណគ្រឿងញៀនតែប៉ុណ្ណោះ។
លោកអធិការបានឱ្យដឹងថា ការអនុវត្តនេះក៏បានដកហូតផងដែរនូវភស្តុតាងថ្មីពីឈ្មោះមាស ភារម្យ ហៅខួច រួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកពណ៌សថ្លាចំនួន០២កូនថង់ សង្ស័យមានសារធាតុញៀន
-អំពូលកែច្នៃសម្រាប់ជក់ថ្នាំញៀនចំនួន០១
-ដែកកេះចំនួន០១
-ទូរសព្ទដៃចំនួន០១គ្រឿង
-ម៉ូតូចំនួន០១គ្រឿង
ពេលនេះសមត្ថកិច្ចនគរបាលស្រុក បានរៀបចំបញ្ជូនមកផែនជំ នាញដើម្បីអនុវត្តបន្តតាមនីតិវិធី៕
អត្ថបទ ច័ន្ទ វិស្សាសៈ
ប្រភព ស្នងការដ្ឋាននគរបាលខេត្តបាត់ដំបង
រូបភាពនគរ បាលស្រុកមោងឫស្សី
