ករណីចាក់សម្លាប់អភិបាលក្រុង ទើបទទួលតំណែងម្នាក់នៅប្រទេសអាល្លឺម៉ង់ មិនទាន់ចាប់បានជនបង្កនៅឡើយ
បរទេស៖ យោងតាមការចេញផ្សាយរបស់ RT អាជ្ញាធរបាននិយាយកាលពីថ្ងៃអង្គារថាលោកស្រី Iris Stalzer ដែលជាអភិបាលក្រុងដែលទើបជាប់ឆ្នោតថ្មីនៃទីក្រុងមួយនៅ North Rhine-Westphalia ប្រទេសអាល្លឺម៉ង់ ត្រូវបានរកឃើញដោយមានស្នាមចាក់ជាច្រើនកន្លែង ហើយស្ថិតក្នុងស្ថានភាពធ្ងន់ធ្ងរ។ យ៉ាងណាក្តីប៉ូលិសបាននិយាយថា មកទល់ពេលនេះនៅមិនមានការចាប់ខ្លួនជនសង្ស័យណានៅឡើយទេ។
លោកស្រីStalzer អាយុ ៥៧ឆ្នាំជាអ្នកប្រជាធិបតេយ្យសង្គមនិងមេធាវីការងារបានឈ្នះការបោះឆ្នោតកាលពីខែមុនជាមួយនឹង ៥២,២ភាគរយ នៃការបោះឆ្នោតដើម្បីក្លាយជាអភិបាលក្រុង Herdecke ។
នាងត្រូវបានគេរកឃើញនៅក្នុងផ្ទះល្វែងរបស់នាងដោយមានរបួសធ្ងន់ធ្ងរដែលអាចឆក់យកអាយុជីវិត។ ឧបទ្ទវហេតុនេះកើតឡើងចំពេលដែលការកើនឡើងយ៉ាងខ្លាំងនៃអំពើហិង្សាទាក់ទងនឹងការប្រើប្រាស់កាំបិតនៅទូទាំងតំបន់។
លោកស្រីStalzer ត្រូវបានប្រទះឃើញដោយកូនប្រុសចិញ្ចឹមរបស់នាងអាយុ១៥ឆ្នាំដែលបានប្រាប់ប៉ូលីសថានាងត្រូវបានវាយប្រហារដោយបុរសជាច្រើននាក់នៅខាងក្រៅផ្ទះរបស់នាងមុនពេលនាងទាញខ្លួននាងត្រឡប់ទៅផ្ទះល្វែងវិញ នេះបើយោងតាម Bild ។ កូនស្រីចិញ្ចឹមអាយុ ១៧ឆ្នាំម្នាក់ទៀតរបស់នាងត្រូវបានគេរាយការណ៍ថាក៏នៅក្នុងផ្ទះល្វែងក្នុងពេលមានការវាយប្រហារនោះដែរ។
ភ្នាក់ងារព័ត៌មានបានបន្តថា ក្មេងប្រុសនេះត្រូវបានគេយកចេញពីកន្លែងកើតហេតុដោយដាក់ខ្នោះដៃ និងពាក់វត្ថុតាងរក្សាទុកជារួម។ អ្នកស៊ើបអង្កេតបាននិយាយថា នេះគឺដើម្បីការពារភស្តុតាងពីការបិទបាំង៕
ប្រែសម្រួល៖ ស៊ុន លី
