វៀតណាម រកចំណូលបាន ៧,៤ ពាន់លានដុល្លារអាមេរិកពីការនាំចេញកាហ្វេក្នុងរយៈពេល ១០ ខែ
By
Posted on
ហាណូយ៖ ការនាំចេញកាហ្វេរបស់វៀតណាមទទួលបាន ៧,៤១ ពាន់លានដុល្លារអាមេរិកក្នុងរយៈពេល ១០ ខែដំបូងនៃឆ្នាំនេះ កើនឡើង ៦១,៨ ភាគរយធៀបនឹងឆ្នាំមុន នេះបើយោងតាមរបាយការណ៍របស់ទីភ្នាក់ងារសារព័ត៌មានវៀតណាមនៅថ្ងៃពុធ ដោយដកស្រង់សម្តីរបស់ក្រសួងកសិកម្ម និងបរិស្ថានវៀតណាម។
ក្នុងអំឡុងពេលនេះ ការនាំចេញកាហ្វេបានកើនឡើង ១៣,៥ ភាគរយក្នុងបរិមាណដល់ ១,៣ លានតោន នេះបើយោងតាមរបាយការណ៍។
អាល្លឺម៉ង់ អ៊ីតាលី និងអេស្ប៉ាញ គឺជាប្រទេសនាំចូលកាហ្វេវៀតណាមធំជាងគេទាំងបី ដែលមានចំនួន ១៣,៤ ភាគរយ ៧,៨ ភាគរយ និង ៧,៤ ភាគរយនៃចំណែកទីផ្សារសរុបរៀងៗខ្លួន។
កាសែតក្នុងស្រុក Kinh Te & Do Thi បានរាយការណ៍ថា តម្លៃនាំចេញកាហ្វេជាមធ្យមបានឈានដល់ ៥.៦៥៣ ដុល្លារអាមេរិកក្នុងមួយតោនចាប់ពីខែមករា ដល់ខែតុលា ឆ្នាំ២០២៥៕
ប្រែសម្រួល ឈូក បូរ៉ា
