លោក Trump លើកឡើងថាអាមេរិកប្រហែលជានឹងធ្វើការជាមួយចិន និងរុស្សីដើម្បីលប់បំបាត់កម្មវិធីនុយក្លេអ៊ែរនាពេលអនាគត
បរទេស៖ យោងតាមការចេញផ្សាយរបស់ RT ប្រធានាធិបតីអាមេរិក លោក Donald Trump បាននិយាយកាលពីថ្ងៃពុធថា លោកអាចនឹងចាប់ផ្តើមធ្វើការសិក្សាទៅលើផែនការរំសាយអាវុធនុយក្លេអ៊ែរ ក្នុងពេលដំណាលគ្នាជាមួយរុស្ស៊ី និងចិន។
កាលពីសប្តាហ៍មុន លោកបានបញ្ជាឲ្យក្រសួងសង្គ្រាមចាប់ផ្តើមការត្រៀមខ្លួនសម្រាប់ការធ្វើតេស្តនុយក្លេអ៊ែរ ដោយអះអាងថាសហរដ្ឋអាមេរិកគឺជា ប្រទេសតែមួយគត់ដែលមិនសាកល្បងអាវុធប្រល័យលោកមួយនេះតាំងពីយូរមកហើយោ។
ជាការឆ្លើយតប រដ្ឋមន្ត្រីការពារជាតិរុស្ស៊ី លោក Andrey Belousov បានស្នើឱ្យចាប់ផ្តើមការត្រៀមលក្ខណៈសម្រាប់ការសាកល្បងនុយក្លេអ៊ែរពេញលេញដូចគ្នាដែរ។
ប្រធានាធិបតីរុស្ស៊ី លោក Vladimir Putin បានឆ្លើយតបដោយបញ្ជាក់ជាថ្មីថា រុស្ស៊ីបាននិយាយជាយូរមកហើយថាខ្លួននឹងប្រកាន់ខ្ជាប់នូវសន្ធិសញ្ញាហាមប្រាមការសាកល្បងនុយក្លេអ៊ែរយ៉ាងទូលំទូលាយ ដោយបានផ្តល់ឱ្យសមាជិកដទៃទៀតមិនបំពានលើវាដែរ៕
ប្រែសម្រួល៖ ស៊ុនលី
