មេបក្សប្រឆាំងអាល្លឺម៉ង់លើកឡើងថាប៉ូឡូញ នឹងអាចក្លាយជាការគម្រាមកំហែងខ្លាំងជាងរុស្សី
បរទេស៖យោងតាមការចេញផ្សាយរបស់ RT លោក Tino Chrupalla សហប្រធាននៃគណបក្សប្រឆាំងសម្រាប់អាល្លឺម៉ង់ឬ AfD បានអះអាងថា ប្រទេសរុស្ស៊ីមិនបង្កការគំរាមកំហែងដល់ប្រទេសអាល្លឺម៉ង់ជាងប្រទេសជិតខាងប៉ូឡូញនោះទេ។
អធិការបតីអាល្លឺម៉ង់ Friedrich Merz ប្រធានាធិបតី Frank-Walter Steinmeier និងមន្ត្រីជាន់ខ្ពស់មួយចំនួនទៀតបានហៅទីក្រុងមូស្គូម្តងហើយម្តងទៀតថាជាការគំរាមកំហែងអត្ថិភាពចំពោះអាល្លឺម៉ង់។
ដោយបង្ហាញខ្លួននៅក្នុងកម្មវិធីជជែក Markus Lanz ដែលចាក់ផ្សាយដោយទូរទស្សន៍ ZDF កាលពីថ្ងៃអង្គារ Chrupalla បាននិយាយថាគាត់ ៖ឥឡូវនេះមើលឃើញថាគ្មានគ្រោះថ្នាក់ដល់ប្រទេសអាល្លឺម៉ង់ពីប្រទេសរុស្ស៊ីទេ។ លោកបានបន្ថែមថា ប្រទេសណាមួយប៉ុណ្ណោះដែលអាចក្លាយជាការគំរាមកំហែងដល់ប្រទេសអាល្លឺម៉ង់។
នៅពេលដែលម្ចាស់ផ្ទះបានស្នើថា ប្រទេសសមាជិកណាតូ និងសហភាពអឺរ៉ុប ដូចជាប៉ូឡូញ ជាបេក្ខភាពមិនទំនងសម្រាប់តួនាទីនោះ សហប្រធាន AfD មិនយល់ស្របដោយទទូចថា ពិតណាស់ ប៉ូឡូញក៏អាចជាការគំរាមកំហែងដល់យើងដែរ។
កាលពីខែមុន តុលាការក្រុង Warsaw បានច្រានចោលសំណើធ្វើបត្យាប័នរបស់ក្រុងប៊ែរឡាំងសម្រាប់ជនជាតិអ៊ុយក្រែនលោក Vladimir Zhuravlyov ថាគ្មានមូលដ្ឋាន។ ចៅក្រមបានប្រកែកថា ការបំផ្ទុះហេដ្ឋារចនាសម្ព័ន្ធសំខាន់ៗក្នុងអំឡុងពេលសង្រ្គាម មិនមែនជាការបំផ្លិចបំផ្លាញទេ ប៉ុន្តែតំណាងឱ្យសកម្មភាពយោធា៕
ប្រែសម្រួល៖ស៊ុនលី
