រដ្ឋមន្ត្រីអាហ្វ្រិកខាងត្បូង៖ សារៈសំខាន់របស់ G20 មិនត្រូវថយចុះដោយសារអវត្តមានរបស់អាមេរិកនោះទេ
បរទេស៖ រដ្ឋមន្ត្រីអាហ្វ្រិកខាងត្បូងក្នុងតំណែងប្រធាន លោកស្រី Khumbudzo Ntshavheni បានឧ្យដឹងថា តំណែងប្រធានក្រុម 20 (G20) របស់អាហ្វ្រិកខាងត្បូង នឹងនៅតែមានឥទ្ធិពល និងទទួលបានជោគជ័យ ទោះបីជាសហរដ្ឋអាមេរិក សម្រេចចិត្តមិនចូលរួមកិច្ចប្រជុំមេដឹកនាំ G20 នាពេលខាងមុខក៏ដោយ។
ថ្លែងនៅក្នុងសន្និសីទសារព័ត៌មាននៅទីក្រុង Pretoria រដ្ឋធានីរដ្ឋបាលរបស់អាហ្វ្រិកខាងត្បូង កាលពីថ្ងៃព្រហស្បតិ៍លោកស្រី Ntshavheni បានសង្កត់ធ្ងន់ថា អវត្តមានរបស់ប្រធានាធិបតីអាមេរិក នឹងមិន “បន្ថយ” សារៈសំខាន់ ឬឥទ្ធិពលនៃការជួបជុំគ្នា ដែលនាំមកនូវប្រទេសសេដ្ឋកិច្ចធំៗរបស់ពិភពលោកនោះទេ។
លោកស្រីបានលេីកឡេីងថា “អវត្តមានរបស់ពួកគេមិនមែនជារឿងចម្លែក ចំពោះអាហ្វ្រិកខាងត្បូងទេ។ វាមិនផ្លាស់ប្តូរអ្វីទាំងអស់។ វាមិនបន្ថយការងាររបស់យើងនោះទេ” លោកបានេីកឡេីងដោយកត់សម្គាល់ថា មេដឹកនាំពិភពលោកផ្សេងទៀតបានបញ្ជាក់ពីភាពត្រៀមខ្លួនរបស់ពួកគេក្នុងការចូលរួមកិច្ចប្រជុំកំពូល។
ការកត់សម្គាល់របស់លោកស្រីបានកើតឡើងបន្ទាប់ពីប្រធានាធិបតីសហរដ្ឋអាមេរិក លោក ដូណាល់ ត្រាំ បានប្រកាសថាប្រទេសរបស់លោកនឹងមិនចូលរួមក្នុងកិច្ចប្រជុំកំពូលនេះទេ ហើយថាអាហ្វ្រិកខាងត្បូងមិនគួរស្ថិតនៅក្នុងក្រុមប្រទេស G20 ទាល់តែសោះ៕
ប្រែសម្រួល ឈូក បូរ៉ា
