សំាង PTT លក់នៅកម្ពុជា ធ្លាក់ចុះ 50-60% ហើយចំនួនស្ថានីយ៍ត្រូវបានកាត់បន្ថយ, អ្នកចែកចាយក្នុងស្រុកបានប្តូរឈ្មោះស្ថានីយ៍ PTT ចេញជាង ៤០ស្ថានីយ៍
បរទេស÷ ក្រុមហ៊ុន PTT Oil and Retail Business (OR) របស់ថៃ កំពុងពង្រីកខ្លួនទូទាំងពិភពលោក ជាមួយនឹងការផ្លាស់ប្តូរយុទ្ធសាស្ត្រនៅក្នុងប្រទេសកម្ពុជា វៀតណាម និងមីយ៉ាន់ម៉ា ខណៈពេលដែលផ្តោតលើហេដ្ឋារចនាសម្ព័ន្ធ EV និងកំណើនប្រកបដោយចីរភាព។
យោងតាមសារព័ត៌មាន The Nation ចេញផ្សាយកាលពីថ្ងៃទី២៨ ខែវិច្ឆិកា ឆ្នាំ២០២៥ បានឲ្យដឹងថា ទាក់ទងនឹងការសម្រេចចិត្តបិទប្រតិបត្តិការទាំងអស់នៅក្នុងប្រទេសវៀតណាម និងចូលទៅក្នុងដំណើរការ “កាត់បន្ថយ” នេះគឺដោយសារតែអសមត្ថភាពក្នុងការសម្របខ្លួនទៅនឹងគំរូស្ថានីយ៍សេវាកម្មរបស់ប្រទេសថៃប្រកបដោយប្រសិទ្ធភាព។ ទោះបីជាមានប្រតិបត្តិការប្រហែល 20-30 ស្ថានីយ៍ក៏ដោយ ក្រុមហ៊ុន OR បានប្រឈមមុខនឹងដៃគូប្រកួតប្រជែងក្នុងស្រុកដ៏រឹងមាំ និងការចំណាយលាក់កំបាំងខ្ពស់ ដែលធ្វើឱ្យប្រតិបត្តិការមិនទទួលបានប្រាក់ចំណេញ។ ការបិទប្រតិបត្តិការនៅវៀតណាមនឹងកាត់បន្ថយបន្ទុកការខាតបង់របស់ក្រុមហ៊ុន និងបង្កើនប្រាក់ចំណេញរួម។
ចំណែកនៅក្នុងប្រទេសកម្ពុជានៅតែត្រូវបានចាត់ទុកថាជា “តំបន់ដែលមានហានិភ័យខ្ពស់” ដោយការលក់ធ្លាក់ចុះ 50-60% ហើយចំនួនស្ថានីយ៍ត្រូវបានកាត់បន្ថយមកត្រឹមប្រហែល 150 ពី 200។ អ្នកចែកចាយក្នុងស្រុកបានប្តូរឈ្មោះស្ថានីយ៍ជាង 40 ដោយសារតែភាពតានតឹងផ្នែកនយោបាយ។
ប្រែសម្រួល: ណៃ តុលា
