គ្រាប់កាំភ្លើងធំរបស់មីយ៉ាន់ម៉ា៥គ្រាប់ ធ្លាក់ចំព្រំដែនថៃនៅ Mea SOT បណ្តាលឲ្យរបួសមនុស្ស៤នាក់
បរទេស: គ្រាប់កាំភ្លើងធំរបស់មីយ៉ាន់ម៉ាចំនួនប្រាំគ្រាប់បានធ្លាក់ចំព្រំដែនថៃនៅ Mae Sot បណ្តាលឲ្យរបួសមនុស្ស ៤នាក់ យោងតាមសារព័ត៌មាន Khaosod English ចេញផ្សាយនៅថ្ងៃទី៣០ ខែវិច្ឆិកា ឆ្នាំ២០២៥ បានឲ្យដឹងថា ប្រជាជនតាមបណ្តោយព្រំដែន Mae Sot ក្នុងខេត្តតាក មានការភ័យខ្លាចយ៉ាងខ្លាំងនៅព្រឹកនេះ ទី៣០ ខែវិច្ឆិកា ខណៈដែលគ្រាប់កាំភ្លើងធំធុនធ្ងន់ចំនួនប្រាំគ្រាប់ពីការប្រយុទ្ធគ្នានៅក្នុងទឹកដីមីយ៉ាន់ម៉ាបានហោះឆ្លងកាត់ព្រំដែន ហើយធ្លាក់មកលើដីថៃ។ មនុស្សបួននាក់នៅខាងថៃ — សុទ្ធតែជាពលករចំណាកស្រុកមីយ៉ាន់ម៉ា — បានរងរបួស។
យោងតាមសារព័ត៌មាន Khaosod English ចេញផ្សាយនៅថ្ងៃទី៣០ ខែវិច្ឆិកា ឆ្នាំ២០២៥ បានឲ្យដឹងថា ប្រជាជនតាមបណ្តោយព្រំដែន Mae Sot ក្នុងខេត្តតាក មានការភ័យខ្លាចយ៉ាងខ្លាំងនៅព្រឹកនេះ ទី៣០ ខែវិច្ឆិកា ខណៈដែលគ្រាប់កាំភ្លើងធំធុនធ្ងន់ចំនួនប្រាំគ្រាប់ពីការប្រយុទ្ធគ្នានៅក្នុងទឹកដីមីយ៉ាន់ម៉ាបានហោះឆ្លងកាត់ព្រំដែន ហើយធ្លាក់មកលើដីថៃ។ មនុស្សបួននាក់នៅខាងថៃ — សុទ្ធតែជាពលករចំណាកស្រុកមីយ៉ាន់ម៉ា — បានរងរបួស។
កងទ័ពមកពីកងកម្លាំងពិសេសរ៉ាចម៉ានុ បានបាញ់គ្រាប់ផ្សែងព្រមានចំនួនបួនគ្រាប់ជាការតបតវិញ ខណៈដែលការប៉ះទង្គិចគ្នាយ៉ាងខ្លាំងក្លារវាងកងកម្លាំងប្រឆាំងរបបយោធា និងយោធាមីយ៉ាន់ម៉ានៅតែបន្តឆ្លងកាត់ព្រំដែន។ អាជ្ញាធរថៃបានរឹតបន្តឹងសន្តិសុខតាមបណ្តោយព្រំដែនមេសូតទាំងមូល។
សូមជម្រាបថា កាលពីលើកមុន ក៏មានគ្រាប់កាំភ្លើងធំមួយគ្រាប់ត្រូវបានបាញ់ឆ្លងកាត់ព្រំដែនចេញពីប្រទេសមីយ៉ាន់ម៉ា ហើយបានធ្លាក់ចូលទៅក្នុងភូមិថៃមួយ ក្នុងប្រទេសថៃ ដោយបានបំផ្លាញផ្ទះជាច្រើនខ្នង និងជំរុញឱ្យមនុស្សជាង ១០០ នាក់មកពីប្រទេសមីយ៉ាន់ម៉ា រត់គេចខ្លួនចូលទៅក្នុងប្រទេសថៃ ក្រោយមក ទាហានថៃក៏បានបាញ់ព្រមានមួយគ្រាប់ ទៅកាន់ប្រទេសមីយ៉ាន់ម៉ាកាលពីថ្ងៃសៅរ៍ ។
កាលពីពេលនោះ មន្ត្រីថៃបានទាក់ទងសមភាគីមីយ៉ាន់ម៉ា តាមរយៈគណៈកម្មាធិការព្រំដែនថៃ-មីយ៉ាន់ម៉ាខេត្ត ដោយជំរុញឱ្យពួកគេការពារ គ្រាប់ផ្លោងណាមួយពីការឆ្លងកាត់ ចូលទៅក្នុងប្រទេសថៃ។
ប្រែសម្រួល: ណៃ តុលា
