លោក ដូណាល់ ត្រាំ បញ្ជាក់ថា អាមេរិកនឹងចាប់ផ្តើមវាយប្រហារតាមផ្លូវគោក លើក្រុមជួញដូរគ្រឿងញៀន នៅតំបន់ការីប៊ីន ក្នុងពេលឆាប់ៗនេះ
វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បានថ្លែងនៅក្នុងកិច្ចប្រជុំគណៈរដ្ឋមន្ត្រីសេតវិមានកាលពីថ្ងៃអង្គារថា រដ្ឋបាលរបស់លោកនឹងចាប់ផ្តើមវាយប្រហារលើផ្លូវគោកដែលកំណត់គោលដៅលើក្រុមជួញដូរគ្រឿងញៀននៅតំបន់ការីប៊ីន “ឆាប់ៗនេះ”។
លោក ត្រាំ បានថ្លែងនៅក្នុងកិច្ចប្រជុំថា “យើងនឹងចាប់ផ្តើមធ្វើការវាយប្រហារទាំងនោះលើផ្លូវគោក។ អ្នកដឹងទេ ដីគោកងាយស្រួលជាង។ វាងាយស្រួលជាង ហើយយើងដឹងពីផ្លូវដែលពួកគេដើរ”។ “យើងនឹងចាប់ផ្តើមវាឆាប់ៗនេះ”។
នៅក្នុងសុន្ទរកថាថ្លែងអំណរគុណរបស់លោកទៅកាន់កងទ័ពអាមេរិក នៅយប់ថ្ងៃព្រហស្បតិ៍សប្ដាហ៍មុន ក្នុងនោះលោក ត្រាំ បានថ្លែងអំណរគុណដល់កងពលទម្លាក់គ្រាប់បែកទី៧ របស់កងទ័ពអាកាស ចំពោះការងាររបស់ពួកគេក្នុងការ “ទប់ស្កាត់ក្រុមជួញដូរគ្រឿងញៀនវេណេស៊ុយអេឡា” ខណៈពេលដែលប្រកាសថា “វាត្រូវបានបញ្ឈប់ប្រហែល ៨៥ភាគរយដោយផ្លូវសមុទ្រ ហើយយើងនឹងចាប់ផ្តើមបញ្ឈប់ពួកគេដោយដីគោក”។
ប្រធានាធិបតីអាមេរិករូបនេះ បានថ្លែងចេញពីអគារអចលនទ្រព្យ Mar-a-Lago របស់លោកថា “ដូចគ្នានេះដែរ ដីគោកងាយស្រួលជាង ហេីយវានឹងចាប់ផ្តើមឆាប់ៗនេះ”។
ចាប់តាំងពីថ្ងៃទី២ ខែកញ្ញាមក មន្ទីរបញ្ចកោណបានធ្វើការវាយប្រហារយ៉ាងហោចណាស់ ២១លើកលើនាវាដឹកជញ្ជូនគ្រឿងញៀននៅក្នុងតំបន់ការ៉ាប៊ីន និងមហាសមុទ្រប៉ាស៊ីហ្វិកខាងកើត ដោយបានសម្លាប់មនុស្សយ៉ាងហោចណាស់ ៨៣នាក់នៅលើយន្តហោះ។
ក្នុងរយៈពេលប៉ុន្មានខែកន្លងមកនេះ ទីក្រុងវ៉ាស៊ីនតោនបានដាក់ពង្រាយនាវាចម្បាំងប្រហែលដប់គ្រឿង រួមទាំងនាវា USS Gerald R. Ford ដែលជានាវាផ្ទុកយន្តហោះធំមួយ និងកងទ័ពប្រហែល ១៥០០០នាក់ទៅកាន់សមុទ្រការីប៊ីន ដែលមានឆ្នេរសមុទ្រច្រើនជាមួយប្រទេសវេណេស៊ុយអេឡា។ តំបន់នេះមិនបានឃើញវត្តមានយោធាអាមេរិកយ៉ាងច្រើនបែបនេះអស់រយៈពេលយ៉ាងហោចណាស់ ៣ទសវត្សរ៍មកហើយ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
