សហរដ្ឋអាមេរិក ចាប់ផ្តើមសមយុទ្ធ «ត្រៀមខ្លួនជាស្រេច» របស់យោធានៅមជ្ឈិមបូព៌ា
បរទេស៖ សហរដ្ឋអាមេរិកបានចាប់ផ្តើមសមយុទ្ធយោធា ទ្រង់ទ្រាយធំ រយៈពេលច្រើនថ្ងៃនៅទូទាំងមជ្ឈិមបូព៌ា ។ សមយុទ្ធនេះស្រប ពេលជាមួយនឹងការប្រកាស របស់ប្រធានាធិបតី ដូណាល់ ត្រាំ អំពីការដាក់ពង្រាយកងទ័ពជើងទឹកបន្ថែម ដែលបង្កើនភាពតានតឹង ជាមួយទីក្រុងតេហេរ៉ង់។
យោងតាមសារព័ត៌មាន RT ចេញផ្សាយនៅថ្ងៃទី២៨ ខែមករា ឆ្នាំ២០២៦ បានឱ្យដឹងថា ទីបញ្ជាការកណ្តាលកងកម្លាំងអាកាសអាមេរិក (AFCENT) បាននិយាយ កាលពីថ្ងៃអង្គារថា “សមយុទ្ធត្រៀមខ្លួន” ត្រូវបានរៀបចំឡើង ដើម្បីបង្ហាញពីការដាក់ពង្រាយយ៉ាងឆាប់រហ័ស និងការថែរក្សាយន្ត ហោះប្រយុទ្ធ។ ប្រតិបត្តិការនេះត្រូវបានគេចោទប្រកាន់ថា មានគោលបំណងផ្ទៀងផ្ទាត់នីតិវិធី សម្រាប់ការបែកចែកបុគ្គលិក និងយន្តហោះចម្បាំងទៅកាន់ “ទីតាំងអាសន្ន” ផ្សេងៗ និងការធ្វើសមាហរណកម្មបញ្ជាការជាមួយ “ប្រទេសដៃគូ” ដែលមិនបញ្ចេញឈ្មោះ។
មេបញ្ជាការ ទីបញ្ជាការកណ្តាលកងកម្លាំង អាកាសអាមេរិក លោកឧត្តមសេនីយ៍ឯក Derek France បាននិយាយថា “នេះគឺនិយាយអំពីការរក្សាការប្តេជ្ញាចិត្ត របស់យើងក្នុងការរក្សាកងទ័ពអាកាសឱ្យត្រៀមខ្លួនប្រយុទ្ធ និងការអនុវត្តវិន័យ ដែលត្រូវការដើម្បីរក្សា ថាមពលអាកាសឱ្យអាចប្រើបាននៅពេលណា និងកន្លែងណាដែលត្រូវការ”។
សមយុទ្ធផ្លូវអាកាសបំពេញ បន្ថែមការកសាងកងទ័ពជើងទឹកដ៏សំខាន់មួយ។ បញ្ជាការកណ្តាលអាមេរិក (CENTCOM) បានបញ្ជាក់ថា នាវាផ្ទុកយន្តហោះដើរដោយ ថាមពលនុយក្លេអ៊ែរ USS Abraham Lincoln អមដោយនាវាពិឃាតមីស៊ីលណែនាំ ក៏បានចូលទៅក្នុងតំបន់នេះ កាលពីដើមសប្តាហ៍នេះផងដែរ៕
ប្រែសម្រួលៈ ណៃ តុលា
