ភ្នំពេញ ៖ គ្រឹះស្ថានអង្គរ បានឲ្យដឹងថា ក្នុងរយៈ ពេល៥ខែ ចាប់ពីខែមករា ដល់ខែឧសភា ឆ្នាំ ២០២០ កម្ពុជាបានទទួលប្រាក់ ចំណូលពីការលក់ សំបុត្រចូលទស្សនារមណីដ្ឋាន អង្គរ បានជាង១៨លានដុល្លារ ។
យោងតាមសេចក្ដីប្រកាសព័ត៌មានរបស់ គ្រឹះស្ថានអង្គរ ចេញផ្សាយនៅថ្ងៃទី១ ខែឧសភា ឆ្នាំ២០២០ ថា ភ្ញៀវបរទេសចំនួន ៣៨៦,០៩៣នាក់ ទិញបណ្ណចូលទស្សនា រមណីយដ្ឋានអង្គរ ធ្លាក់ចុះ៦៥.៤៦% បើធៀបនឹង រយៈពេលដូចគ្នា កាលពីឆ្នាំ២០១៩ ។ ចំណែក ប្រាក់ ចំណូលវិញ ទទួលបានចំនួន១៨,០២១,៣៣៦ដុល្លារ ធ្លាក់ចុះ៦៤.១៨% ។
គ្រឹះស្ថានអង្គររៀបរាប់ថា សម្រាប់ប្រាក់ចំណូល ជាង១៨លានដុល្លារ ត្រូវដកជាង៧៧ម៉ឺនដុល្លារ សម្រាប់ឧបត្ថម្ភដល់មូល និធីគន្ធបុប្ផាកម្ពុជា ដើម្បីជួយ សម្រួលដល់ដំណើរ ការព្យាបាលកុមារ ដោយឥតគិតថ្លៃ នៅមន្ទីរពេទ្យគន្ធបុប្ផា ទាំង៥ទីតាំង ក្នុងរាជធានីភ្នំពេញ និងខេត្តសៀមរាបផងដែរ ៕ ដោយ អេង ប៊ូឆេង
