អ្នកនាំពាក្យយោធាថា អ៊ីរ៉ង់វាយប្រហារលើកងកម្លាំងអាមេរិកដែលបានផ្លាស់ប្តូរទីតាំងនៅលើកោះ Bubiyan របស់ប្រទេសគុយវ៉ែត
បរទេស៖ លោក Ebrahim Zolfaqari អ្នកនាំពាក្យនៃទីស្នាក់ការកណ្តាល Khatam al-Anbiya របស់អ៊ីរ៉ង់បាននិយាយនៅក្នុងសេចក្តីថ្លែងការណ៍វីដេអូមួយដែលចែករំលែកដោយប្រព័ន្ធផ្សព្វផ្សាយរដ្ឋនៅថ្ងៃចន្ទថា កងកម្លាំងអាមេរិកដែលមានទីតាំងនៅលើកោះ Bubiyan របស់ប្រទេសគុយវ៉ែតត្រូវបានកំណត់គោលដៅដោយអ៊ីរ៉ង់។
យោងតាមសារព័ត៌មាន រ៉យទ័រ ចេញផ្សាយនៅថ្ងៃទី៦ ខែមេសា ឆ្នាំ២០២៦ថា លោក Ebrahim Zolfaqari បាននិយាយថា អ៊ីរ៉ង់បានកំណត់គោលដៅឧបករណ៍ផ្កាយរណប និងគ្រាប់រំសេវនៅលើកោះនេះដោយយន្តហោះគ្មានមនុស្សបើក ដោយបន្ថែមថា កងកម្លាំងអាមេរិកបានផ្លាស់ទីលំនៅទៅទីនោះពីជំរំ Arifjan បន្ទាប់ពីមូលដ្ឋាននោះត្រូវបានវាយប្រហារម្តងហើយម្តងទៀតដោយអ៊ីរ៉ង់។
កោះ Bubiyan គឺជាកោះឆ្នេរសមុទ្រធំជាងគេបំផុតរបស់ប្រទេសគុយវ៉ែត ដែលមានទីតាំងនៅភាគពាយ័ព្យនៃឈូងសមុទ្រពែក្ស។
ក្រសួងសុខាភិបាលគុយវ៉ែតបាននិយាយពីមុនថា មនុស្សប្រាំមួយនាក់បានរងរបួសដោយសារកម្ទេចកម្ទីធ្លាក់នៅក្នុងតំបន់លំនៅដ្ឋានមួយនៅភាគខាងជើងប្រទេសគុយវ៉ែត បន្ទាប់ពីការវាយប្រហាររបស់អ៊ីរ៉ង់៕
ប្រែសម្រួល: ណៃ តុលា
