លោកឧត្តមសេនីយ៍ត្រី ម៉េង ស្រ៊ុន អញ្ជើញចូលជួបសំដែងការគួរសម សំណេះសំណាលសួរសុខទុក្ខ និងជូនពរជ័យសិរីមង្គលដល់ លោក នាយឧត្តមសេនីយ៍ សៅ សុខា ក្នុងពិធីបុណ្យចូលឆ្នាំថ្មី
កំពង់ស្ពឺ៖ នាថ្ងៃទី៨ ខែមេសា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញចូលជួបសំដែងការគួរសម សំណេះសំណាលសួរសុខទុក្ខ និងជូនពរជ័យសិរីមង្គលដល់ លោក នាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ ជាមេបញ្ជាការ កងរាជអាវុធហត្ថលើផ្ទៃប្រទេស ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ដែលនឹងខិតជិតមកដល់នាពេលឆាប់ៗខាងមុខនេះ។
ឆ្លៀតក្នុងឱកាសដ៏មហានក្ខត្តឫក្សនៃពិធីបុណ្យចូលឆ្នាំថ្មីប្រពៃណីជាតិខ្មែរនេះផងដែរ លោកឧត្តមសេនីយ៍ត្រី ម៉េង ស្រ៊ុន រួមនឹងនាយទាហាន នាយទាហានរង និងពលទាហាន នៃបញ្ជាការដ្ឋានកងរាជអាវុធហត្ថខេត្តកំពង់ស្ពឺទាំងអស់ សូមបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិក្នុងលោក និងទេវតាឆ្នាំថ្មី សូមតាមជួយបីបាច់ថែរក្សា និងប្រសិទ្ធពរជ័យ សិរីមង្គល វិបុលសុខ មហាប្រសើរ ជូនចំពោះ លោក នាយឧត្តមសេនីយ៍ សៅ សុខា និងលោកស្រី បុត្រា បុត្រី ចៅប្រុស ចៅស្រី ក្រុមគ្រួសារទាំងអស់ អោយទទួលបាននូវពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ជាពិសេសបំផុតសូមឱ្យ លោកនាយឧត្ដមសេនីយ៍ សៅ សុខា មានសុខភាពល្អបរិបូរណ៍ កម្លាំងមាំមួន បញ្ញាញាណវាងវៃ និងអាយុយឺនយូរ និងសម្រេចបានជោគជ័យត្រចះត្រចង់គ្រប់ភារកិច្ចបម្រើជាតិ និងប្រជាជនឱ្យកាន់តែរីកចម្រើនរុងរឿងជានិច្ចនិរន្តរ៍តទៅ៕
