នាយករដ្ឋមន្ត្រីជប៉ុន លោកស្រី Sanae Takaichi ទស្សនកិច្ចរយៈពេលបីថ្ងៃនៅអូស្រ្តាលី ដែលនឹងផ្តោតលើការការពារជាតិ រ៉ែសំខាន់ៗ និងសន្តិសុខសេដ្ឋកិច្ច
បរទេស៖ នាយករដ្ឋមន្ត្រីជប៉ុន លោកស្រីSanae Takaichi កំពុងបំពេញទស្សនកិច្ចនៅប្រទេសអូស្ត្រាលី ដើម្បីពង្រឹងទំនាក់ទំនងជាមួយសម្ព័ន្ធមិត្តដ៏រឹងមាំបំផុតមួយរបស់ប្រទេសលោកស្រី ខណៈដែលលោកស្រីកំពុងស្វែងរកការកសាងយុទ្ធសាស្ត្រតំបន់ដែលបានធ្វើបច្ចុប្បន្នភាពដែលបានដាក់ចេញនៅក្នុងប្រទេសវៀតណាម។
យោងតាមសារព័ត៌មាន The Japan Times ចេញផ្សាយនៅថ្ងៃទី៤ ខែឧសភា ឆ្នាំ២០២៦ថា លោកស្រី Takaichi បានមកដល់ប្រទេសអូស្ត្រលីកាលពីយប់ថ្ងៃអាទិត្យ ម៉ោងក្នុងស្រុកនៅទីក្រុង Canberra សម្រាប់ដំណើរទស្សនកិច្ចរយៈពេលបីថ្ងៃ ដែលនឹងផ្តោតលើការការពារជាតិ រ៉ែសំខាន់ៗ និងសន្តិសុខសេដ្ឋកិច្ចកាន់តែទូលំទូលាយ។ ប្រទេសទាំងពីរមានការព្រួយបារម្ភកាន់តែខ្លាំងឡើងអំពីបរិយាកាសសន្តិសុខ និងសេដ្ឋកិច្ចដែលកំពុងផ្លាស់ប្តូរនៅក្នុងតំបន់ ដោយប្រទេសជប៉ុនមានជំហរយោធាកាន់តែម៉ឺងម៉ាត់ និងកំពុងស្វែងរកការកសាងទំនាក់ទំនងសេដ្ឋកិច្ច និងខ្សែសង្វាក់ផ្គត់ផ្គង់ដែលមានស្ថេរភាពជាមួយប្រទេសដូចជាវៀតណាម។
លោកស្រី Takaichi ត្រូវបានស្វាគមន៍នៅអាកាសយានដ្ឋានដោយរដ្ឋមន្ត្រីការបរទេសអូស្ត្រាលី Penny Wong ហើយក្រោយមកបានជួបជាមួយសមភាគីរបស់លោកស្រី គឺលោក Anthony Albanese ដោយបញ្ចប់កិច្ចព្រមព្រៀងលើការជំរុញទំនាក់ទំនងសេដ្ឋកិច្ច និងសន្តិសុខថាមពល ក៏ដូចជាការការពារជាតិ រ៉ែសំខាន់ៗ និងភាពជាដៃគូតាមអ៊ីនធឺណិត។ លោកស្រីបាននិយាយនៅក្នុងសន្និសីទសារព័ត៌មានមួយរួមជាមួយនាយករដ្ឋមន្ត្រីអូស្ត្រាលីថា ប្រទេសចិនគឺជាប្រធានបទក្នុងតំបន់ដែលពួកគេបានពិភាក្សា។
ប្រែសម្រួលៈ ណៃ តុលា
