លោក ត្រាំ និយាយថា មេដឹកនាំចិន លោក ស៊ី ជិនពីង ចង់ជួយចរចា បញ្ចប់សង្គ្រាម និងការបើកច្រក សមុទ្រហ័រមូសឡើងវិញ
បរទេស៖ ប្រធានាធិបតីអាមេរិក លោក ដូណាល់ ត្រាំ កំពុងស្ថិតនៅទីក្រុងប៉េកាំង សម្រាប់កិច្ចប្រជុំសំខាន់ៗ ជាបន្តបន្ទាប់ជាមួយមេដឹកនាំចិន លោក ស៊ី ជីនពីង។ មានការរកឃើញតិចតួចណាស់ លើបញ្ហាដែលធ្វើឲ្យប្រសើរឡើង ដូចជាសង្គ្រាមអ៊ីរ៉ង់ ពាណិជ្ជកម្ម បច្ចេកវិទ្យា និងកោះតៃវ៉ាន់។
យោងតាមសារព័ត៌មាន AP ចេញផ្សាយនៅថ្ងៃទី១៥ ខែឩសភា ឆ្នាំ២០២៦ថា បញ្ហាអ៊ីរ៉ង់ លោក ត្រាំ បាននិយាយថា លោក ស៊ី បានប្រាប់លោកថា ចិនចង់ជួយចរចាបញ្ចប់សង្គ្រាម និងការបើកច្រកសមុទ្រហ័រមូសឡើងវិញ។ ចិនគឺជាអ្នកទិញប្រេងអ៊ីរ៉ង់ធំជាងគេ ហើយលោក ត្រាំ សង្ឃឹមថា លោក ស៊ី នឹងប្រើប្រាស់ឥទ្ធិពលនោះ ដើម្បីជំរុញអ៊ីរ៉ង់ ឲ្យចូលទៅក្នុងកិច្ចព្រមព្រៀងមួយ លើលក្ខខណ្ឌរបស់សហរដ្ឋអាមេរិក។
លោក ត្រាំ ក៏បាននិយាយផងដែរថា លោក ស៊ី បានធានាលោកថា ចិននឹងមិនផ្តល់ឧបករណ៍យោធាដល់អ៊ីរ៉ង់នោះទេ។
នៅក្នុងកិច្ចប្រជុំបិទទ្វារមួយ លោក ស៊ី ក៏បានព្រមានលោក ត្រាំ ថា ភាពខុសគ្នាលើកោះតៃវ៉ាន់ ដែលជាកោះគ្រប់គ្រងដោយខ្លួនឯង ដែលទីក្រុងប៉េកាំងអះអាងថាជាទឹកដីរបស់ខ្លួន អាចនាំសហរដ្ឋអាមេរិក និងចិន ឲ្យមានការប៉ះទង្គិចគ្នា ឬជម្លោះ។ លោក ត្រាំ កាលពីខែធ្នូ បានអនុម័តកញ្ចប់អាវុធចំនួន ១១ ពាន់លានដុល្លារ សម្រាប់តៃវ៉ាន់ ប៉ុន្តែមិនទាន់បានបន្តទៅមុខជាមួយនឹងការប្រគល់នៅឡើយទេ។
ក្រោយមក រដ្ឋមន្ត្រីការបរទេសអាមេរិកលោក ម៉ាកូ រូប៊ីអូ បានព្រមានថា វានឹងជា «កំហុសដ៏គួរឱ្យភ័យខ្លាច» សម្រាប់ចិន ក្នុងការដណ្តើមយកកោះតៃវ៉ាន់ ដោយកម្លាំង។
ប្រែសម្រួល: ណៃ តុលា
