ប្រធានាធិបតីគុយបា បញ្ជាក់ថា ទណ្ឌកម្មរបស់សហរដ្ឋអាមេរិក នឹងធ្វើឱ្យភាពតានតឹងទ្វេភាគីកាន់តែខ្លាំងឡើង
ហាវ៉ាណា៖ ប្រធានាធិបតីគុយបា លោក Miguel Diaz-Canel បានឧ្យដឹងថា ទណ្ឌកម្មថ្មីដែលដាក់ដោយទីក្រុងវ៉ាស៊ីនតោន រួមជាមួយនឹងការកត់សម្គាល់ថ្មីៗរបស់ប្រធានាធិបតីអាមេរិក លោក ដូណាល់ ត្រាំ នឹងធ្វើឱ្យការបិទផ្លូវប្រឆាំងនឹងប្រទេសគុយបាកាន់តែតឹងរ៉ឹង និងធ្វើឱ្យភាពតានតឹងរវាងប្រទេសទាំងពីរកាន់តែជ្រៅ។
ការិយាល័យគ្រប់គ្រងទ្រព្យសម្បត្តិបរទេសនៃក្រសួងរតនាគារសហរដ្ឋអាមេរិកកាលពីថ្ងៃព្រហស្បតិ៍ បានបន្ថែមលោក Diaz-Canel ក៏ដូចជាបុគ្គលមួយចំនួនទៀត និងអង្គភាពចំនួន៥ រួមទាំងក្រសួងកងកម្លាំងប្រដាប់អាវុធបដិវត្តន៍គុយបា ទៅក្នុងបញ្ជីឈ្មោះជនជាតិ ដែលត្រូវបានកំណត់ជាពិសេសរបស់ខ្លួន។
មុននេះ លោក ត្រាំ បានណែនាំថា សហរដ្ឋអាមេរិក អាចងាកមកចាប់អារម្មណ៍លើប្រទេសគុយបាវិញ នៅពេលដែលសង្គ្រាមជាមួយអ៊ីរ៉ង់ ត្រូវបានបញ្ចប់។
នៅក្នុងការបង្ហោះមួយនៅលើ X លោក Diaz-Canel បានឧ្យដឹងថា ចលនារបស់សហរដ្ឋអាមេរិកគឺ “មានគោលបំណងពង្រឹងវិធានការបិទផ្លូវ និងសេណារីយ៉ូនៃជម្លោះរវាងគុយបា និងសហរដ្ឋអាមេរិក”។
លោកបានបន្ថែមថា «វិធានការបង្ខិតបង្ខំ ដែលបានអនុវត្តក្នុងសប្តាហ៍ថ្មីៗនេះប្រឆាំងនឹងប្រទេសគុយបា ត្រូវបានរចនាឡើង ដើម្បីធ្វើបាបប្រជាជនគុយបា ហើយភាពឈ្លានពាន និងភាពវឹកវរ របស់រដ្ឋាភិបាលសហរដ្ឋអាមេរិក នឹងប៉ះទង្គិចជាមួយនឹងការប្តេជ្ញាចិត្តរបស់ប្រទេសគុយបា ក្នុងការប្រឈមមុខនឹងសេណារីយ៉ូដ៏អាក្រក់បំផុត និងទប់ទល់នឹងការវាយលុករបស់អធិរាជ»៕
ប្រែសម្រួល ឈូក បូរ៉ា
