ភ្នំពេញ៖ ក្នុងក្តីរំភើបឈានដល់ព្រឹត្តិការណ៍កីឡា ដ៏ធំបំផុតនៅអាស៊ីអាគ្នេយ៍ ដែលនឹងប្រព្រឹត្តិទៅនៅប្រទេសកម្ពុជា នាថ្ងៃទី២២ ខែមេសា ឆ្នាំ២០២៣ នៅរាជធានីភ្នំពេញ ក្រុមហ៊ុនវៀតធេល កម្ពុជា (មិត្តហ្វូន) សហការជាមួយសហព័ន្ធយុវជនកម្ពុជា បានរៀបចំពិធីសំណេះសំណាល និងផ្តល់ប្រាក់ឧបត្ថម្ភសម្រាប់កីឡាកម្ពុជា។ ពិធីនេះមានការចូលរួមពី លោក អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡារបស់ក្រសួងអប់រំ យុវជន និងកីឡា លោក ប៉ុន សុខ នាយកមជ្ឈមណ្ឌលជាតិហ្វឹកហ្វឺនកីឡា និងលោក ញ៉ុង ឌិនថន អគ្គនាយករងក្រុមហ៊ុនមិត្តហ្វូន រួមទាំងអត្តពលិកជម្រើសជាតិជាច្រើននាក់ទៀត។
![](https://dap-news.com/wp-content/uploads/2023/04/photo_2023-04-22_17-04-00-1024x682.jpg)
ដោយមានបំណងចង់ជំរុញ និងផ្តល់កម្លាំងចិត្តដល់ប្រតិភូកីឡាកម្ពុជា ក្នុងការហ្វឹកហាត់ និងប្រកួតឱ្យកាន់តែប្រសើរឡើង ក្នុងការប្រកួតកីឡាស៊ីហ្គេម លើកទី៣២ នាពេលខាងមុខ ក្រុមហ៊ុនមិត្តហ្វូនបានឧបត្ថម្ភកីឡាចំនួន៥ប្រភេទ រួមមាន៖ បាល់ទាត់ បាល់ទះ ប៉េតង់ គុនខ្មែរ និង ល្បុក្កតោជាមួយនឹងថវិកាសរុបចំនួន ២៥០០០ ដុល្លារ។
![](https://dap-news.com/wp-content/uploads/2023/04/photo_2023-04-22_17-18-53-1024x682.jpg)
ថ្លែងក្នុងពិធីនេះ លោក ញ៉ុង ឌិនថន អគ្គនាយករងក្រុមហ៊ុន មិត្តហ្វូន បានចែករំលែកថា៖ «សម្រាប់មិត្តហ្វូន ការយកចិត្តទុកដាក់ និងការវិនិយោគលើកីឡា គឺជាការវិនិយោគនាពេលអនាគត និងសម្រាប់សុខភាពសហគមន៍។ ការឧបត្ថម្ភកីឡាកម្ពុជា គឺជាទំនួលខុសត្រូវរបស់មិត្តហ្វូន ដែលចូលរួមចំណែកក្នុងការអភិវឌ្ឍន៍ និងលើកកំពស់គុណភាពនៃ សកម្មភាពកីឡាកម្ពុជា។ នេះក៏បង្កើតលក្ខខណ្ឌ សម្រាប់កីឡាករក្នុងការអនុវត្ត និងប្រកួតប្រកបដោយវិជ្ជាជីវៈ រួមចំណែកក្នុងការពង្រឹងសមត្ថភាពក្រុម ដើម្បីបញ្ជាក់ជំហររបស់ខ្លួននៅក្នុងតំបន់ និងអន្តរជាតិ»។
![](https://dap-news.com/wp-content/uploads/2023/04/photo_2023-04-22_17-22-44-1024x682.jpg)
លោក អ៊ុក សិទ្ធិជាតិ អគ្គនាយកនៃអគ្គនាយកដ្ឋាន កីឡារបស់ក្រសួងអប់រំ យុវជន និងកីឡា បានទទួលស្គាល់ និងកោតសរសើរចំពោះការស្រលាញ់ និងការរួមចំណែករបស់មិត្តហ្វូនចំពោះវិស័យ កីឡាកម្ពុជាក្នុងរយៈពេលជាច្រើនឆ្នាំកន្លងមកនេះ។ ជាមួយគ្នានេះ លោកក៏បានបង្ហាញពីបំណងចង់ បន្តទទួលបានការយកចិត្តទុកដាក់ពីក្រុមហ៊ុន និងដៃគូសហការនាពេលខាងមុខថា «ពួកយើងនឹងព្យាយាម និងខិតខំជានិច្ច ដើម្បីសម្រេចបានលទ្ធផលល្អបំផុតតាមរដូវកាល ដែលជាការប្រកួត។ សូមអរគុណចំពោះសេចក្តីស្រលាញ់ ដែលមិត្តហ្វូន មានសម្រាប់កីឡាកម្ពុជា សូមជូនពរក្រុមហ៊ុនតែងតែអភិវឌ្ឍន៍ កាន់តែជោគជ័យ និងរក្សាទំនាក់ទំនងល្អជានិច្ច អមដំណើរកីឡាកម្ពុជា»។
![](https://dap-news.com/wp-content/uploads/2023/04/photo_2023-04-22_17-24-56-1024x682.jpg)
ព្រឹត្តិការណ៍កីឡាអាស៊ីអាគ្នេយ៍ឆ្នាំ ២០២៣ ត្រូវបានគេស្គាល់ថាជាស៊ីហ្គេមឆ្នាំ ២០២៣ ឬ ស៊ីហ្គេមលើកទី ៣២ ព្រោះវាជាព្រឹត្តិការណ៍កីឡាលើកទី ៣២ ដែលជាព្រឹត្តិការណ៍ពហុកីឡាប្រចាំឆ្នាំក្នុងតំបន់។ សមាជនេះនឹងប្រព្រឹត្តទៅនៅទីក្រុងភ្នំពេញ ប្រទេសកម្ពុជា ចាប់ពីថ្ងៃទី ៥ ដល់ថ្ងៃទី ១៧ ខែឧសភា ឆ្នាំ ២០២៣។ នេះជាលើកទីមួយហើយដែលកម្ពុជាក្លាយជា ប្រទេសម្ចាស់ផ្ទះស៊ីហ្គេម ដែលព្រឹត្តិការណ៍នេះមានកីឡាចំនួន ៣៧ ប្រភេទ ដែលមាន ៦០៨ វិញ្ញាសា ត្រូវបានអនុញ្ញាតឱ្យចូលរួមប្រកួត។
![](https://dap-news.com/wp-content/uploads/2023/04/photo_2023-04-22_17-00-30-1024x682.jpg)
ជាច្រើនឆ្នាំមកនេះ រួមជាមួយនឹងសកម្មភាពអាជីវកម្ម មិត្តហ្វូនបានចាប់ដៃគ្នា និងអមដំណើររដ្ឋាភិបាល ធុរកិច្ច និងប្រជាជនកម្ពុជា ដើម្បីរៀបចំសកម្មភាពឧបត្ថម្ភ និងគាំទ្រជាច្រើនសម្រាប់ការ អភិវឌ្ឍន៍សហគមន៍ ដែលមានទំហំទឹកប្រាក់សរុបរហូតដល់ ១០០ លានដុល្លារ។ ភាពលេចធ្លោគឺជាគោលនយោបាយ កាត់បន្ថយថ្លៃសិក្សា និងគាំទ្រដល់សិស្សានុសិស្សសិក្សាតាមអ៊ីនធឺណិត ផ្តល់សេវាអ៊ីនធឺណិតឥតគិតថ្លៃសម្រាប់មន្ទីរពេទ្យ និងការថែទាំសុខភាព។
![](https://dap-news.com/wp-content/uploads/2023/04/photo_2023-04-22_17-01-03-1024x682.jpg)
ក្រៅពីនេះ មិត្តហ្វូនក៏តែងតែយកចិត្តទុកដាក់ និងមានការគាំទ្រច្រើន ចំពោះសកម្មភាពកីឡានៅកម្ពុជា។ កាលពីព្រឹត្តិការណ៍ស៊ីហ្គេមកន្លងមក មិត្តហ្វូនក៏បានអមដំណើរ និងឧបត្ថម្ភដល់ក្រុមកីឡាកម្ពុជាផងដែរ។ កាលពីពេលថ្មីៗនេះ មិត្តហ្វូន ទើបតែបានចូលរួមក្នុងកម្មវិធី អង្គរសង្ក្រាន្ត រត់ និងជិះកង់ ថវិកាទាំងអស់ដែលបានមកពីការលក់សំបុត្រ គឺបានឧបត្ថម្ភដល់មន្ទីរពេទ្យកុមារអង្គរ។
![](https://dap-news.com/wp-content/uploads/2023/04/photo_2023-04-22_17-01-30-1024x682.jpg)
មិនត្រឹមតែប៉ុណ្ណោះ ជារៀងរាល់ឆ្នាំ មិត្តហ្វូន ចូលរួមឧបត្ថម្ភ ៥០ម៉ឺនដុល្លារ សម្រាប់ការប្រកួតកីឡាបាល់ទាត់ជាតិកម្ពុជា និងចូលរួមសកម្មភាពជាច្រើន អមជាមួយកីឡាកម្ពុជា ដែលទទួលបានការគាំទ្រពីរដ្ឋាភិបាល គណៈប្រតិភូកីឡា និងប្រជាជនទូទាំងប្រទេសកោតសរសើរផងដែរ៕
![](https://dap-news.com/wp-content/uploads/2023/04/photo_2023-04-22_17-02-23-1024x682.jpg)
![](https://dap-news.com/wp-content/uploads/2023/04/photo_2023-04-22_17-03-01-1024x682.jpg)
![](https://dap-news.com/wp-content/uploads/2023/04/IMG_0782-1024x683.jpg)
![](https://dap-news.com/wp-content/uploads/2023/04/photo_2023-04-22_17-09-57-1024x682.jpg)
![](https://dap-news.com/wp-content/uploads/2023/04/photo_2023-04-22_17-12-36-1024x682.jpg)
![](https://dap-news.com/wp-content/uploads/2023/04/photo_2023-04-22_17-25-39-1024x682.jpg)
![](https://dap-news.com/wp-content/uploads/2023/04/photo_2023-04-22_17-25-45-1024x682.jpg)
![](https://dap-news.com/wp-content/uploads/2020/08/1-1.png)