DR103

ប.ស.ស. ទទួលការបណ្តុះបណ្តាល ស្តីពីការបង្កើនការយល់ដឹង អំពីរបបសន្តិសុខសង្គម ផ្នែកប្រាក់សោធន ពីអង្គភាពសោធនជាតិនៃសាធារណរដ្ឋកូរ៉េ

ភ្នំពេញ៖ បន្ទាប់ពី ប.ស.ស. កម្ពុជា បានចុះអនុស្សរណៈនៃការយោគយល់គ្នាស្តីពី កិច្ចសហប្រតិបត្តិការគ្នាទៅវិញទៅមក ជាមួយអង្គភាពសោធនជាតិ (NPS) នៃសាធារណរដ្ឋកូរ៉េ កាលថ្ងៃទី២៨ ខែកុម្ភៈ ឆ្នាំ២០២៣ រួចកន្លងមក នាព្រឹកថ្ងៃទី១ ខែមីនា ឆ្នាំ២០២៣នេះ អង្គភាពសោធនជាតិ (NPS) នៃសាធារណរដ្ឋកូរ៉េ បានផ្តល់វគ្គបណ្តុះបណ្តាល ស្តីពី ការអនុវត្តរបបសន្តិសុខសង្គមរបស់សាធារណរដ្ឋកូរ៉េ ក្រោមអធិបតី លោកបណ្ឌិត ហេង សុផាន់ណារិទ្ធ អគ្គនាយករង ប.ស.ស. តំណាងដ៏ខ្ពង់ខ្ពស់ លោក អ៊ុកសមវិទ្យា ប្រតិភូរាជរដ្ឋាភិបាល ទទួលបន្ទុកជាអគ្គនាយក ប.ស.ស.។ វគ្គបណ្តុះបណ្តាលនេះ មានគោលបំណង ដើម្បីចែករំលែកចំណេះដឹងរបស់ខ្លួន ជាពិសេសដើម្បីកសាងសមត្ថភាព ផ្លាស់ប្តូរបទពិសោធន៍ និងឧត្តមានុវត្តន៍ ដើម្បីពង្រីកវិសាលភាព ក៏ដូចជាជំរុញនូវការអនុវត្ត របបសន្ដិសុខសង្គមផ្នែកប្រាក់សោធន ក្នុងប្រទេសកម្ពុជា ឲ្យបានទូលំទូលាយ ប្រកបដោយប្រសិទ្ធភាព ចីរភាពនិងនិរន្ដរភាព។ ឆ្លៀតក្នុងឱកាសនេះ លោកបណ្ឌិត អគ្គនាយករង ប.ស.ស. បានស្វាគមន៍ និងថ្លែងអំណរគុណយ៉ាងកក់ក្តៅ ចំពោះ គណៈប្រតិភូតំណាងអង្គភាពសោធនជាតិ នៃសាធារណរដ្ឋកូរ៉េ ដែលបានអញ្ជើញមកកាន់បេឡាជាតិសន្តិសុខសង្គម នៃព្រះរាជាណាចក្រកម្ពុជានិងបានចូលរួមសហការផ្តល់វគ្គបណ្តុះបណ្តាលស្តីពី របបសន្តិសុខសង្គមផ្នែកប្រាក់សោធន នេះឡើង ដែលនេះជាវគ្គបណ្តុះបណ្តាល ដ៏មានសារៈសំខាន់បំផុតសម្រាប់កសាង និងលើកកម្ពស់សមត្ថភាពនិងការយល់ដឹងបន្ថែមរបស់ថ្នាក់ដឹកនាំ មន្ត្រី និងបុគ្គលិកជំនាញប.ស.ស. ដើម្បីឆ្លើយតបទៅនឹងតម្រូវការការងារនាពេលបច្ចុប្បន្ន និងអនាគត នៅក្នុងអង្គភាព ប.ស.ស. ទាំងមូល។ តាមរយៈការចុះហត្ថលេខាលើអនុស្សរណៈ នៃការយោគយល់គ្នារួចកន្លងទៅនេះ លោកបណ្ឌិតអគ្គនាយករង ប.ស.ស. សង្ឃឹមយ៉ាងមុតមាំថា ប.ស.ស. កម្ពុជា និងអង្គភាពសោធនជាតិ កូរ៉េ នឹងមានកិច្ចសហប្រតិបត្តិការ ជាមួយគ្នាលើសកម្មភាពរួមគ្នា មួយចំនួនដូចជាការអប់រំ ការបណ្តុះបណ្តាល ការសិក្សាស្រាវជ្រាវ ទស្សនកិច្ចសិក្សា និងការផ្លាស់ប្តូរព័ត៌មានជាដើម។ ជាមួយគ្នានេះ លោក Kim Chi-Mug អគ្គនាយក និងជាប្រធានមជ្ឈមណ្ឌលកិច្ចការអន្តរជាតិ នៃអង្គភាពសោធនជាតិ កូរ៉េ បានថ្លែងថា៖ ចាប់តាំងពីឆ្នាំ ២០១៣ មក អង្គភាពសោធនជាតិ កូរ៉េ បានផ្តល់ការបណ្តុះបណ្តាលដល់ ២៦ប្រទេស ដែលមានអ្នកចូលរួមប្រហែល ៩២០នាក់ ក្នុងគោលបំណងដើម្បីផ្លាស់ប្តូរបទពិសោធន៍ នៅក្នុងប្រតិបត្តិការ នៃការអនុវត្តរបបប្រាក់សោធន និងបានចុះហត្ថលេខាលើអនុស្សរណៈនៃការយោគយល់គ្នាជាមួយបណ្តាប្រទេសចំនួន៨ រួចមកហើយ ដើម្បីលើកកម្ពស់ និងផ្លាស់ប្តូរ កិច្ចសហប្រតិបត្តិការរវាងគ្នានិងគ្នា។ លោក Kim Chi-Mug បានថ្លែងបន្ដថា៖ របបសន្ដិសុខសង្គមផ្នែកប្រាក់សោធនរបស់កម្ពុជា ត្រូវបានដាក់ឱ្យដំណើរការជាផ្លូវការនៅក្នុងឆ្នាំ២០២២នេះ ហើយដោយផ្អែកលើអនុស្សរណៈនៃការយោគយល់គ្នា ដែលបានចុះហត្ថលេខារួច អង្គភាពសោធនជាតិ កូរ៉េនឹងផ្តល់វគ្គបណ្តុះបណ្តាល និងកម្មវិធីផ្សេងៗ ក្នុងគោលបំណងដើម្បីបង្ហាញ នូវការរួមចំណែកយ៉ាងសកម្មក្នុងការចែករំលែកចំណេះដឹង និងបទពិសោធន៍បន្ថែមទៀត ដើម្បីអភិវឌ្ឍប្រព័ន្ធប្រាក់សោធននៅកម្ពុជា កាន់តែរីកចម្រេីន ហើយ លោកសង្ឃឹមថាប្រទេសទាំងពីរ នឹងបន្តផ្លាស់ប្តូរបទពិសោធន៍ និងបង្កើនកិច្ចសហប្រតិបត្តិការរវាងគ្នានាពេលអនាគតបន្ថែមទៀត។ សូមបញ្ជាក់ថា៖ វគ្គបណ្តុះបណ្តាលនេះ ប្រព្រឹត្តទៅនៅសាលប្រជុំករុណា ស្នាក់ការកណ្ដាល ប.ស.ស. រាជធានីភ្នំពេញ ដោយមានការអញ្ជើញចូលរួមពីគ្រូបង្គោល នៃអង្គភាពសោធនជាតិ (NPS) នៃសាធារណរដ្ឋកូរ៉េ និងថ្នាក់ដឹកនាំ មន្ត្រី និងបុគ្គលិក បច្ចេកទេសនៃ ប.ស.ស. ជាច្រើនរូប៕

ឧកញ៉ា ទៀ វិចិត្រ បញ្ចូនអូប័រក្រុមហ៊ុន GTVC ទៅយកក្មេងប្រុសម្នាក់ ពីកោះរ៉ុង មកសង្គ្រោះនៅមន្ទីរពេទ្យខេត្តភ្លាមៗ ក្រោយក្មេងនេះជួបគ្រោះថ្នាក់បាក់ដៃ

ព្រះសីហនុ៖ លោកឧកញ៉ា ទៀ វិចិត្រ ប្រធានគណៈកម្មាធិការគណបក្សមូលដ្ឋាន ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ កាលពីយប់ថ្ងៃទី២៨ ខែកុម្ភៈ ឆ្នាំ២០២៣ បានបញ្ជូនអូប័រមួយគ្រឿង របស់ក្រុមហ៊ុន GTVC ទៅទទួលយកក្មេងប្រុសម្នាក់ជាអ្នករស់នៅក្រុងកោះរ៉ុង ដែលបានជួបគ្រោះថ្នាក់ ដួលបាក់ដៃ បញ្ជូនយកមកខេត្តព្រះសីហនុ ដើម្បីសង្គ្រោះនៅមន្ទីរពេទ្យ។ បើតាមលោកឧកញ៉ា ទៀ វិចិត្រ មានប្រសាសន៍ថា ក្មេងប្រុសរងគ្រោះ បានជួបគ្រោះថ្នាក់ ដួលបាក់ដៃ មានឈ្មោះ Keal Sandon មានឳពុកឈ្មោះ ម៉ន សុំ អាយុ ៣៥ឆ្នាំ មុខរបរកម្មករ ម្តាយឈ្មោះ Sarah Jane អាយុ ៤៤ឆ្នាំ មុខរបរ បុគ្គលិកតាមបឹងកាឡូ រស់នៅក្នុងភូមិដើមថ្កូវ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ។ ក្រោយទទួលដំណឹង ពីកម្លាំងប៉ុស្តិ៍នគរបាលរដ្ឋបាលសង្កាត់កោះរ៉ុង ភ្លាមៗ លោកឧកញ៉ា ទៀ វិចិត្រ ក៏បានបញ្ជូនអូប័រមួយគ្រឿងរបស់ក្រុមហ៊ុន GTVC ទៅទទួលយកក្មេងប្រុស ជាជនរងគ្រោះ។ បច្ចុប្បន្ន ជនរងគ្រោះ ត្រូវបានបញ្ជូនតាមអូប័រពេទ្យ មកកាន់កំពង់ផែនៅក្រុងព្រះសីហនុ ដោយសុវត្ថិភាព នឹងដឹកតាមរថយន្តសង្គ្រោះបន្ទាន់ ក្រុមហ៊ុន GTVC របស់លោកឧកញ៉ាដើម្បីយកទៅសង្គ្រោះនៅមន្ទីរពេទ្យ៕

មេបញ្ជាការកងទ័ពជើងគោកសិង្ហបុរី និងគណៈប្រតិភូ អញ្ជើញទស្សនកិច្ច កងពលតូចលេខ៧០

ភ្នំពេញ៖ លោកឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជេីងគោក មេបញ្ជាការកងពលតូចលេខ៧០ នៅថ្ងៃទី២៨ ខែកុម្ភៈ ឆ្នាំ២០២៣នេះ បានទទួលស្វាគមន៍ លោកឧត្តមសេនីយ៍ទោ ដាវីដ នីអូ (David Neo)មេបញ្ជាការកងទ័ពជើងគោកសិង្ហបុរីនិងគណៈប្រតិភូ ក្នុងដំណេីរបំពេញទស្សនកិច្ចកម្ពុជា នៅទីបញ្ជាការកងពលតូចលេខ៧០។

1.7K

កិច្ចសហការរវាង ប.ស.ស. និងអង្គភាព សោធនជាតិកូរ៉េ ជាជំហ៊ានថ្មី ក្នុងការជំរុញចល័តភាព របបសន្តិសុខសង្គម រវាងប្រទេសទាំងពីរ

ភ្នំពេញ៖ បន្ទាប់ពីកិច្ចប្រជុំ បូកសរុបលទ្ធផលការងារ សម្រេចបានរបស់ ប.ស.ស. កាលពីព្រឹកមិញនេះ នៅរសៀលថ្ងៃដដែលនេះបេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈកម្ពុជា បានចុះហត្ថលេខា លើអនុស្សរណៈនៃការយោគយល់គ្នា ស្តីពី កិច្ចសហប្រតិបត្តិការគ្នាទៅវិញទៅមក ជាមួយអង្គភាពសោធនជាតិកូរ៉េ (NPS)។ ថ្លែងក្នុងពិធីចុះហត្ថលេខា លើអនុស្សរណៈនៃការយោគយល់គ្នាខាងលើ លោកបណ្ឌិត អ៉ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមប្រឹក្សាភិបាល នៃ ប.ស.ស. បានលើកឡើងថា៖ ការចុះហត្ថលេខាលើអនុស្សរណៈ នៃការយោគយល់គ្នាររវាង ប.ស.ស. កម្ពុជា ជាមួយអង្គភាពសោធនជាតិកូរ៉េ (NPS) នាពេលនេះ គឺជាការបើកទំព័រថ្មី នៃកិច្ចសហប្រតិបត្តិការរវាងស្ថាប័នទាំងពីរ ដើម្បីផ្តល់កិច្ចសហប្រតិបត្តិការ ទៅលើការអភិវឌ្ឍគោលនយោបាយ ការពង្រឹង និងការពង្រីកដែនវិសាលភាពរបបសន្តិសុខសង្គម ផ្នែកប្រាក់សោធន ក្នុងគោលដៅផ្តល់អត្ថប្រយោជន៍ ឱ្យគ្នាទៅវិញទៅមក និងអភិវឌ្ឍគ្រឹះនៃការទំនាក់ទំនងដ៏រឹងមាំ នាពេលអនាគតរវាងភាគីទាំងពីរ។ លោកបណ្ឌិតរដ្ឋមន្រ្តី បានថ្លែងបញ្ជាក់ទៀតថា៖ បច្ចុប្បន្ន រាជរដ្ឋាភិបាលកម្ពុជា ក៏បាននិងកំពុងយកចិត្តទុកដាក់ ទៅលើបងប្អូនពលករទេសន្តរប្រវេសក៍ ដែលធ្វើការចាកចេញពីប្រទេសកំណើតរបស់ខ្លួន ដើម្បីបំពេញការងារ ហើយនៅពេលត្រឡប់ មកប្រទេសកំណើតវិញ មិនទទួលបានការការពារពីប្រព័ន្ធសន្តិសុខសង្គម ដែលនេះគឺជាបញ្ហាប្រឈមមួយទាំងក្នុងកម្រិតថ្នាក់តំបន់ និងអន្តរជាតិ ។ ដូច្នេះ ក្នុងនាមកម្ពុជា ជាប្រធានអាស៊ាន ឆ្នាំ២០២២ កន្លងទៅក្រសួងការងារ និងបណ្តុះបណ្តាលវិជ្ជាជីវៈ ក៏បានផ្តួចផ្តើមគំនិតរៀបចំ នូវ សេចក្តីថ្លែងការណ៍អាស៊ានស្តីពី ចល័តភាពរបបសន្តិសុខសង្គម សម្រាប់ពលករទេសន្តរប្រវេសក៍ ក្នុងតំបន់អាស៊ានហើយត្រូវបានអនុម័ត នៅក្នុងកិច្ចប្រជុំកំពូលអាស៊ានលើកទី៤០ និង៤១ កាលពីខែវិច្ឆិកា ឆ្នាំ២០២២កន្លងទៅ។ លោកបណ្ឌិតរដ្ឋមន្រ្តី បានថ្លែងបញ្ជាក់ទៀតថា ការរៀបចំឱ្យមានចល័តភាព របបសន្តិសុខសង្គមនេះ គឺជាសមិទ្ធផលដ៏សំខាន់មួយទៀតរបស់កម្ពុជា ដែលបានបោះជំហានដ៏ធំឆ្ពោះទៅកាន់ការធ្វើចល័តភាព នៃអត្ថប្រយោជន៍របបសន្តិសុខសង្គម សម្រាប់ពលករទេសន្តរប្រវេសក៍អាស៊ាន ស្របតាមស្មារតី នៃសេចក្តីថ្លែងការណ៍ និងឯកច្ឆន្ទភាពអាស៊ានស្តីពីការការពារ និងការលើកកម្ពស់សិទ្ធិពលករទេសន្តរប្រវេសក៍ នៅក្នុងអាស៊ាន និងជាពិសេស លិខិតូបករណ៍ថ្នាក់តំបន់មួយនេះ នឹងក្លាយជាក្របខណ្ឌសិក្សាសមិទ្ធិលទ្ធភាព រវាងព្រះរាជាណាចក្រកម្ពុជា និងសាធារណរដ្ឋកូរ៉េ នឹងអាចធ្វើការជាមួយគ្នាកាន់តែមានភាពជិតស្និត ឆ្ពោះទៅរកការបង្កើតឱ្យមាននូវចល័តភាព របបសន្តិសុខសង្គម រវាងប្រទេសទាំងពីរ ពិសេស គឺសម្រេចឱ្យបាននូវចល័តភាពរបបសន្តិសុខសង្គម ផ្នែកប្រាក់សោធននាពេលខាងមុខ។ លោក អ៊ុក សមវិទ្យា ប្រតិភូរាជរដ្ឋាភិបាល ទទួលបន្ទុកជាអគ្គនាយក ប.ស.ស. ក្នុងឱកាសជាមួយគ្នានេះដែរ បានថ្លែងថា៖ កន្លងមកប.ស.ស. កម្ពុជា មានកិច្ចសហការយ៉ាងជិតស្និតជាមួយស្ថាប័នសន្តិសុខសង្គម នៃសាធារណរដ្ឋកូរ៉េ រួមមាន កិច្ចសហការ ជាមួយអង្គភាពសុខុមាលភាព និងសំណងគ្រោះថ្នាក់ការងារ កិច្ចសហការជាមួយអង្គភាពធានារ៉ាប់រងសុខភាពជាតិ ជាពិសេសកិច្ចសហការជាមួយអង្គភាពសោធនជាតិ ដែលបានទទួលនូវការចែករំលែកបទពិសោធន៍ ចំណេះដឹង និងឧត្តមានុវត្តន៍ ពាក់ព័ន្ធទៅនឹងការអនុវត្តរបបសន្តិសុខសង្គម នៃសាធារណរដ្ឋកូរ៉េ ហើយការសម្រេចចុះហត្ថលេខា លើអនុស្សារណៈនៃការយោគយល់គ្នានាពេលនេះនឹងអាចផ្ដល់នូវកិច្ចសហប្រតិបត្តិការ រវាងគ្នាទៅវិញទៅមក ឱ្យយកាន់តែជិតស្និតបន្ថែមទៀត ។ លោកប្រតិភូរាជរដ្ឋាភិបាល បានបញ្ជាក់ឱ្យដឹងទៀតថា៖ ផ្អែកតាមផែនការយុទ្ធសាស្ត្រ អភិវឌ្ឍន៍វិស័យការងារឆ្នាំ២០១៩-២០២៣ក្រសួងការងារ និងបណ្តុះបណ្តាលវិជ្ជាជីវៈ ដែលមានបេឡាជាតិសន្តិសុខសង្គម ជាប្រតិបត្តិករ បាននិងកំពុងបន្តផ្តោតការយកចិត្តទុកដាក់ ទៅលើវិស័យសន្តិសុខសង្គម ដោយបន្តពង្រឹង ពង្រីក និងជំរុញការអភិវឌ្ឍរបបសន្តិសុខសង្គម ដល់បងប្អូនកម្មករនិយោជិតនិងមន្ត្រីសាធារណៈ អតីតមន្រ្តីរាជការ និងអតីតយុទ្ធជន ឱ្យមានសង្គតិភាព និងប្រកបដោយបរិយាបន្ន។ លោក KIM CHI-MUG អគ្គនាយក និងជាប្រធានមជ្ឈមណ្ឌលកិច្ចការអន្តរជាតិ នៃអង្គភាពសោធនជាតិកូរ៉េ (NPS) តំណាងលោក KIM TAE-HYUN ប្រធានអគ្គនាយក និងនាយកប្រតិបត្តិ របស់អង្គភាពសោធនជាតិ (NPS) បានសម្តែងនូវការអរគុណយ៉ាងខ្លាំង ចំពោះកម្ពុជា ដែលបានផ្តល់កិច្ចសហការយ៉ាងល្អ ក្នុងការអនុវត្តការងារជាមួយគ្នាកន្លងមក។ លោក KIM CHI-MUG បានបន្តទៀតថា៖ កម្ពុជា គឺជាប្រទេសទី១ ដែលអង្គភាពសោធនជាតិកូរ៉េ (NPS) បានបង្កើនកិច្ចសហប្រតិបត្តការយ៉ាងស្អិតរមូត រហូតឈានដល់ការចុះហត្ថលេខា លើអនុស្សរណៈ នៃការយោគយល់គ្នានាពេលនេះ៕

ប.ស.ស. ចូលរួមអនុវត្តប្រកបដោយជោគជ័យ នូវកញ្ចប់វិធានការ ១០ជុំ ក្នុងការដោះស្រាយ ផលប៉ះពាល់ពីជំងឺកូវីដ-១៩

ភ្នំពេញ៖ ក្នុងឱកាសអញ្ជើញជាអធិបតីភាព ក្នុងអង្គសន្និបាតបូកសរុបលទ្ធផលការងារ សម្រេចបានប្រចាំឆ្នាំ២០២២ និងទិសដៅអនុវត្តបន្ត របស់បេឡាជាតិសន្តិសុខសង្គម (ប.ស.ស.) នាព្រឹកនេះ លោកបណ្ឌិត អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមប្រឹក្សាភិបាលនៃ ប.ស.ស. បានថ្លែងនូវការកោតសរសើរ និងវាយតម្លៃខ្ពស់ ចំពោះការខិតខំប្រឹងប្រែងរបស់ថ្នាក់ដឹកនាំគ្រប់លំដាប់ថ្នាក់ មន្រ្ដីរាជការ និងបុគ្គលិកនៃបេឡាជាតិសន្ដិសុខសង្គម ។ ក្នុងនោះ លោកបណ្ឌិតជាពិសេសសមាជិកក្រុមប្រឹក្សាភិបាល នៃ ប.ស.ស. ដែលបានរួមចំណែក គ្រប់សកម្មភាព ដើម្បីឱ្យអង្គភាពមួយនេះ ទទួលបាននូវលទ្ធផលគួរជាទីមោទកៈរហូតមកដល់ពេលនេះ ពិសេសការបម្រើសេវាសង្គមជូនដល់សមាជិករបស់ខ្លួនប្រកបដោយភាពទន់ភ្លន់ ជាមួយនឹងក្រមសីលធម៌មនសិការវិជ្ជាជីវៈ និងស្មារតីទទួលខុសត្រូវខ្ពស់ រហូតសម្រេចបានលទ្ធផលល្អប្រសើរ ពិសេស គឺការចូលរួមអនុវត្តប្រកបដោយជោគជ័យ នូវ កញ្ចប់វិធានការចំនួន ១០ជុំ ក្នុងការដោះស្រាយផលប៉ះពាល់ពីជំងឺកូវីដ-១៩ ដោយអនុញ្ញាតឱ្យរោងចក្រ សហគ្រាស មិនបង់ភាគទានធានារ៉ាប់រង ផ្នែកហានិភ័យការងារ និងផ្នែកថែទាំសុខភាព មក ប.ស.ស. ក្នុងអំឡុងពេលព្យួរអាជីកម្ម ហើយកម្មករនិយោជិត នៅតែទទួលបាននូវការធានា រ៉ាប់រងផ្នែកហានិភ័យការងារ និងផ្នែកថែទាំសុខភាពដដែល និងការបើកផ្ដល់ប្រាក់ឧបត្ថម្ភជូនកម្មករ និយោជិតដែលរងផលប៉ះពាល់ ដោយសារជំងឺកូវីដ-១៩ តាមស្មារតីជុំទី៣ នៃកញ្ចប់វិធានការរដ្ឋបាល ព្រមទាំងការផ្តល់ប័ណ្ណមូលនិធិសមធម៌សុខាភិបាល ជូនដល់បងប្អូនកម្មករនិយោជិតក្រៅប្រព័ន្ធ ដើម្បីអាចទៅទទួលបានការថែទាំសុខភាព នៅតាមមូលដ្ឋានសុខាភិបាលរដ្ឋ។ ជាមួយគ្នានឹងការថ្លែងឡើងខាងលើនេះផងដែរ លោកបណ្ឌិតរដ្ឋមន្រ្តី បានថ្លែងអំណរគុណ យ៉ាងជ្រាលជ្រៅចំពោះថ្នាក់ដឹកនាំ មន្រ្តីបុគ្គលិកទាំងអស់នៃ ប.ស.ស. ដែលបានសហការ ខិតខំបំពេញការងារជាមួយក្រសួង ស្ថាប័ន អង្គភាពពាក់ព័ន្ធនានា រួមទាំងអង្គការជាតិ និងអន្តរជាតិ និងដៃគូអភិវឌ្ឍទាំងអស់រហូតទទួលបានសមិទ្ធផលយ៉ាងគាប់ប្រសើរនាពេលនេះ ដែលបានរួមចំណែកគ្រប់សកម្មភាព ក្នុងការពង្រឹង និងអភិវឌ្ឍន៍យ៉ាងសកម្មលើវិស័យសន្តិសុខសង្គមកម្ពុជា និងជាផ្នែកដ៏ធំក្នុងការលើកកម្ពស់ជីវភាពប្រជាជនកម្ពុជាឲ្យកាន់តែល្អប្រសើរឡើង ឆ្លើយតបទៅនឹងគោលនយាបាយជាតិគាំពារសង្គម ដែលបានដាក់ចេញដោយរាជរដ្ឋាភិបាលក្រោមការដឹកនាំប្រកបដោយគតិបណ្ឌិត និងឈ្លាសវៃបំផុត របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា។ លោកបណ្ឌិតរដ្ឋមន្រ្តីបានបន្តទៀតថា៖ បន្ថែមលើសមិទ្ធផលធំៗជាច្រើនពាក់ព័ន្ធទៅនឹងការអនុវត្តរបបសន្តិសុខសង្គមដ៏ជោគជ័យរបស់ ប.ស.ស. កន្លងមក ថ្មីៗនេះ ប.ស.ស. សម្រេចបាននូវការសាងសង់អគារថ្មីរបស់ខ្លួន ដែលនេះគឺជាសមិទ្ធផលដ៏ធំមួយ ក្នុងការជួយឱ្យ ប.ស.ស. កាន់តែអាចពង្រីក និងវិវត្តន៍ខ្លួនទៅមុខកាន់តែលឿន ក្នុងការបម្រើសេវាជូនសមាជិករបស់ខ្លួន កាន់តែមានប្រសិទ្ធភាពខ្ពស់ និងបានទាន់ពេលវេលាផងដែរ។ លោកបណ្ឌិតរដ្ឋមន្រ្តីបានបន្តថា សមិទ្ធផលទាំងអស់នេះ បា នឆ្លុះបញ្ចាំងឱ្យឃើញកាន់តែច្បាស់ អំពីការរីកចម្រើននៃការអនុវត្តរបបសន្តិសុខសង្គមនៅកម្ពុជា ឈានទៅរកប្រព័ន្ធមួយដែលមានលក្ខណៈជាសកល នាពេលខាងមុខ និងបានឆ្លើយតបទៅនឹងគោលនយោបាយជាតិ គាំពារសង្គម ដែលបានដាក់ចេញដោយរាជរដ្ឋាភិបាល ក្រោមការដឹកនាំប្រកបដោយគតិបណ្ឌិត និងឈ្លាសវៃបំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។ លោកបណ្ឌិតរដ្ឋមន្រ្តីបានបញ្ជាក់ឱ្យដឹងទៀតថា តាមរយៈការអនុវត្តការងាររបស់ខ្លួន ប្រកបដោយភាពជោគជ័យ ក្នុងរយៈ ពេលជាង១០ឆ្នាំកន្លងមកនេះ ប.ស.ស. កម្ពុជា ក៏បានទទួលនូវពានរង្វាន់ឆ្នើម ជាច្រើនផងដែរ ពីសមាគមសន្ដិសុខសង្គមអាស៊ាន ដែលក្នុងនោះប.ស.ស. កម្ពុជាក៏បានធ្វើជាម្ចាស់ផ្ទះ ក្នុងការរៀបចំសិក្ខាសាលាថ្នាក់អាស៊ាន ស្តីពី “ការចែករំលែកឧត្តមានុវត្តន៍ ក្នុងការអនុវត្តរបបសន្តិសុខសង្គម ផ្នែកថែទាំសុខភាព និងផ្នែកប្រាក់សោធន សម្រាប់បុគ្គលស្វ័យនិយោជន៍ ដល់បណ្ដាប្រទេសជាសមាជិកអាស៊ានសម្រេចបានជោគជ័យ ជាមួយនឹងការទទួលបានការកោតសរសើរ និងវាយតម្លៃខ្ពស់ ពីបណ្តាថ្នាក់ដឹកនាំ នៃប្រទេសជាសមាជិកអាស៊ានផងដែរ។ ក្នុងឱកាសសន្និបាតនាព្រឹកនេះផងដែរ លោក អ៊ុក សមវិទ្យា ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. បានបញ្ជាក់ឱ្យដឹងថា៖ បច្ចុប្បន្ន បេឡាជាតិសន្តិសុខសង្គម បាននឹងកំពុងដំណើរការរបបសន្តិសុខសង្គមចំនួន ៣ គឺផ្នែកហានិភ័យការងារ ផ្នែកថែទាំសុខភាព និងផ្នែកប្រាក់សោធន ទាំងវិស័យឯកជន និងវិស័យសាធារណៈ។ ក្នុងនោះសម្រាប់វិស័យឯកជនផ្នែកហាននិភ័យការងារបានចុះបញ្ជីសរុបចំនួន ២០ ៤៤៨សហគ្រាស ដែលមានសមាជិកសរុបចំនួន ២ ៥៨៤ ៧០៦នាក់ ផ្នែកថែទាំសុខភាពចំនួន ១៧៨២១សហគ្រាសមានសមាជិកចំនួន ២ ៥៨៤ ៧០៦នាក់ និងផ្នែកប្រាក់សោធនចំនួន១៤ ៣៥២សហគ្រាស មានសមាជិក២ ៥៨៤៧០៦នាក់។ ដោយឡែកសម្រាប់វិស័យសាធារណៈ គិតរហូតមកដល់ពេលនេះ បានចុះបញ្ជីផ្នែកហានិភ័យការងារ ចំនួន ៣៥ស្ថាប័ន មានសមាជិកសរុប ២៥៧ ៦៤៤នាក់ និងផ្នែកថែទាំសុខភាពចំនួន ៣៩ស្ថាប័ន មានសមាជិកសរុប ៤៣៩ ២៤៣នាក់។ លោកប្រតិភូ បានថ្លែងបន្ថែមទៀតថា៖ ក្នុងឆ្នាំ២០២២ កន្លងទៅនេះ ប.ស.ស. បានអនុវត្តបើកផ្តល់ប្រាក់ឧបត្ថម្ភបន្ថែមរបស់រាជរដ្ឋាភិបាល សម្រាប់កម្មករនិយោជិតជាស្រី្ដនៅពេលសម្រាលកូនទាំងក្នុង និងក្រៅប្រព័ន្ធ សរុបជាទឹកប្រាក់ចំនួន ២២.៤៧ ប៊ីលានរៀល ក្នុងស្រ្តីសម្រាលកូនជាម្ដាយមានចំនួន៥៥ ៧៧០នាក់ និងមានកូនសរុបចំនួន ៥៦ ១៧៣នាក់។ សូមបញ្ជាក់ថា៖ អង្គសន្និបាតខាងលើ ប្រព្រឹត្តិទៅនាព្រឹកថ្ងៃទី២៨ ខែកុម្ភៈ ឆ្នាំ២០២៣ នៅសាលសន្តិភាព ប.ស.ស. ស្នាក់ការកណ្ដាលរាជធានីភ្នំពេញ ដោយមានការអញ្ជើញចូលរួមពីសំណាក់ថ្នាក់ដឹកនាំ តំណាងក្រសួង ស្ថាប័នពាក់ព័ន្ធ និងលោក លោកស្រីជាថ្នាក់ដឹកនាំ ប.ស.ស. រាជធានី ខេត្ត សរុបប្រមាណ ៤០០នាក់៕

កងទ័ពអាមេរិកថា ការបញ្ជូនរថក្រោះ Abrams ទៅអ៊ុយក្រែន អាចចំណាយពេលឆាប់បំផុត១ឆ្នាំ

បរទេស៖ ការបញ្ជូនរថក្រោះ Abrams ដែលផលិតដោយសហរដ្ឋអាមេរិកទៅកាន់ប្រទេសអ៊ុយក្រែន អាចចំណាយពេលដល់ទៅមួយឆ្នាំ ឬច្រើនជាងនេះ ទោះបីជាមានការអំពាវនាវជាបន្តបន្ទាប់របស់ទីក្រុងគៀវ ដើម្បីពន្លឿនដំណើរការបញ្ជូននេះក៏ដោយ ។ នេះបើតាមមន្រ្តីជាន់ខ្ពស់របស់កងទ័ពអាមេរិកលោកស្រី Christine Wormuth បាននិយាយកាលពីថ្ងៃព្រហស្បតិ៍។ យោងតាមសារព័ត៌មាន Sputnik ចេញផ្សាយកាលពីថ្ងៃទី២៤ ខែកុម្ភៈ ឆ្នាំ២០២៣ បានឱ្យដឹងថា លោកស្រី Wormuth ត្រូវបានដកស្រង់ដោយ...

យន្តហោះចម្បាំងចិន ព្រមានយន្តហោះចារកម្ម អាមេរិក កុំឱ្យចូលមកជិតអាកាស របស់ខ្លួន នៅសមុទ្រចិនខាងត្បូង

បរទេស៖ យោងតាមរបាយការណ៍ របស់ពីសារព័ត៌មានអាមេរិក គឺ យន្តហោះ Poseidon អាមេរិក ដែលមានប្រភពមកពីយន្តហោះ Boeing 737 airframe និងផ្ទុកនូវឧបករណ៍ត្រួតពិនិត្យជាច្រើន ក៏ដូចជាប្រឆាំងនាវា និងប្រឆាំងនាវាមុជទឹក ត្រូវបានប្រឈមមុខដំបូងជាមួយនឹងយន្តហោះចម្បាំងចិន J-11 interceptor នៅប្រហែលចម្ងាយ ៣០ ម៉ាយពី កោះប៉ារ៉ាសែល។ យោងតាមសារព័ត៌មាន...

មានតែអាមេរិកប៉ុណ្ណោះ ដែលបានទទួលផលប្រយោជន៍ពីការបង្កើនអរិភាពរបស់កាណាដា ចំពោះចិន

ប៉េកាំង៖ ទីក្រុងអូតាវ៉ា បានដើរតាមគោលនយោបាយចិន របស់ទីក្រុងវ៉ាស៊ីនតោនយ៉ាងតឹងរ៉ឹង ដែលវាបានធ្លាក់ចូលទៅក្នុងភាពច្របូកច្របល់នៃចិត្ដគំនិត ក្នុងសង្គ្រាមត្រជាក់ និង “ការទូតផ្អែកលើតម្លៃ”។ នេះគឺជាការតំរែតំរង់ ដែលបោះបង់គោលនយោបាយការបរទេស ប្រកបដោយប្រសិទ្ធភាព និងសមហេតុផល។ ប្រទេសកាណាដា បាននិងកំពុងមានភាពតានតឹងជាពិសេសលើប្រទេសចិននាពេលថ្មីៗនេះ។ ទីមួយ វាបានដើរតាមអាមេរិកក្នុងការបំភាន់ដោយចេតនាលើបាឡុងរបស់ចិន និងចូលរួមក្នុងការលេងល្បែងនយោបាយដ៏ច្របូកច្របល់ ខណៈដែលជាក់ស្តែងបានកំណត់គោលដៅចិន។ ក្នុងរយៈពេលប៉ុន្មានសប្តាហ៍កន្លងមកនេះ អ្នកនយោបាយ និងប្រព័ន្ធផ្សព្វផ្សាយកាណាដាមួយចំនួនបានរំជួលចិត្ត...