DR103

លោក អ៉ិត សំហេង៖ ទោះស្ថិតក្នុងស្ថានភាពលំបាក កូវីដ-១៩ តែ ប.ស.ស. នៅតែសម្រេចបាន លទ្ធផលការងារ យ៉ាងល្អប្រសើរ ក្នុងឆ្នាំ២០២១

ភ្នំពេញ៖ ក្នុងឱកាសអង្គសន្និបាត បូកសរុបលទ្ធផលការងារសម្រេចបានប្រចាំឆ្នាំ២០២១ និងទិសដៅការងារឆ្នាំ២០២២ នាថ្ងៃទី១១ខែកុម្ភៈ ឆ្នាំ២០២២នេះ លោកបណ្ឌិត អ៉ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានថ្លែងនូវការកោតសរសើរនិងវាយតម្លៃខ្ពស់ ចំពោះការខិតខំប្រឹងប្រែងរបស់ថ្នាក់ដឹកនាំ មន្រ្តីរាជការ និងបុគ្គលិកគ្រប់លំដាប់ថ្នាក់ របស់បេឡាជាតិសន្ដិសុខសង្គម (ប.ស.ស.) ដែលបានអនុវត្តការងារកន្លងមក ក្នុងការបម្រើសេវាសង្គមជូនដល់សមាជិក ប.ស.ស. របស់ខ្លួន ប្រកបដោយភាពទន់ភ្លន់ ជាមួយនឹងក្រមសីលធម៌ មនសិការវិជ្ជាជីវៈ និងស្មារតីទទួលខុសត្រូវខ្ពស់ រហូតសម្រេចបាន លទ្ធផលល្អប្រសើរ បើទោះបីជាស្ថិតក្នុង ស្ថានភាពដ៏លំបាក នៃការរីករាលដាលនៃជំងឺកូវីដ-១៩ យ៉ាងណាក៏ដោយ។ ជាមួយគ្នានឹងការថ្លែង ឡើងខាងលើនេះផងដែរ លោកបណ្ឌិតរដ្ឋមន្រ្តី បានថ្លែងអំណរគុណ យ៉ាងជ្រាលជ្រៅចំពោះថ្នាក់ដឹកនាំមន្រ្តីបុគ្គលិកទាំងអស់ នៃ ប.ស.ស. ដែលបានសហការ ខិតខំបំពេញការងារ ជាមួយក្រសួង ស្ថាប័ន អង្គភាពពាក់ព័ន្ធនានា រួមទាំងអង្គការជាតិ និងអន្តរជាតិ និងដៃគូអភិវឌ្ឍន៍ទាំងអស់ រហូតទទួលបានសមិទ្ធផលយ៉ាងគាប់ប្រសើរ នាពេលនេះ ដែលបានរួមចំណែកគ្រប់សកម្មភាព ក្នុងការពង្រឹង និងអភិវឌ្ឍន៍យ៉ាងសកម្ម លើវិស័យសន្តិសុខសង្គមកម្ពុជា និងជាផ្នែកដ៏ធំក្នុងការលើកកម្ពស់ជីវភាពប្រជាជនកម្ពុជា ឲ្យកាន់តែល្អប្រសើរឡើង ឆ្លើយតបទៅនឹងគោលនយាបាយជាតិ គាំពារសង្គម ដែលបានដាក់ចេញដោយរាជរដ្ឋាភិបាល ក្រោមការដឹកនាំប្រកបដោយគតិបណ្ឌិត និងឈ្លាសវៃបំផុត របស់សម្តេចអគ្គមហាសេនាបតីតេជោ ហ៊ុន សែននាយករដ្ឋមន្រ្តី នៃព្រះរាជាណាចក្រកម្ពុជា។ ក្នុងឱកាសសន្និបាតនេះដែរ លោក អ៊ុក សមវិទ្យា ប្រតិភូរាជរដ្ឋាភិបាលទទួលបន្ទុក ជាអគ្គនាយក ប.ស.ស. បានថ្លែងបញ្ជាក់ថា៖បច្ចុប្បន្នបេឡាជាតិសន្តិសុខសង្គម បានដំណើរការរបបសន្តិសុខសង្គម ផ្នែកថែទាំសុខភាព និងផ្នែកហានិភ័យការងារ ទាំងវិស័យឯកជន និងវិស័យសាធារណៈ ។ ក្នុងនោះសម្រាប់វិស័យឯកជន បានចុះបញ្ជីសរុបចំនួន ១៧៣១៧សហគ្រាស ដែលមានសមាជិកសរុបចំនួន ២ ៣០៥ ៩៥៨នាក់ និងផ្នែកថែទាំសុខភាព ចំនួន ១៤ ៦៨៩សហគ្រាស មានសមាជិកចំនួន ២ ៣០៥ ៩៥៨នាក់។ ចំណែកវិស័យសាធារណៈ បានចុះបញ្ជីផ្នែកថែទាំសុខភាព សរុបចំនួន ៣៨ស្ថាប័ន មានសមាជិកសរុប ៣៩៨ ៧៤០នាក់ និងផ្នែកហានិភ័យការងារ ចំនួន ៣៥ស្ថាប័ន មានសមាជិកសរុប ២៤៨ ៨៩២នាក់។ លោកអគ្គនាយក បានថ្លែងបន្ថែមទៀតថា៖ ក្នុងឆ្នាំ២០២១ កន្លងទៅនេះ ប.ស.ស. បានអនុវត្តបើកផ្តល់ប្រាក់ឧបត្ថម្ភបន្ថែម របស់រាជរដ្ឋាភិបាល សម្រាប់កម្មករនិយោជិត ជាស្រី្ដនៅពេលសម្រាលកូន ទាំងក្នុង និងក្រៅប្រព័ន្ធ សរុបជាទឹកប្រាក់ចំនួន ២៦.២២ ប៊ីលានរៀល និងផ្ដល់តាវកាលិកជូនសមាជិករបស់ខ្លួន ចំពោះផ្នែកហានិភ័យការងារ សរុបជាទឹកប្រាក់ចំនួន ១០.៦៨ប៊ីលានរៀល និងផ្នែកថែទាំសុខភាព សរុបជាទឹកប្រាក់ចំនួន ១៥៦.២០ ប៊ីលានរៀលផងដែរ។ គួររំលឹកឱ្យដឹងផងដែរថា៖ ប.ស.ស. ធ្លាប់បានទទួលពានរង្វាន់ចំនួន ៥លើករួចមកហើយពី ប្រធានសមាគមសន្ដិសុខសង្គមអាស៊ាន(ASSA) ដែលក្នុងនោះរួមមាន៖ លើកទី១៖ ពានរង្វាន់អង្គភាពឆ្នើម ក្នុងការអនុវត្ត របបសន្តិសុខសង្គម ផ្នែកហានិភ័យការងារ ប្រកបដោយប្រសិទ្ធភាពខ្ពស់នៅឆ្នាំ២០១៥ ។ លើកទី២៖ ពានរង្វាន់ផ្តើមស្តីពីការគ្របដណ្តប់ផ្នែកធានារ៉ាប់រង សន្តិសុខសង្គមប្រកបដោយប្រសិទ្ធភាពខ្ពស់ នៅឆ្នាំ២០១៦ ។ លើកទី៣៖ ទទួលបានពានរង្វាន់ស្តីពីការផ្តល់សេវាល្អ សម្រាប់របបសន្តិសុខសង្គមផ្នែកថែទាំសុខភាព នៅឆ្នាំ២០១៨ ។ លើកទី៤៖ ពានរង្វាន់ស្តីពីការ ផ្តល់សេវាសាធារណៈ រ៉ាប់រងសុខភាព សម្រាប់មន្ត្រីសាធារណៈ អតីតមន្ត្រីរាជការ និងអតីតយុទ្ធជននៅឆ្នាំ២០១៩ និងលើកទី៥៖ ពានរង្វាន់អង្គភាពឆ្នើមលើការពង្រីក របបសន្តិសុខសង្គមផ្នែកហានិភ័យការងារសម្រាប់បុគ្គល នៃវិស័យសាធារណៈ នៅឆ្នាំ២០២១។ សូមបញ្ជាក់ថា ៖ អង្គសន្និបាតខាងលើ ប្រព្រឹត្តិទៅនាព្រឹកថ្ងៃទី១១ ខែកុម្ភៈ ឆ្នាំ២០២២ នៅសាលប្រជុំធំ ប.ស.ស. ស្នាក់ការកណ្ដាលរាជធានីភ្នំពេញ ដោយមានការអញ្ជើញចូលរួមពីសំណាក់លោក លោកស្រី តំណាងក្រសួង ស្ថាប័នពាក់ព័ន្ធ ប្រមាណជា២០០នាក់ទាំងការអញ្ជើញចូលរួមដោយផ្ទាល់ និងតាមរយៈប្រព័ន្ធ វីដេអូអនឡាញ (Zoom Meeting)៕

1.6K

ព័ត៌មានជាតិ

សម្តេចម៉ែ ព្រះរាជទានព្រះរាជទ្រព្យ ជាង១លានដុល្លារ កសាងព្រះរាជសមិទ្ធផល នៅបឋមសិក្សា និងអនុវិទ្យាល័យ សម្តេចឪសម្តេចម៉ែ ភ្នំសំពៅ

ភ្នំពេញ៖ សម្តេច ព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ សព្វព្រះរាជ ហឫទ័យ ប្រោសព្រះរាជទាន ព្រះរាជទ្រព្យផ្ទាល់ដ៏ឧត្តុង្គឧត្តម ចំនួន ១.១៦៩.៥៥០ដុល្លារ ដើម្បីជួសជុលកែលម្អ និងសាងសង់បន្ថែម នូវព្រះរាជសមិទ្ធផលនានា ក្នុងបរិវេណសាលាបឋមសិក្សា និងអនុវិទ្យាល័យ សម្តេចឪ សម្តេចម៉ែ ភ្នំសំពៅ ស្ថិតនៅក្នុងភូមិសំពៅកើត...

1.9K

ព័ត៌មានជាតិ

កម្ពុជា នាំចេញទៅប្រទេសកាណាដា ក្រោមកម្មវិធី ពន្ធគយសេរី និងកូតាសេរី ក្នុងទំហំទឹកប្រាក់ ៩៥៤,៨២លានដុល្លារ នៅឆ្នាំ២០២១

ភ្នំពេញ៖ លោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានអះអាងថា កម្ពុជា នាំចេញទៅប្រទេសកាណាដា ក្រោមកម្មវិធីពន្ធគយសេរី និងកូតាសេរី ដែលមានទំហំទឹកប្រាក់ រហូតដល់ ៩៥៤,៨២លានដុល្លារអាមេរិក ក្នុងឆ្នាំ២០២១។ នេះបើយោងតាម ក្រសួងពាណិជ្ជកម្ម នៅថ្ងៃសុក្រ ទី១១ ខែកុម្ភៈ ឆ្នាំ២០២២។ លោករដ្ឋមន្រ្តី បានជួបពិភាក្សាការងារជាមួយ...

1.4K

ព័ត៌មានអន្តរជាតិ

រុស្ស៊ី និង ប្រទេស បេឡារុស គ្រោងនឹងចាប់ផ្តើម ធ្វើសមយុទ្ធយោធារួមគ្នា រយៈពេល ១០ថ្ងៃ

បរទេស៖ ប្រទេសរុស្ស៊ី និង ប្រទេស បេឡារុស គ្រោងនឹងចាប់ផ្តើម ធ្វើសមយុទ្ធយោធារួមគ្នារយៈពេល ១០ថ្ងៃ ដោយទាហានរុស្ស៊ីប្រហែល 30 000 នាក់ ត្រូវបានគេរំពឹងថា នឹងចូលរួមក្នុងសមយុទ្ធរួមគ្នានេះ ខណៈដែលក្តីបារម្ភកើនឡើងជុំវិញ ការកសាងកងកម្លាំងរុស្ស៊ី នៅតាមព្រំដែន ជាមួយប្រទេសអ៊ុយក្រែន។ យោងតាមសារព័ត៌មាន BBC ចេញផ្សាយនៅថ្ងៃទី១០ ខែកុម្ភៈ...

2.0K

ព័ត៌មានជាតិ

សេចក្ដីព្រាងព្រះរាជក្រឹត្យ ស្ដីពី ឧកញ៉ា អាចនឹងមានចែងកំណត់ ពីការផ្ដល់គោរមងារ និងកំណត់កាតព្វកិច្ចរបស់ឧកញ៉ា

ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានថ្លែងថា សេចក្ដីព្រាងព្រះរាជក្រឹត្យថ្មី ស្ដីពី ឧកញ៉ា អាចនឹងមានចែងកំណត់ អំពីការផ្ដល់គោរមងារ កំណត់អំពីកាតព្វកិច្ចរបស់ឧកញ៉ា និងលក្ខខណ្ឌ នៃការសម្រេចដកគោរមងារ។ ក្នុងពិធីពិសារអាហារសាមគ្គី ជាមួយថ្នាក់ដឹកនាំ សមាគមមូលនិធិ សម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា ប្រារព្ធនៅសណ្ឋាគារភ្នំពេញ...

1.4K

ព័ត៌មានជាតិ

កម្ពុជា ត្រៀមខ្លួនជានិច្ច ដើម្បីធ្វើការងារជាមួយ វៀតណាម ក្នុងការដោះស្រាយបញ្ហាផ្សេងៗ

ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃកម្ពុជា បានត្រៀមខ្លួនជានិច្ច និងបន្តធ្វើការយ៉ាងជិតស្និទ ជាមួយភាគីវៀតណាម ក្នុងការដោះស្រាយបញ្ហាផ្សេងៗ ដែលបំរើផលប្រយោជន៍ប្រទេសទាំងពីរ។ ក្នុងឱកាសអនុញ្ញាតឲ្យ លោកឧត្តមសេនីយ៍ត្រី ឡេ វ៉ាន់ហ្វឿង ប្រធានស្ថានតំណាងទើបតែងតាំងថ្មី នៃក្រសួងនគរបាល អមស្ថានទូតវៀតណាម ប្រចាំកម្ពុជា ចូលជួបសម្ដែងការគួរសម នាថ្ងៃទី១០ កុម្ភៈ...

1.7K

Covid-19

មង្គលការ បុណ្យ កន្លែងកម្សាន្ត និងការជួបជុំ កំណត់ឲ្យអង្គុយ ៧នាក់ក្នុង១តុ ដើម្បីរក្សាគម្លាត សុវត្ថិភាពជៀសផុតពីអូមីក្រុង (Video)

ភ្នំពេញ៖ ខណៈជំងឺកូវីដ១៩បំប្លែងថ្មី ប្រភេទអូមីក្រុង កំពុងតែផ្ទុះឡើងខ្លាំង ដោយមួយថ្ងៃ មានឆ្លងជិតដល់ ៣០០នាក់ហើយនោះ រដ្ឋបាលរាជធានីភ្នំពេញ បានកំណត់ឲ្យម្ចាស់ដើមការ បុណ្យ កន្លែងកម្សាន្ត និងការជួបជុំប្រមូលផ្តុំនានា អនុញ្ញាឲ្យអង្គុយត្រឹមគ្នា៧នាក់ប៉ុណ្ណោះ ក្នុងមួយតុ ដើម្បីរក្សាគម្លាតសុវត្ថិភាព ជៀសផុតពីជំងឺនេះ។ យោងតាមសេចក្តីណែនាំ របស់រដ្ឋបាលរាជធានីភ្នំពេញ ក្នុងចំណុចទី២ ក្នុងចំណោម៤ចំណុច ដែលប្រកាសចេញផ្សាយ នៅថ្ងៃទី១០...

1.3K

ព័ត៌មានជាតិ

ឧកញ៉ា ទៀ វិចិត្រ បញ្ជូនអូប័រពេទ្យ ដឹកស្រ្តីពរពោះម្នាក់ មានអាការៈធ្លាក់ឈាមធ្ងន់ធ្ងរ ពីកោះរ៉ុង មកសង្គ្រោះ នៅមន្ទីរពេទ្យបង្អែកខេត្ត (Video)

ភ្នំពេញ៖ លោកឧកញ៉ា ទៀ វិចិត្រ សមាជិកយុវជន គណបក្សប្រជាជនកម្ពុជា ខេត្តព្រះសីហនុ កាលពីយប់ ឈានចូលថ្ងៃទី៩ ខែកុម្ភៈ ឆ្នាំ២០២២ បន្ទាប់ពីទទួលបានព័ត៏មានថា ស្រ្តីម្នាក់កំពុងមានទម្ងន់ ស្រាប់តែមានអាការៈធ្លាក់ឈាមធ្ងន់ធ្ងរ ត្រូវការបញ្ជូនយកមកសង្គ្រោះ នៅមន្ទីរពេទ្យ ដោយមានការស្នើសុំផ្ទាល់ ពីក្រុមគ្រួសាររបស់ស្រីរងគ្រោះ លោកឧកញ៉ា បានបញ្ជូនអូប័រពេទ្យរបស់ក្រុមហ៊ុន GTVC ទាំងយប់ទៅទទួលយកស្រ្តីរងគ្រោះ...

2.1K

ព័ត៌មានអន្តរជាតិ

វ៉ាក់សាំងការពារជំងឺកូវីដ-១៩ របស់រុស្ស៊ី និងចិន មានប្រសិទ្ធភាព និងសុវត្ថិភាព

ប៊ូដាពែស៖ រដ្ឋមន្ត្រីការបរទេស និងពាណិជ្ជកម្មហុងគ្រី លោក Peter Szijjarto បានលើកឡើងថា វ៉ាក់សាំងបង្កាជំងឺកូវីដ-១៩ របស់ប្រទេសរុស្ស៊ី និងចិន មានប្រសិទ្ធភាព និងសុវត្ថិភាព នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។ លោក Szijjarto បានឲ្យដឹងនៅក្នុងវីដេអូមួយ ដែលបានបង្ហោះនៅលើទំព័រ Facebook របស់លោកថា “វាច្បាស់ណាស់ថា វ៉ាក់សាំងភាគខាងកើត...

1.5K

ព្រឹត្តិការណ៍ប្រចាំថ្ងៃ

ចិន ស្តីបន្ទោស អាមេរិក ចំពោះការរួមគំនិតគ្នា ដោយគូសបន្ទាត់មនោគមវិជ្ជា ក្បត់នឹងលទ្ធិប្រជាធិបតេយ្យ

ប៉េកាំង៖ អ្នកនាំពាក្យក្រសួងការបរទេសចិន បានឲ្យដឹងថា សហរដ្ឋអាមេរិក បង្ខំប្រទេសផ្សេងទៀត ឱ្យទទួលយកស្តង់ដារ ប្រជាធិបតេយ្យរបស់ខ្លួន ហើយរួមគ្នាបង្កើតគំនិតផ្តួចផ្តើម ដោយគូសបន្ទាត់មនោគមវិជ្ជា ដែលជាការក្បត់យ៉ាងពិតប្រាកដ ចំពោះលទ្ធិប្រជាធិបតេយ្យ។ យោងតាមរបាយការណ៍ រដ្ឋមន្ត្រីការបរទេសអាមេរិក លោក Antony Blinken នឹងចូលរួមកិច្ចប្រជុំថ្នាក់រដ្ឋមន្ត្រី លើកទី៤ នៃកិច្ចសន្ទនាសន្តិសុខ Quadrilateral (Quad) រដ្ឋមន្ត្រីការបរទេស...