DR103

Posts By DR103

• 

  481

  អត្ថបទ

  ICY COOL ផលិតវីឌីអូពាណិជ្ជកម្មបែប MV ដំបូងគេនៅប្រទេសកម្ពុជា

  ភ្នំពេញ៖ វីឌីអូពាណិជ្ជកម្មថ្មី ប្រកបដោយភាពច្នៃប្រឌិតបែប MV ដំបូងគេបង្អស់នៅកម្ពុជារបស់ភេសជ្ជៈ ICY COOL រសជាតិម៉ុងតុល នៃក្រុមហ៊ុន ខ្មែរ ប៊ែវើរីជីស បានចេញផ្សាយនៅថ្ងៃទី១ ខែកញ្ញា ឆ្នាំ២០២៣ ដែលបង្ហាញពីភាពរស់រវើក ពោរពេញដោយថាមពល និងបង្កើតស្តាយទាន់សម័យ ឲ្យយុវវ័យសម័យថ្មីជាមួយភេសជ្ជៈ ICY COOL ។ វីឌីអូពាណិជ្ជកម្មភេសជ្ជៈ...

• 

  975

  ព័ត៌មានជាតិ

  លោក កៅ ថាច ចុះ​ទស្សនកិច្ច​សិក្សា​ ខ្សែ​ចង្វាក់​ផលិតកម្ម​កែ​ច្នៃ​ស្វាយ​ចន្ទី​ នៅ​ក្រុមហ៊ុន សាន់តាណា អាហ្រ្គោ ប្រដាក់ខេត្តព្រះវិហារ

  ​ព្រះវិហារ​៖​ លោកបណ្ឌិត​ កៅ​ ថាច​ ប្រតិភូ​រាជរដ្ឋាភិបាល​ទទួល​បន្ទុក​ ជា​អគ្គនាយក​ធនាគារ​អភិវឌ្ឍន៍​ជនបទ​ និង​កសិកម្ម​ នៅថ្ងៃទី១ខែកញ្ញា ឆ្នាំ២០២៣ នេះ​ បាន​ដឹកនាំ​សហការី​ អញ្ជើញ ចុះ​ទស្សនកិច្ច​សិក្សា​ ខ្សែ​ចង្វាក់​ផលិតកម្ម​កែ​ច្នៃ​ស្វាយ​ចន្ទី​ នៅ​ក្រុមហ៊ុន សាន់តាណា អាហ្រ្គោ ប្រដាក់ ឯ.ក ដែលមានអាស័យដ្ឋានស្ថិតនៅ ភូមិជិអោក ឃុំរមណីយ៍ ស្រុករវៀង ខេត្តព្រះវិហារ។ បច្ខុប្បន្នក្រុមហ៊ុនកំពុងធ្វើការដាំដុះ និងប្រមូលផលស្វាយចន្ទីលើផ្ទៃដីចំនួន ១០០០ ហិកតា  ហើយក្រុមហ៊ុនផ្ទាល់បានធ្វើការកែច្នៃស្វាយចន្ទី សម្រាប់ផ្គត់ផ្គង់ទីផ្សារក្នុងស្រុក និងនាំចេញទៅទីផ្សារប្រទេសចិន អឺរ៉ុប ជាដើម។ ម្យ៉ាងទៀត, ក្រុមហ៊ុន មានឃ្លាំងស្តុកដែលអាចផ្ទុកបានដល់ចំនួន ៥ ពាន់តោន សម្រាប់ស្តុកទុកធ្វើការកែច្នៃផងដែរ។  ឆ្លៀត​ក្នុង​ឱកាស​នោះ​ដែរ​ លោក​បណ្ឌិត​ប្រតិភូ​ បានបញ្ជាក់​ពី​ការ​ជួយ​គាំទ្រ​ដល់ក្រុមហ៊ុន និងលើកទឹកចិត្ត និងជម្រុញ​អោយក្រុមហ៊ុនបន្តការ​វិនិយោគ​ពង្រីកលើ​ការ​ដាំ​ដុះ​ និង​កែច្នៃ​ស្វាយ​ចន្ទី​ អោយបានកាន់តែច្រើន និងទូលំទូលាយ ដើម្បីសម្រេចអោយបាន ស្រប​តាម​គោល​នយោបាយ ​ដែល​បាន​ដាក់​ចេញ​ ដោយ​រាជរដ្ឋាភិបាល​៕

• 

  1.1K

  ព័ត៌មានជាតិ

  អគ្គនាយក ប.ស.ស. ស្ដីទី ជួបសំណេះសំណាល ជាមួយបុគ្គលិកក្រោមឱវាទ ដែលបម្រើការងារនៅទីស្នាក់ការកណ្ដាល

  ភ្នំពេញ៖ នៅក្នុងសាលប្រជុំសន្តិភាព នៃ ប.ស.ស. នាព្រឹកថ្ងៃពុធ ទី៣១ ខែសីហា ឆ្នាំ២០២៣នេះ លោក ម៉េង ហុង បានអញ្ជើញបង្ហាញខ្លួនលើកដំបូង ក្នុងនាមជា អគ្គនាយក ប.ស.ស. ស្ដីទី និងបានសំណេះសំណាល ចែករំលែកបទពិសោធន៍កម្សត់កម្រ និងបទពិសោធន៍ល្អៗ ក្នុងរយៈពេលជាង១៦ឆ្នាំ ដែលបានបំពេញភារកិច្ច ក្នុងវិស័យសន្ដិសុខសង្គមកន្លងមក ដល់បុគ្គលិកក្រោមឱវាទ...

• 

  558

  អត្ថបទ

  ប្រុសស្អាត មកលេងស្រុកខ្មែរ ២អាទិត្យ ឈ្នះ ២ម៉ឺនដុល្លារ ទៅអូស្ត្រាលីវិញ

  ភ្នំពេញ៖ ពិតជាសំណាងកំពូលសំណាងមែន! មកលេងទឹកដីខេត្តសៀមរាប លើកដំបូង ឈ្នះបានលុយសុទ្ធ ២ម៉ឺនដុល្លារ ពីក្រោមក្រវិលកំប៉ុង CAMBODIA BEER។ «ខ្ញុំនឹងត្រលប់មកលេង ប្រទេសកម្ពុជាម្តងទៀតឆាប់ៗនេះ ហើយនៅតែជ្រើសរើស CAMBODIA BEER» នេះជាសម្តីលោកZachary និយាយទាំងរំភើបពេលដែលមកទទួលរង្វាន់ធំ ២ម៉ឺនដុល្លារពី CAMBODIA BEER។ រឿងហេតុនេះបានកើតឡើង មកលើលោក Zachary Black-Dendle ដែលគាត់ជាជនជាតិអូស្ត្រាលី និងមានសញ្ជាតិអូស្រ្តាលី។លោក Zachary បានមកលេងម្តាយឪពុកនៅខេត្តសៀមរាប រយៈពេល១៤ថ្ងៃ។ ក្នុងអំឡុងពេលនោះ លោក Zachary និងម្តាយឪពុកតែងក្រេបយករសជាតិ CAMBODIA BEER ពេលអង្គុយមើលថ្ងៃលិច លុះសល់ប៉ុន្មានថ្ងៃត្រូវត្រលប់ទៅប្រទេសអូស្រ្តាលីវិញ ស្រាប់តែគាស់បានរង្វាន់ ២ម៉ឺនដុល្លារ។ លោក Zachary បានប្រាប់ឲ្យដឹងថា៖ «ខ្ញុំនិងប៉ាម៉ាក់ដំបូងឡើយមិនជឿទាល់តែសោះថា វាជារង្វាន់ ២ម៉ឺនដុល្លារ ពិត ហើយពួកយើងបានជជែក ពីរឿងសំណាងដ៏អស្ចារ្យនេះ ពេញមួយយប់។ ខ្ញុំបានចូលមើលហ្វេកប៊ុកផេកផ្លូវការរបស់ ខ្មែរ ប៊ែវើរីជីស និងCAMBODIA BEER ឃើញថាធ្លាប់មានអ្នកឈ្នះរង្វាន់ ២ម៉ឺនដុល្លារពិតប្រាកដមែន តែខ្ញុំនៅតែមិនសូវហ៊ានជឿ ដល់ពេលក្រុមការងារ មកប្រគល់រង្វាន់ផ្ទាល់ទើបខ្ញុំជឿ»។ គាត់បានបន្តប្រាប់ទៀតថា៖ «បន្ទាប់ពីត្រូវ ២ម៉ឺនដុល្លារ ហើយ ខ្ញុំនិងប៉ាម៉ាក់បានទិញ CAMBODIA BEER បន្ថែមប៉ុន្មានកំប៉ុងទៀតព្រោះចង់សាកសំណាងរបស់ខ្ញុំ ក្រែងបានត្រូវរង្វាន់ធំម្តងទៀត ហើយខ្ញុំនឹងយកលុយ ២ម៉ឺនដុល្លារធ្វើលុយកក់ ដើម្បីទិញផ្ទះមួយសម្រាប់គ្រួសារខ្ញុំ អរគុណ CAMBODIA BEER ខ្ញុំនឹងមកលេងប្រទេសកម្ពុជាម្តងទៀត»។ តើអ្នកណាជាអតិថិជនកំពូលសំណាងបន្ទាប់? ពិសាដោយការទទួលខុសត្រូវ

• 

  637

  អត្ថបទ

  ព្រីនស៍ វ័ន ត្រូពិកា បង្កើតសួនច្បារធម្មជាតិ​ បែបសិល្បៈ​ច្នៃប្រឌិត ក្នុងទីក្រុងភ្នំពេញ

  លោក Claude Monet ជាវិចិត្រករលទ្ធិអារម្មណ៍និយម ឬគំនូបែបស្រមើស្រមៃ ដ៏ល្បីល្បាញមួយរូបរបស់បារាំង ដោយលោកចូលចិត្តការគូររូប​ ដោយរួមបញ្ចូលឲ្យមានពន្លឺព្រះអាទិត្យ ដែលធ្វើឲ្យគំនូររបស់លោក មានភាពរស់រវើក និងគួរឲ្យចង់សម្លឹងមើល។ ដោយយកគំរូតាមសិល្បៈគំនូរ ដ៏មានភាពទាក់ទាញរបស់ លោក Claude Monet ធ្វើជាមូលដ្ឋាន គម្រោង ព្រីនស៍ វ័ន ត្រូពិកា បានរៀបចំដើម្បីបង្កើត...

• 

  1.2K

  ព័ត៌មានជាតិ

  នាយឧត្តមសេនីយ៍ វង្ស ពិសេន អញ្ជើញប្រកាសមុខតំណែង ឧត្តមសេនីយ៍ឯក ម៉ៅ សុផាន់ ជាមេបញ្ជាការកងទ័ពជើងគោក 

  ភ្នំពេញ៖​ នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ បានអញ្ជើញជាអធិបតីភាពក្នុងពិធីប្រកាសចូលកាន់មុខតំណែង របស់លោកឧត្តមសេនីយ៍ឯក ម៉ៅ សុផាន់ ជាអគ្គមេបញ្ជាការរង និងជាមេបញ្ជាការកងទ័ពជើងគោក នាព្រឹកថ្ងៃទី២៩ ខែសីហា ឆ្នាំ២០២៣ នៅបញ្ជាការដ្ឋានកងទ័ពជើងគោក។  ថ្លែងក្នុងឱកាសនោះ នាយឧត្តមសេនីយ៍ វង្ស ពិសេន បានលើកឡើងថា រាជរដ្ឋាភិបាលកម្ពុជានីតិកាលទី៧ ក្រោមការដឹកនាំរបស់កិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីនៃកម្ពុជា បន្តដឹកនាំនាវាកម្ពុជា ធានាបាននិរន្តរភាពជាតិ សន្តិភាព ស្ថិរភាពយូរអង្វែង ដែលជាមូលដ្ឋានគ្រឹះ ក្នុងការអភិវឌ្ឍប្រទេសជាតិ ក៏ដូចជាលទ្ធិប្រជាធិបតេយ្យនៅកម្ពុជា។ ក្នុងន័យនេះ កងយោធពលខេមរភូមិន្ទ ប្តេជ្ញាគាំទ្រពេញទំហឹង និងចូលរួមអនុវត្តយ៉ាងសកម្ម ជាមួយរាជរដ្ឋាភិបាលនីតិកាលទី៧ ក្នុងការអនុវត្តវិធានការ គោលនយោបាយ និងកម្មវិធីនានា នៅក្នុងក្របខណ្ឌនៃ «យុទ្ធសាស្ត្របញ្ចកោណដំណាក់កាលទី១»។ ជាមួយនោះ កងយោធពលខេមរភូមិន្ទ សូមប្តេជ្ញាការពាររាជដ្ឋាភិបាលស្របច្បាប់ កើតចេញពីការបោះឆ្នោត និងកម្ទេចចោលរាល់អំពើក្បត់ជាតិ មនោគមន៍វិជ្ជាជ្រុលនិយម ដែលមានគោលបំណង ចង់ផ្តួលរំលំរាជរដ្ឋាភិបាល។ នាយឧត្តមសេនីយ៍ អគ្គមេបញ្ជាការ ក៏បានផ្តាំផ្ញើដល់គ្រប់កងឯកភាព យកចិត្តទុកដាក់កសាងធនធានមនុស្សគ្រប់ជំនាញ ឲ្យសមស្របទៅនឹងផែនការយុទ្ធសាស្ត្រកំណែទម្រង់កងយោធពលខេមរភូមិន្ទ ដោយធ្វើការបណ្តុះបណ្តាលនាយទាហានវ័យក្មេងមានសមត្ថភាពឱ្យចូលក្នុងជួរថ្នាក់ដឹកនាំ៕

• 

  444

  អត្ថបទ

  ថ្នាក់ដឹកនាំកំពូល ខ្មែរ ប៊ែវើរីជីស ជួបក្រុមហ៊ុនធំអាមេរិកជំនាញគ្រឿងផ្សំ ADM ដែលមានអាយុរាប់រយឆ្នាំ

  ភ្នំពេញ៖ ខ្មែរ ប៊ែវើរីជីស បន្តបេសកកម្មរបស់ខ្លួនយ៉ាងខ្ជាប់ខ្ជួន ដើម្បីក្លាយជាក្រុមហ៊ុនភេសជ្ជៈឈានមុខគេក្នុងស្រុកផ្តោតលើគុណភាពខ្ពស់ ស្តង់ដារអន្តរជាតិ ដោយស្វះស្វែងរកដៃគូសហការល្បីល្បាញទូទាំងពិភពលោក។ ដើម្បីសម្រេចបេសកកម្ម ថ្មីៗនេះក្រុមហ៊ុន ខ្មែរ ប៊ែវើរីជីស បានចុះទៅជួបក្រុមហ៊ុនយក្ស ជំនាញខាងគ្រឿងផ្សំអាហារ និងភេសជ្ជៈរបស់ប្រទេសអាមេរិក គឺក្រុមហ៊ុន The Archer-Daniels-Midland (ADM) ដែលមានវ័យចំណាស់ និងមានបទពិសោធន៍ប្រមាណជាង ១០០ឆ្នាំ ក្នុងការបង្កើតរសជាតិ និងផ្សំគ្រឿងផ្សំ សម្រាប់អាហារ និងភេសជ្ជៈ ហើយក្រុមហ៊ុនទាំងពីរ បានចែករំលែកបទពិសោធន៍ក្នុងការផលិតភេសជ្ជៈ ដែលមានគុណភាពខ្ពស់ សុវត្ថិភាព និងរសជាតិឆ្ញាញ់ ជាពិសេសបង្កើតជាកត្តាលើកជំរុញផែនការដើម្បីពង្រីកខ្លួន ក្នុងវិស័យភេសជ្ជៈឲ្យរក្សាជំហរក្នុងការប្រើប្រាស់តែបច្ចេកវិទ្យា និងគ្រឿងផ្សំល្អបំផុតសម្រាប់ការផលិត។ ការចុះទៅសំណេះសំណាល់ផ្ទាល់ ជាមួយក្រុមហ៊ុនអន្តរជាតិជាហូរហែបែបនេះ សបញ្ជាក់ថា ខ្មែរ ប៊ែវើរីជីស ពិតជាគិតពីសារៈសំខាន់នៃការអភិវឌ្ឍផលិតផលរបស់ខ្លួន ដោយតែងតែពិគ្រោះពិភាក្សា ជាមួយអ្នកជំនាញអន្តរជាតិ និងមានបទពិសោធន៍មិនតិចជាង១០ទសវត្សឡើយ។

• 

  1.1K

  ព័ត៌មានជាតិ

  ប.ស.ស. បើកកិច្ចប្រជុំពិនិត្យ និងអនុវត្តផែនការផែនការយុទ្ធសាស្ត្រ អភិវឌ្ឍន៍វិស័យការងារ របបសន្តិសុខសង្គម និងបណ្តុះបណ្តាលវិជ្ជាជីវៈ ២០២៣-២០២៨

  ភ្នំពេញ៖ នាព្រឹកថ្ងៃចន្ទ ទី២៨ ខែសីហា ឆ្នាំ២០២៣នេះ បេឡាជាតិសន្ដិសុខសង្គម បានបើកកិច្ចប្រជុំស្តីពីការត្រៀមខ្លួន អនុវត្តផែនការយុទ្ធសាស្រ្ដរបស់ខ្លួន ដែលស្ថិតនៅផែនការយុទ្ធសាស្រ្ដទី៥ នៃផែនការយុទ្ធសាស្ត្រ អភិវឌ្ឍន៍វិស័យការងារ របបសន្តិសុខសង្គម និងបណ្តុះបណ្តាលវិជ្ជាជីវៈ រយ:ពេល០៥ឆ្នាំ (២០២៣-២០២៨) ស្តីពីការពង្រឹងរបបសន្ដិសុខសង្គម ដែលប្រព្រឹត្តទៅក្រោមអធិបតីភាព លោក ម៉េង ហុង អគ្គនាយក ប.ស.ស....

• 

  1.1K

  ព័ត៌មានជាតិ

  អ្នកឧកញ៉ា ទៀ វិចិត្រ ជួយយកបុរសម្នាក់ មានជំងឺធ្ងន់ធ្ងរពីកោះរ៉ុង មកសង្គ្រោះនៅមន្ទីរពេទ្យខេត្ត និងបានឧបត្ថម្ភថវិកា​៣លានរៀនថែមទៀត

  ព្រះសីហនុ៖ អ្នកឧកញ៉ា ទៀ វិចិត្រ ប្រធានគណៈកម្មាធិការគណបក្សមូលដ្ឋាន ភ្នាក់ងារដឹកជញ្ជូន​ទេសចរណ៍ជលយាន ខេត្តព្រះសីហនុ នៅថ្ងៃទី២៥ ខែសីហា ឆ្នាំ២០២៣ បានចាត់តំណាង នាំយកថវិកា របស់អ្នកឧកញ៉ា ចំនួន ៣លានរៀល ទៅជូនអ្នកជំងឺម្នាក់ បន្ទាប់ពីអ្នកឧកញ៉ាបញ្ជូនអូប័រពេទ្យ ទៅទទួលយកពីក្រុងកោះរ៉ុង យកមកសង្គ្រោះ នៅមន្ទីរពេទ្យបង្អែកខេត្តព្រះសីហនុ កាលពីយប់ថ្ងៃទី២២ ខែសីហា...

• 

  1.3K

  ព័ត៌មានជាតិ

  សារលិខិតអបអរសាទរ និងគោរពជូនពរ ឧត្តមសេនីយ៍ឯក​ ម៉ៅ​ សុផាន់​ ដែលត្រូវបានព្រះមហាក្សត្រ តែងតាំងជាមេបញ្ជាការកងទ័ពជេីងគោក

  ភ្នំពេញ៖​ មេបញ្ជាការរង​ នាយទាហាន នាយទាហានរង និងពលទាហានទាំងអស់ នៃកងពលតូចលេខ៧០ មានសេចក្តីសោមនស្សរីករាយជាអនេក និងសូមសម្តែងអំណរសាទរ យ៉ាងស្មោះអស់ពីដួងចិត្ត ចំពោះលោកឧត្តមសេនីយ៍ឯក​ ម៉ៅ​ សុផាន់​ ដែលត្រូវបានព្រះមហាក្សត្រ នៃព្រះរាជាណាចក្រកម្ពុជាត្រាស់បង្គាប់តែងតាំង ជាអគ្គមេបញ្ជាការរង​ នៃកងយោធពលខេមរភូមិន្ទ​ និងជាមេបញ្ជាការ​ បញ្ជាការដ្ឋានកងទ័ពជេីងគោក​ ដើម្បីរួមចំណែកជាមួយរាជរដ្ឋាភិបាលកម្ពុជានីតិកាលទី៧ នៃរដ្ឋសភា ក្នុងការការពារកសាង និងអភិវឌ្ឍន៍ប្រទេសជាតិ នាំមកនូវវឌ្ឍនភាព វិបុលភាព និងភាពសម្បូររុងរឿង ជូនជាតិមាតុភូមិនៃយើង។ ការទទួលបានព្រះរាជក្រឹត្យតែងតាំងជា​ អគ្គមេបញ្ជាការរង​ នៃកងយោធពលខេមរភូមិន្ទ​ និងជាមេបញ្ជាការ​ បញ្ជាការដ្ឋានកងទ័ពជេីងគោក​ ជាកិត្តិយសដ៏ឧត្តុង្គឧត្តមបំផុតស័ក្តិសមនឹងសមត្ថភាព គុណធម៌ សីលធម៌ សុជីវធម៌ និងគំរូវីរភាពដ៏ថ្លៃថ្លាបំផុតរបស់ឯកឧត្តមដែលបានខិតខំប្រឹងប្រែងអស់ពីកម្លាំងកាយចិត្ត ប្រាជ្ញា ស្មារតី ជម្នះរាល់ឧបសគ្គ ដើម្បីបុព្វហេតុជាតិ និងប្រជាជនកម្ពុជានាពេលកន្លងមក រួមចំណែកថែរក្សាសន្តិភាព ស្ថិរភាព ការពារបូរណភាពទឹកដី និងអធិបតេយ្យជាតិ ។ យើងខ្ញុំទាំងអស់គ្នា សូមប្រសិទ្ធពរជ័យ សិរីមង្គល វិបុលសុខបវរមហាប្រសើរជូនចំពោះ ឯកឧត្តម ឧត្តមសេនីយ៍ឯក​ ម៉ៅ​ សុផាន់​ និងលោកជំទាវ ព្រមទាំងបុត្រា បុត្រី សូមប្រកបដោយពរ ទាំងឡាយប្រាំប្រការគឺ អាយុ វណ្ណៈ សុខៈ ពលៈ និងបដិភាណៈ កុំបីឃ្លៀងឃ្លាតឡើយ៕