ព័ត៌មានអន្តរជាតិ

កម្មវិធី”អូឡាំពិកក្នុងសិល្បៈ” ត្រូវបានផ្សាយនៅ ប៉ុស្តិ៍អូឡាំពិក CCTV របស់អគ្គ ស្ថានីយវិទ្យុនិងទូរទស្សន៍មជ្ឈិមចិន

កម្មវិធីពិសេសរបស់ អគ្គស្ថានីយវិទ្យុនិងទូរទស្សន៍ មជ្ឈិមចិនក្រោមចំណង ជើង ថា “អូឡាំពិកក្នុងសិល្បៈ” ត្រូវបានផ្សាយជាផ្លូវការនៅប៉ុស្តិ៍អូឡាំពិកនៅថ្ងៃទី ១៩ ខែវិច្ឆិកា។ លោកShen Haixiong អនុរដ្ឋមន្រ្តីក្រសួងឃោសនាការនៃគណៈកម្មាធិការមជ្ឈិមបក្សកុម្មុយនិស្តចិន អគ្គនាយក និងជានិពន្ធនាយកនៃអគ្គស្ថានីយវិទ្យុនិងទូរទស្សន៍មជ្ឈិមចិន លោក Lu Yingchuan អនុរដ្ឋមន្ត្រីក្រសួងវប្បធម៌និងទេសចរណ៍ចិន និងលោក Yu Zaiqing អនុប្រធានគណៈកម្មាធិការអូឡាំពិកអន្តរជាតិ និងជាអនុប្រធានគណៈកម្មាធិការ អូឡាំពិក ចិន ជាដើមបានអញ្ជើញ ចូលរួមពិធីសម្ពោធ បើក ។ កម្មវិធី”អូឡាំពិកក្នុងសិល្បៈ” គឺជាកម្មវិធីវប្បធម៌ដែលបង្ហាញពីវប្បធម៌អូឡាំពិកនិងស្មារតីអូឡាំពិក ។ ពេលថ្លែងសុន្ទរកថា លោក Shen Haixiong បានគូសបញ្ជាក់ថា នៅក្នុងលិខិតអបអរសាទរការបើកប៉ុស្តិ៍អូឡាំពិក CCTV និងវេទិកាឌីជីថលរបស់ប៉ុស្តិ៍អូឡាំពិក លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្ស កុម្មុយនិស្តចិន បាន លើកឡើងនូវការរំពឹងទុក ថា ប៉ុស្តិ៍អូឡាំពិកគួរតែ និទានរឿងរ៉ាវអំពី កីឡាចិន ផ្សព្វផ្សាយ ពីស្មារតីកីឡាចិន ពង្រឹងការផ្លាស់ប្តូរនិងកិច្ចសហប្រតិបត្តិការផ្នែកកីឡាអន្តរជាតិតាមរយៈកីឡាអូឡាំពិកនិងការផ្សព្វផ្សាយវប្បធម៌ ដើម្បីជំរុញការរៀនសូត្រពីគ្នាផ្នែកអរិយធម៌ និង ការតភ្ជាប់គ្នាការតភ្ជាប់ដួងចិត្តរបស់ប្រជាជនរវាង ប្រទេស នានាលើពិភពលោក។ ការ បើកកម្មវិធី”អូឡាំពិកក្នុងសិល្បៈ” គឺដើម្បីអនុវត្តជាក់ស្តែង នូវខ្លឹមសារសំខាន់ នៃលិខិតអបអរសាទររបស់លោកស៊ីជីនភីង បង្ហាញយ៉ាងស៊ីជម្រៅ នូវ ខ្លឹមសារសំខាន់ នៃ ស្មារតី អូឡាំពិក និង ផ្សាយ ដោយពេញទំហឹង នូវ កីឡាអូឡាំពិក និង វប្បធម៌អូឡាំពិក ។

1.9K

លីទុយអានី នឹងទទួលបានការគាំទ្រ ផ្នែកជំនួញពីសហរដ្ឋអាមេរិក ស្របពេលប្រឈមមុខនឹងការខឹងពីចិន ជុំវិញបញ្ហាតៃវ៉ាន់

បរទេស៖ ប្រទេសលីទុយអានី នឹងចុះហត្ថលេខាលើកិច្ចព្រមព្រៀងក្រេឌីតនាំចេញមានទំហំទឹកប្រាក់៦០០ដុល្លារ ជាមួយធានាគារនាំចេញ-នាំចូលសហរដ្ឋអាមេរិក នៅសប្ដាហ៍ក្រោយ នេះបើយោងតាមសម្តីរដ្ឋមន្ត្រីសេដ្ឋកិច្ចលីទុយអានី លោក Ausrine Armonaite មួយថ្ងៃបន្ទាប់ពីប្រទេសចិន បានធ្វើការព្រមានថា ខ្លួននឹងចាត់វិធានការចាំបាច់ទាំងអស់ ក្រោយប្រទេសលីទុយអានីអនុញ្ញាតឲ្យកោះតៃវ៉ាន់បើកស្ថានទូតក្រៅផ្លូវការ។ នៅក្នុងខែសីហា ប្រទេសចិនបានទាមទារឲ្យប្រទេសលីទុយអានី ដកឯកអគ្គរដ្ឋទូតខ្លួន ប្រចាំនៅទីក្រុងប៉េកាំង និងនិយាយថា ខ្លួននឹងហៅត្រឡប់វិញនូវប្រេសិតរបស់ចិនប្រចាំនៅទីក្រុង Vilnius ក្រោយតៃវ៉ាន់ប្រកាសថា ការិយាល័យរបស់ខ្លួន នឹងត្រូវបានហៅថា ការិយាល័យតំណាងតៃវ៉ាន់ នៅក្នុងប្រទេសលីទុយអានី។ តាមសេចក្តីរាយការណ៍ រដ្ឋមន្ត្រីការបរទេសអាមេរិក លោក Antony Blinken បាននិយាយជាមួយរដ្ឋមន្ត្រីការបរទេសលីទុយអានីលោក Gabrielius Landsbergis នៅក្នុងខែសីហា និងបានព្រមព្រៀងគ្នាលើចំណាត់ការរួមទ្វេភាគី ដើម្បីជួយ លីទុយអានី ទប់ទល់នឹងសម្ពាធពីប្រទេសចិន។ លោក Gabrielius Landsbergis បាននិយាយប្រាប់អ្នកសារព័ត៌មានក្នុងទីក្រុង Vilnius កាលពីថ្ងៃព្រហស្បតិ៍ថា “យើងគិតថាចំណងមិត្តភាពសេដ្ឋកិច្ចជាមួយបណ្ដាប្រទេសលទ្ធិប្រជាធិបតេយ្យ គឺមានស្ថិរភាពនិងយូរអង្វែងជាង ដោយពួកគេផ្អែកលើក្រឹត្យក្រមនៃច្បាប់ ដូច្នេះពួកគេបំពេញតាមចំណាប់អារម្មណ៍ របស់លីទុយអានីល្អជាង”៕

2.1K

កូរ៉េខាងត្បូង ចេញយន្តហោះចម្បាំង យ៉ាងប្រញាប់ ស្របពេលយន្តហោះរុស្ស៊ីនិងចិន ហោះចូលក្នុងតំបន់កំណត់ ការពារដែនអាកាសខ្លួន

បរទេស៖ យោធារបស់ប្រទេសកូរ៉េខាងត្បូង បាននិយាយនៅថ្ងៃសុក្រនេះថា ខ្លួនបានចេញយន្តហោះចម្បាំង យ៉ាងប្រញាប់ ក្រោយមានយន្តហោះចម្បាំង ចិន២គ្រឿង និងយន្តហោះចម្បាំងរុស្ស៊ី៧គ្រឿង ហោះហើរចូលក្នុងតំបន់កំណត់ការពារដែនអាកាសខ្លួននៅក្នុងអំឡុងអ្វី ដែលទីក្រុងប៉េកាំងហៅថា ជាការធ្វើសមយុទ្ធតាមធម្មតា។ អគ្គសេនាធិការចម្រុះ របស់ទីក្រុងសេអ៊ូល បាននិយាយប្រាប់ថា យន្តហោះចិននិងរុស្ស៊ី បានហោះចូលក្នុងភាគឦសាននៃតំបន់កំណត់ការពារដែនអាកាសកូរ៉េ សម្រាប់រយៈពេលមិនជាក់លាក់មួយ នៅមុនពេលធ្វើការហោះចេញវិញ និងបានបន្ថែមថាយន្តហោះទាំងនោះ មិនបានបំពានដែនអាកាសរបស់ខ្លួននោះទេ។ យោងតាមសេចក្តីរាយការណ៍មួយ ដែលចេញផ្សាយដោយទីភ្នាក់ងារសារព័ត៌មាន Yahoo News នៅថ្ងៃទី១៩ ខែវិច្ឆិកា ឆ្នាំ២០២១បានឲ្យដឹងថា អគ្គសេនាធិការចម្រុះរបស់ប្រទេសកូរ៉េខាងត្បូង បានបញ្ជូនចេញយន្តហោះចម្បាំងនិងយន្តហោះចាក់ប្រេងក្នុងអាកាស ដែលនេះជាវិធានការតាមធម្មតាមួយ ដើម្បីទប់ទល់នឹងភាពអាសន្ន អាចកើតមាន។ គួរបញ្ជាក់ថា យន្តហោះចម្បាំងរបស់ប្រទេសចិននិងប្រទេសរុស្ស៊ី ជាញឹកញាប់តែងតែហោះហើរចូលទៅក្នុងតំបន់នោះ ក្នុងពេលប៉ុន្មានឆ្នាំថ្មីៗនេះ ស្របពេលមានជម្លោះការអះអាងកម្មសិទ្ធិ ជុំវិញរឿងតំបន់កំណត់ការពារ ដែនអាកាសផ្សេងៗគ្នា៕

1.8K

អង្គការណាតូ រំពឹងថាប្រទេសអាល្លឺម៉ង់ នឹងស្ថិតនៅក្នុងការចែករំលែក នុយក្លេអ៊ែ របស់សម្ព័ន្ធមិត្ត

បរទេស៖ ដោយពោលសំដៅ ដល់គ្រាប់បែកនុយក្លេអ៊ែ អាមេរិក នៅលើទឹកដីអាល្លឺម៉ង់ ដែលអាចបំពាក់ជាមួយយន្តហោះចម្បាំងអាល្លឺម៉ង់ ក្នុងករណីមានវិបត្តិនោះ អគ្គលេខាធិការអង្គការសម្ពន្ធមិត្ត លោក Jens Stoltenberg បានមានប្រសាសន៍ នៅថ្ងៃសុក្រថា ណាតូរំពឹងថា ប្រទេសអាល្លឺម៉ង់ នឹងនៅតែជាផ្នែកនៃការចែករំលែក នុយក្លេអ៊ែ របស់សម្ពន្ធមិត្ត។ តាមសេចក្តីរាយការណ៍មួយ ដែលចេញផ្សាយដោយទីភ្នាក់ងារ សារព័ត៌មាន Us...

2.3K

អនុប្រធាន CIA ជួបឧត្តមសេនីយ៍ប្រាយុទ្ធ ចាន់អូចា ដោយឥតគ្រោងទុក រយៈពេល ៤៥នាទី

បរទេស៖ លោក David Cohen នាយករង នៃទីភ្នាក់ងារស៊ើបការណ៍សម្ងាត់កណ្តាល នៃសហរដ្ឋអាមេរិក (CIA) បានធ្វើទស្សនកិច្ច ដោយមិនបានគ្រោងទុក ទៅកាន់វិមានរដ្ឋាភិបាល កាលពីថ្ងៃសុក្រ។ យោងតាមសារព័ត៌មាន Bangkok Post ចេញផ្សាយនៅថ្ងៃទី១៩ ខែវិច្ឆិកា ឆ្នាំ២០២១ បានឱ្យដឹងថា លោក Cohen បានជួបជាមួយ...

2.7K

អាមេរិក ធ្វើជាម្ចាស់ផ្ទះ នៃកិច្ចប្រជុំ Three Amigos ស្វាគមន៍ មេដឹកនាំមិកស៊ិកូ និងកាណាដា

បរទេស៖ ប្រធានាធិបតីនៃប្រទេសអាមេរិក Joe Biden បានបើកកិច្ចប្រជុំ Three Amagos កាលពីថ្ងៃព្រហស្បតិ៍ម្សិលមិញនេះក្នុងនាមជាម្ចាស់ផ្ទះ ដើម្បីស្វាគមន៍មេដឹកនាំ នៃប្រទេសមិកស៊ិកូ និងប្រទេសកាណាដាផងដែរ។ កិច្ចប្រជុំដែលមានការចូលរួម ពីសំណាក់លោក Joe Biden ជាម្ចាស់ផ្ទះ និងប្រទេសជាភ្ញៀវ លោកនាយករដ្ឋមន្ត្រីកាណាដា Justin Trudeau និងប្រធានាធិបតី នៃប្រទេសមិកស៊ិកូ...

2.7K

ហ្វីលីពីន ថ្កោលទោសយ៉ាងខ្លាំង ទៅលើសកម្មភាព នាវាឆ្មាំនៅសមុទ្រចិនខាងត្បូង

ម៉ានីល៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១៩ ខែវិច្ឆិកា ឆ្នាំ២០២១ថា ហ្វីលីពីនកាលពីថ្ងៃព្រហស្បតិ៍ បានថ្កោលទោស “ក្នុងន័យខ្លាំងបំផុត” លើសកម្មភាពរបស់នាវាឆ្មាំសមុទ្រចិន ចំនួន៣គ្រឿង ដែលខ្លួនបាននិយាយថា បានរារាំង និងប្រើប្រាស់កាណុងបាញ់ទឹក លើទូកផ្គត់ផ្គង់ដែលធ្វើដំណើរ ឆ្ពោះទៅកាន់ដែនកោះ ដែលកាន់កាប់ដោយហ្វីលីពីន នៅសមុទ្រចិនខាងត្បូង ។ លោក...

2.5K

ក្រុមចម្រុះដឹកនាំដោយអារ៉ាប៊ី សាអូឌីត បើកការវាយប្រហារ តាមដែនអាកាស មកលើជំរុំគ្រប់គ្រង ដោយឧទ្ទាមហួធី នៅយេមែន

សាណាអា៖ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៩ ខែវិច្ឆិកា ឆ្នាំ២០២១ថា ក្រុមចម្រុះដឹកនាំដោយអារ៉ាប៊ីសាអូឌីត បានបើកការវាយប្រហារ តាមអាកាសជាច្រើនលើជំរុំយោធាដែលគ្រប់គ្រង ដោយកងជីវពល ហួធី ក្នុងរដ្ឋធានី Sanaa ប្រទេសយេមែន កាលពីព្រឹកថ្ងៃព្រហស្បតិ៍ ទូរទស្សន៍ al-Masirah TV គ្រប់គ្រងដោយក្រុមហួធី បានរាយការណ៍ឲ្យដឹង ។ ទូរទស្សន៍បានឲ្យដឹងថា ការវាយប្រហារ តាមអាកាសបានវាយប្រហារជំរុំ...

3.0K

ម៉ាឡេស៊ី មានអ្នកឆ្លងជំងឺកូវីដ១៩ថ្មី ជាង ៦.៣០០នាក់ ខណៈអ្នកស្លាប់បន្ថែមទៀត ៥៥នាក់

កូឡាឡាំពួរ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៩ ខែវិច្ឆិកា ឆ្នាំ២០២១ថា ប្រទេសម៉ាឡេស៊ី បានរាយការណ៍ ពីការឆ្លងជំងឺកូវីដ-១៩ថ្មី ចំនួន៦.៣៨០នាក់ គិតត្រឹមពាក់កណ្តាលអធ្រាត្រថ្ងៃព្រហស្បតិ៍ ដែលនាំឱ្យចំនួនសរុបទូទាំងប្រទេស កើនឡើងដល់ ២.៥៦៩.៥៣៣ នេះបើយោងតាមក្រសួងសុខាភិបាលបានឲ្យដឹងដូច្នេះ ។ ទិន្នន័យដែលបានចេញផ្សាយ នៅលើគេហទំព័ររបស់ក្រសួងបានបង្ហាញថា ក្នុងចំណោមករណីថ្មី២៨នាក់ត្រូវបាននាំចូលដោយ៦.៣៥២នាក់ គឺជាអ្នកឆ្លងនៅក្នុងស្រុក ។ ការស្លាប់ចំនួន៥៥នាក់ផ្សេងទៀត ត្រូវបានគេរាយការណ៍ថា...

3.0K

អាមេរិក សុំឲ្យជប៉ុនជួយ ដើម្បីទទួលបានការដោះលែង អ្នកសារព័ត៌មាន ដែលជាប់ពន្ធនាគារនៅមីយ៉ាន់ម៉ា

តូក្យូ៖ រដ្ឋាភិបាលសហរដ្ឋអាមេរិក បានស្វែងរកជំនួយពីលោក Yohei Sasakawa បេសកជនពិសេសរបស់ប្រទេសជប៉ុន សម្រាប់ការផ្សះផ្សាជាតិក្នុងប្រទេសមីយ៉ាន់ម៉ា ដើម្បីឈ្នះសេរីភាពអ្នកសារព័ត៌មានអាមេរិក ដែលត្រូវបានតុលាការយោធាកាត់ទោសឱ្យជាប់ពន្ធនាគាររយៈពេល ១១ឆ្នាំកាលពីពេលថ្មីៗនេះ។ លោក Sasakawa ដែលជាប្រធានមូលនិធិសប្បុរសធម៌ Nippon Foundation បានធ្វើការកត់សម្គាល់នៅក្នុងបទសម្ភាសន៍ជាមួយសារព័ត៌មាន Kyodo News ចំពេលដំណើរទស្សនកិច្ច “ផ្ទាល់ខ្លួន” របស់លោកទៅកាន់ប្រទេសមីយ៉ាន់ម៉ា ជាកន្លែងដែលយោធាបានបណ្តេញរដ្ឋាភិបាលជាប់ឆ្នោតរបស់មេដឹកនាំស៊ីវិលលោកស្រី...