DAP News
ព័ត៌មានអន្តរជាតិ
-
2.3Kអាកាសធាតុក្តៅខ្លាំង អាចសម្លាប់ប្រជាជនឥណ្ឌា ១,៥លាននាក់ ក្នុងមួយឆ្នាំ គិតពីឆ្នាំ២១០០ទៅ
បរទេស៖ ខណៈពេលដែលពិភពលោក កំពុងតែមើលឃើញពីផលប៉ះពាល់នៃការផ្លាស់ប្តូរ អាកាសធាតុរួចមក រដូវក្តៅឆ្នាំនេះបានបំបែកកំណត់ត្រា ជុំវិញពិភពលោក។ ជាមួយគ្នានេះដែរ ប្រទេសឥណ្ឌាក៏បានជួបប្រទះ នូវរលកកម្តៅដែលវែងបំផុតទី ២ របស់ខ្លួនដោយសីតុណ្ហភាពឡើងដល់ ៥០,៨ អង្សាសេនៅក្នុងរដ្ឋ Rajasthan ក្នុងឆ្នាំនេះ។ ជាងនេះទៅទៀត បើតាមរបាយការណ៍បានបង្ហាញថា អាកាសធាតុក្តៅខ្លាំង អាចសម្លាប់ប្រជាជនឥណ្ឌា ១,៥លាននាក់ ក្នុងមួយឆ្នាំ ដោយគិតពីឆ្នាំ២១០០ទៅ។ យោងតាមការសិក្សាចេញផ្សាយ ដោយមន្ទីរពិសោធន៍ផលប៉ះពាល់អាកាសធាតុនៃ សាកលវិទ្យាល័យឈីកាហ្គោ និងមជ្ឈមណ្ឌលតាតា សម្រាប់ការអភិវឌ្ឍនៅ UChicago កាលពីថ្ងៃព្រហស្បតិ៍បានបង្ហាញថា ព្រឹត្តិការណ៍កម្តៅខ្លាំងដែល បានបង្កឡើងដោយការផ្លាស់ប្តូរអាកាសធាតុត្រូវបានគេបារម្ភថា អាចសម្លាប់ប្រជាជនឥណ្ឌាចំនួន ១,៥ លាននាក់បន្ថែមទៀតជារៀងរាល់ឆ្នាំចាប់ពីឆ្នាំ ២១០០ទៅ។ យោងតាមសារព័ត៌មាន Sputnik ចេញផ្សាយនៅថ្ងៃទី០១ ខែវិច្ឆិកា ឆ្នាំ២០១៩ បានឱ្យដឹងថា ការសិក្សានេះបានបន្ថែមទៀតថា “ ប្រសិនបើការបំភាយឧស្ម័នផ្ទះកញ្ចក់ នៅតែបន្តកើនឡើងក្នុងអត្រានាពេលបច្ចុប្បន្ននេះ ប្រទេសឥណ្ឌាត្រូវបានគេព្យាករថានឹងមានការ កើនឡើងយ៉ាងឆាប់រហ័ស នៅថ្ងៃក្តៅខ្លាំងនៅសតវត្សរ៍បន្ទាប់ ដែលបង្កើនហានិភ័យនៃការស្លាប់” ។ គេសង្កេតឃើញថា ឥទ្ធិពលអាក្រក់បំផុតនៃបំរែបំរួលអាកាសធាតុទំនងជាត្រូវបាន គេមើលឃើញជាទម្រង់នៃការឡើងកម្តៅ។កម្តៅខ្លាំង ធ្វើឱ្យរាងកាយស្ថិតក្នុងភាពតានតឹងយ៉ាងខ្លាំង ធ្វើឱ្យប៉ះពាល់ដល់ប្រព័ន្ធឈាមរត់និងមានគ្រោះថ្នាក់ ជាពិសេសសម្រាប់កុមារតូចៗ និងអ្នកដែលមានអាយុលើសពី ៦៥ ឆ្នាំ។ របាយការណ៍ក៏បានព្រមានផងដែរថា សីតុណ្ហភាពប្រចាំឆ្នាំជាមធ្យមនៅឥណ្ឌាក៏នឹងកើនឡើង ៤ អង្សាសេដល់ ២៨ ត្រឹមឆ្នាំ ២១០០។ចំនួនថ្ងៃក្តៅខ្លាំងជាមធ្យមក៏អាចនឹងកើនឡើង ៨ ដងដែរ។ រដ្ឋ Punjab ដែលជារដ្ឋកសិកម្មឥណ្ឌា បច្ចុប្បន្នមានសីតុណ្ហភាពនៅរដូវក្តៅជាមធ្យមខ្ពស់បំផុត។ ប្រសិនបើការបំភាយនៅតែបន្តនៅលើផ្លូវបច្ចុប្បន្ន ១៦ រដ្ឋ ក្នុងចំណោម ២៨ រដ្ឋ និងទឹកដីសហភាពចំនួន ៩ (រួមទាំង Jammu និង Kashmir និង Ladakh UTs) ត្រូវបានព្យាករណ៍ថានឹងក្លាយជាក្តៅជាងរដ្ឋក្តៅបំផុត នាចុងសតវត្សរ៍នេះ៕ ប្រែសម្រួលៈ ដើមអម្ពិល
-
2.3Kសហរដ្ឋអាមេរិក សរសើរការអនុវត្តរបស់ថៃ ក្នុងនាមជាប្រធានអាស៊ាន
បរទេស៖ នៅមុនកិច្ចប្រជុំកំពូលអាស៊ានលើកទី ៣៥ ដែលចាប់ផ្តើមនៅថ្ងៃស្អែក និងកិច្ចប្រជុំកំពូលអាស៊ាន – អាមេរិកលើកទី ៧ដែលនឹងចាប់ផ្តើមនៅថ្ងៃច័ន្ទ កាសែតបាងកកប៉ុស្តិ៍បាននិយាយជាមួយលោក David R Stilwell ឧបការីរដ្ឋមន្រ្តីក្រសួងការបរទេសទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក ស្តីពីការចូលរួមរបស់សហរដ្ឋអាមេរិកជាមួយអាស៊ាន។ ក្នុងនោះ សហរដ្ឋអាមេរិកសរសើរការអនុវត្តរបស់ថៃក្នុងនាមជាប្រធានអាស៊ាន ។ សហរដ្ឋអាមេរិកបានក្លាយជាដៃគូសន្ទនាកាលពី ៤២ ឆ្នាំមុន មិនយូរប៉ុន្មានបន្ទាប់ពីអាស៊ាន ត្រូវបានបង្កើតឡើង។ នៅឆ្នាំ ២០១៥យើងបានបង្កើនទំនាក់ទំនង របស់យើងទៅភាពជាដៃគូយុទ្ធសាស្ត្រ។ យើងមើលឃើញថាអាស៊ានគឺជាបេះដូងនៃតំបន់ឥណ្ឌូ – ប៉ាស៊ីហ្វិក និងជាដៃគូ ដែលស្ថិតស្ថេរ និងមិនអាចផ្លាស់ប្តូរបាន។ ទំនាក់ទំនងរវាងសហរដ្ឋអាមេរិក និងរដ្ឋជាសមាជិកទាំង ១០ របស់អាស៊ានកំពុងរីកចម្រើន។ នៅក្នុងឆ្នាំ ២០១៨ ពាណិជ្ជកម្មទំនិញ និងសេវាកម្ម តាមមធ្យោបាយបានឈានដល់ចំនួន ៣៣៤ ពាន់លានដុល្លារអាមេរិក (១០ ពាន់ពាន់លានបាត) ហើយរដ្ឋជាសមាជិកអាស៊ានទាំង ១០ ទទួលបានការវិនិយោគផ្ទាល់ពីបរទេសច្រើនជាងគេពីចិន និងជប៉ុន។ សព្វថ្ងៃមានក្រុមហ៊ុនអាមេរិកជាង ៤.២០០ ក្រុមហ៊ុន ធ្វើប្រតិបត្តិការនៅក្នុងតំបន់អាស៊ានជួលបណ្តុះបណ្តាល និងវិនិយោគលើមនុស្សរាប់លាននាក់នៅទូទាំងតំបន់។ សរុបទៅក្រុមហ៊ុនអាមេរិកមានទឹកប្រាក់ជាង មួយទ្រីលានដុល្លារដែលបានវិនិយោគនៅក្នុងតំបន់។ សារព័ត៌មានថៃបាងកកប៉ុស្តិ៍ ចេញផ្សាយនៅថ្ងៃទី១ ខែវិច្ឆិកា ឆ្នាំ២០១៩ បានឱ្យដឹងដោយផ្អែកតាមការ លើកឡើងរបស់មន្រ្តីទូតជាន់ខ្ពស់អាមេរិកថា ប្រទេសថៃបានបង្ហាញខ្លួនជាប្រធានដែលពេញលេញ នៅឆ្នាំនេះហើយយើងអបអរសាទរប្រទេសថៃ ចំពោះជោគជ័យនេះ។ អាស៊ានមានប្រសិទ្ធភាពបំផុត នៅពេលដែលវានិយាយដោយសំឡេងតែមួយអំពីបញ្ហាបន្ទាន់ ផ្នែកនយោបាយ និងសន្តិសុខ។ នៅពេលរឿងនោះកើតឡើង វាជាផលប្រយោជន៍របស់អាមេរិក និងផលប្រយោជន៍ក្នុងតំបន់៕ ប្រែសម្រួលៈ ដើមអម្ពិល
-
2.0Kភ្លើងឆេះព្រៃ នៅតែបន្តឆេះរាលដាល ទូទាំងរដ្ឋកាលីហ្វ័រនីញ៉ា
ឡូសអ៊ែនជីឡេស៖ ទីភ្នាក់ងារព័ត៌មានចិនស៊ិនហួ បានចុះផ្សាយកាលពីរាត្រីថ្ងៃទី៣១ ខែតុលា ឆ្នាំ២០១៩ថា ភ្លើង ឆេះព្រៃនៅចំនួន១០កន្លែង បានបន្តឆេះរាលដាលកាន់តែ ខ្លាំងឡើងៗនៅទូទាំង រដ្ឋកាលីហ្វ័រនីញ៉ា ។ យោងតាមព័ត៌មានដែល ទទួលបានចុងក្រោយ ដែលបានរាយការណ៍ដោយក្រុម អាជ្ញាធររដ្ឋបានបង្ហាញថា នៅកាលីហ្វ័រនីញ៉ាខាងជើង ក្រុមពន្លត់អគ្គីភ័យចំនួន៥.០០០នាក់ បានធ្វើការពន្លត់ភ្លើង បានទៅលើតំបន់ដែលឆេះ ខ្លាំងក្លាជាងគេនៅ Kincade ។ ភ្លើងឆេះព្រៃនៅ Kincade បានកើតឡើងកាលពីយប់ថ្ងៃពុធ នៅតំបន់ Sonoma ដែលតំបន់ល្បីល្បាញ និងជាកន្លែងផលិតស្រាដ៏ល្បី ។ ភ្លើងឆេះព្រៃបានឆាបឆេះ នៅលើផ្ទៃដីជិត ៧៧.០០០អារ ។ ពលរដ្ឋប្រមាណ ១០ពាន់នាក់ បានបង្ខំចិត្តជម្លៀសខ្លួនចេញ ហើយផ្ទះចំនួន៥៧ខ្នង រងការបំផ្លិចបំផ្លាញ ហើយភ្លើងនៅតែបន្តឆាបឆេះប្រមាណ ៣០ភាគរយទៀត ៕ ប្រែសម្រួលដោយ៖ ម៉ៅ បុប្ផាមករា
-
2.3Kតៃវ៉ាន់ត្រៀមខ្លួន ទិញរថក្រោះ A1M2T Abrams ពីសហរដ្ឋអាមេរិក
បរទេស៖ អគ្គសេនាធិការកងទ័ពតៃវ៉ាន់ តាមសេចក្តីរាយការណ៍ បាននិយាយប្រាប់ថា កោះតៃវ៉ាន់ កំពុងតែត្រៀមខ្លួនជាស្រេច ដើម្បីទិញយករថក្រោះ Abrams M1A2T ចំនួន១០៨គ្រឿង ពីសហរដ្ឋអាមេរិក ក្រោមកិច្ចព្រមព្រៀងមានទំហំទឹកប្រាក់ ២,២ពាន់លានដុល្លារ។ នាយឧត្តមសេនីយ៍របស់កោះតៃវ៉ាន់ លោក Yang Hai-ming នៅក្នុងកិច្ចប្រជុំសួរឆ្លើយ នាសប្ដាហ៍នេះ នៅមុនកិច្ចប្រជុំរបស់គណៈកម្មាធិការ កិច្ចការបរទេសនិងកិច្ចការការពារជាតិរបស់សភាជាតិ បានធ្វើការបញ្ជាក់ប្រាប់ថា កោះតៃវ៉ាន់នឹងចុះហត្ថលេខាលើលិខិតផ្តល់ និងទទួលយកមួយ នៅក្នុងខែវិច្ឆិកា។ ចំណែករដ្ឋមន្ត្រីការពារជាតិតៃវ៉ាន់ លោក Yen De-fa បាននិយាយនៅក្នុងប្រជុំនោះថា កងទ័ពកោះតៃវ៉ាន់ និងក្រុមហ៊ុនការពារជាតិសហរដ្ឋអាមេរិក Lockheed Martin ដែលជាក្រុមហ៊ុនផលិតកាំភ្លើង ១២០មីលីម៉ែត្ររបស់រថក្រោះ Abram ក៏កំពុងតែពិភាក្សាគ្នាជុំវិញសំណើបញ្ជូនបច្ចេកវិទ្យាការពារជាតិចំនួន ១២មកកោះវ៉ាន់ផងដែរ៕ ប្រែសម្រួល៖ ប៉ាង កុង
-
1.9Kការនាំចេញរបស់ កូរ៉េខាងត្បូង បន្ដធ្លាក់ចុះ ១១ខែជាប់គ្នា លេីផលិតផលបន្ទះឈីប
សេអ៊ូល៖ ការនាំចេញរបស់កូរ៉េខាងត្បូង បានធ្លាក់ចុះ ១៤,៧ ភាគរយក្នុងខែតុលា ធៀបនឹងរយៈពេលដូចគ្នាកាលពីឆ្នាំមុនដោយបន្តធ្លាក់ចុះដល់ ១១ ខែជាប់គ្នា នេះបេីយោងតាមការចុះផ្សាយ របស់ទីភ្នាក់ងារសារព័ត៌មាន យុនហាប់។ ការនាំចេញទៅក្រៅប្រទេសបានឡើងដល់ ៤៦,៧៨ ពាន់លានដុល្លារកាលពីខែមុន បើប្រៀបធៀបទៅនឹងចំនួន ៥៤,៨ ពាន់លានដុល្លារកាលពីឆ្នាំមុន នេះបើយោងតាមទិន្នន័យដែលបានចងក្រង ដោយក្រសួងពាណិជ្ជកម្ម ឧស្សាហកម្ម និងថាមពល។ ការធ្លាក់ចុះជារួម គឺបណ្តាលមកពីការធ្លាក់ចុះ យូរនៃឧស្សាហកម្មបន្ទះឈីបពិភពលោក ដែលជាផលិតផលនាំចេញសំខាន់ សម្រាប់ប្រទេសសេដ្ឋកិច្ចលេខ ៤ នៅអាស៊ីមួយនេះ៕ ដោយ ឈូក បូរ៉ា
-
2.5Kក្រុមរដ្ឋឥស្លាម ជ្រុលនិយម បញ្ជាក់ពីការ ស្លាប់របស់លោក Baghdadi និងប្រាប់ឈ្មោះមេដឹកនំាថ្មី
បរទេស ៖ ក្រុមរដ្ឋឥស្លាមជ្រុលនិយម នៅពេលថ្មីៗនេះ តាមសេចក្តីរាយការណ៍ បានធ្វើការបញ្ជាក់អំពីការស្លាប់ របស់មេដឹកនាំខ្លួន គឺលោក Abu Bakr al-Baghdadi ហើយនិងបានប្រកាសតែងតាំងមេដឹកនាំថ្មី គឺលោក Abu Ibrahim al-Hashimi al-Qurashi។ យោងតាមប្រភពព័ត៌មានមួយ ដែលចេញផ្សាយដោយទីភ្នាក់ងារ សារព័ត៌មាន UPI នៅរាត្រីថ្ងៃទី៣១...
-
13.3Kប្រធានបក្ស ស៊ីវីល័យរបស់ថៃ យកគ្រឿងផ្ទុះចូលសភា ដើម្បីសាកល្បងពីភាពរឹងមាំនៃប្រព័ន្ធសន្តិសុខ
ថៃ៖ នាយករដ្ឋមន្រ្តីថៃលោក ប្រាយុទ្ធ ចាន់អូចា បានស្តីបន្ទោសមេដឹកនាំគណបក្សស៊ីវិល័យរបស់ថៃគឺលោក Mongkonkit Suksintharanon ចំពោះការយកគ្រឿងផ្ទុះចូលក្នុងសភាដើម្បី សាកល្បងប្រព័ន្ធសន្តិសុខ ដែលប្រធានបក្សរូបនេះបានចោទប្រកាន់ថា មិនមានលក្ខណៈគ្រប់គ្រាន់។ យោងតាមសារព័ត៌មានថៃ បាងកកប៉ុស្តិ៍ ចេញផ្សាយនៅថ្ងៃទី៣១ ខែតុលា ឆ្នាំ២០១៩ បានឱ្យដឹងថា លោកនាយករដ្ឋមន្រ្តីមិនបានផ្តល់ទំងន់ណាមួយដល់ការអះអាងរបស់លោក Mongkonkit នោះទេ ប៉ុន្តែបានចោទជាសំណួរអំពីអាកប្បកិរិយារបស់លោក បន្ទាប់ពីមានការជំទាស់ពីសំណាក់លោក...
-
2.6Kមេដឹកនាំកូរ៉េខាងជើង ផ្ញើរលិខិតរំលែកទុក្ខ មរណភាពមាតារបស់មេដឹកនាំ កូរ៉េខាងត្បូង
បរទេស: ការិយាល័យរបស់លោក មូន ជេអ៊ីន ប្រធានាធិបតីកូរ៉េខាងត្បុងបាននិយាយ កាលពីព្រឹកថ្ងៃព្រហស្បតិ៍ទី៣១ខែតុលានេះថា មេដឹកនាំកូរ៉េខាងជើងលោក គីម ជុងអ៊ុន បានផ្ញើសារចូលរួមរំលែកទុក្ខ ដល់ប្រធានាធិបតីកូរ៉េខាងត្បូង ចំពោះមរណភាព របស់ម្ដាយលោក។ សាររបស់លោកគីមត្រូវបាន បញ្ជូនតាមរយៈភូមិព្រំដែនអន្តរកូរ៉េតាំងតែពីថ្ងៃពុធ ហើយអ្នកនាំពាក្យរបស់ លោកប្រធានាធិបតីមូនបាននិយាយថា ក្រោយមកវាត្រូវបានប្រគល់ ទៅឱ្យលោកមូនដោយផ្ទាល់ ដែលកំពុងស្នាក់នៅក្នុង ទីក្រុងប៊ូសានភាគអាគ្នេយ៍ ដែលជាកន្លែងទីកន្លែងប្រារព្ធពិធី កាន់ទុក្ខម្តាយរបស់គាត់។ អ្នកនាំពាក្យរូបនេះបាននិយាយថា លោកគីមបានសម្តែងនូវការរំលែកទុក្ខយ៉ាងក្រៀមក្រំ និងជ្រាលជ្រៅចំពោះម្ដាយរបស់លោកមូន និងមានភាពសោកស្តាយ យ៉ាងខ្លាំងផដែរចំពោះមរណភាពរបស់លោកស្រី ប៉ុន្តែទោះបីជាយ៉ាងណាក្តីអ្នកនាំពាក្យដដែលមិនបាន បញ្ជាក់លម្អិតថា តើលោកគីមបានសរសេរអ្វីផ្សេងទៀត នៅក្នុងសារឬប្រតិកម្មរបស់លោកមូនឡើយ៕ ប្រែសម្រួល: ស៊ុន លី
-
2.2Kរដ្ឋមន្ត្រីការបរទេសអាមេរិក Pompeo បញ្ជាក់ថា ដាច់ខាតត្រូវតែប្រឈមមុខ នឹងបក្សកម្មុយនីសចិន
បរទេស: កាលពីថ្ងៃពុធ រដ្ឋមន្រ្តីក្រសួងការបរទេស សហរដ្ឋអាមេរិកលោក Mike Pompeo ត្រូវបានគេមើលឃើញថា កំពុងចាប់ផ្តើមបង្កើនសេចក្តីថ្លែងការណ៍ថ្មីៗ តំណាងឲ្យសហរដ្ឋអាមេរិក ផ្តោតសំខាន់ទៅលើគណបក្សកុម្មុយនិស្ត កំពុងកាន់អំណាចរបស់ចិន ដោយនិយាយថា ខ្លួននិងចាប់ផ្តើមផ្តោតលើការ ត្រួតត្រានានារបស់អន្តរជាតិ និងចាំបាច់ត្រូវប្រឈមមុខ ទៅនឹងបញ្ហានេះ។ លោក Pompeo បានធ្វើការកត់សម្គាល់នេះ ខណៈដែលរដ្ឋបាល Trump បាននិយាយថាខ្លួននៅតែរំពឹងថា...
-
4.2Kលោកពូទីន ចាប់ផ្តើមប្រឈមមុខនឹង បញ្ហាហិរញ្ញវត្ថុនៅស៊ីរី ដោយសារតែអាមេរិក កំពុងកាន់កាប់តំបន់ប្រេង ក្នុងប្រទេសឡើងវិញ
បរទេស: The Bloomberg នៅថ្ងៃព្រហស្បតិ៍ ទី៣១ ខែតុលា បានសរសេរថា ប្រធានាធិបតីពូទីន តែនឹងកំពុងប្រឈមមុខនឹងបញ្ហា ហិរញ្ញវត្ថុសាជាថ្មី នៅក្នុងប្រទេសស៊ីរី បន្ទាប់ពីការសម្រេចចិត្តឡើងវិញ របស់សហរដ្ឋអាមេរិក និងជួយឱ្យសម្ព័ន្ធមិត្តរបស់ខ្លួន គឺលោក បាសា អាល់អាសាដ អាចគ្រប់គ្រងមកវិញ នូវផ្នែកដ៏ធំបំផុត នៅក្នុងប្រទេសដែលវាស្ថិត នៅខាងក្រៅ នៃការគ្រប់គ្រងរបស់រុស្សី។...