ព័ត៌មានជាតិ

ក្រុមប្រឹក្សាភិបាល ប.ស.ស. បានបើកកិច្ចប្រជុំ លើកទី១១ អាណត្តិទី១ ដើម្បីពិនិត្យ ពិភាក្សា លើរបៀបវារៈមួយចំនួន

ភ្នំពេញ៖ បន្ទាប់ពីមានកិច្ចប្រជុំ ពិភាក្សាត្រួតពិនិត្យ ពីថ្នាក់ដឹកនាំ និងក្រុមកិច្ចការអ្នកច្បាប់ នៃ ប.ស.ស. ជាច្រើនលើកកន្លងមក នាព្រឹកនេះ លោកបណ្ឌិត អ៉ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមប្រឹក្សាភិបាល នៃប.ស.ស. បានអញ្ជើញជាអធិបតីភាពដ៏ខ្ពង់ខ្ពស់ បើកកិច្ចប្រជុំក្រុមប្រឹក្សាភិបាល នៃ ប.ស.ស. ដើម្បីពិនិត្យ និងកែសម្រួល លើសេចក្ដីព្រាងប្រកាសចំនួន២ ។ សេចក្តីព្រៀងប្រកាសរួមមាន៖ ១).សេចក្តីព្រាងប្រកាស ស្ដីពីបែបបទ និងនីតិវិធីនៃការផ្ដល់វិភាជន៍បូជាសព នៃរបបសន្ដិសុខសង្គមផ្នែកប្រាក់សោធន សម្រាប់បុគ្គលទាំងឡាយ ដែលស្ថិតនៅក្រោមបទប្បញ្ញតិ្ត នៃច្បាប់ស្ដីពីការងារ និង ២).សេចក្តីព្រាងប្រកាសស្ដីពីបែបបទ និងនីតិវិធីនៃការចុះបញ្ជី សហគ្រាស គ្រឹះស្ថាន កម្មករនិយោជិត និងការបង់ភាគទាន សម្រាប់បុគ្គលទាំងឡាយ ដែលស្ថិតនៅក្រោមបទប្បញ្ញតិ្តនៃច្បាប់ស្ដីពីការងារ។ ថ្លែងទៅកាន់អង្គប្រជុំនាព្រឹកនេះ លោកបណ្ឌិត អ៊ិត សំហេង បានលើកសំណើដាក់ជូន សមាជិកក្រុមប្រឹក្សាភិបាល នៃ ប.ស.ស. ទាំងអស់ ពិនិត្យ និងពិភាក្សា ព្រមទាំងកែសម្រួលប្រកបដោយ ការយកចិត្តទុកដាក់ខ្ពស់ លើសេចក្តីព្រាងប្រកាសខាងលើ ដើម្បីពង្រឹងការអនុវត្ត វិធានការច្បាប់ និងពង្រឹងយន្តការអនុវត្តការងារ ព្រមទាំងរក្សាតម្លាភាព លើកកម្ពស់គុណភាព ប្រសិទ្ធភាព នៃការផ្តល់សេវាសាធារណៈ របស់បេឡាជាតិសន្តិសុខសង្គម ឲ្យកាន់តែមានភាពល្អប្រសើរ ត្រឹមត្រូវ និងច្បាស់លាស់ ប្រកបដោយចីរភាពស្របតាមច្បាប់ ស្ដីពីរបបសន្តិសុខសង្គម ។ បន្ទាប់ពីក្រុមប្រឹក្សាភិបាល ប.ស.ស. បានប្រជុំពិនិត្យ និងពិភាក្សា ពេញមួយព្រឹកនេះ សេចក្តីព្រាងប្រកាស ស្ដីពីបែបបទ និងនីតិវិធី នៃការផ្ដល់វិភាជន៍បូជាសព នៃរបបសន្ដិសុខសង្គមផ្នែកប្រាក់សោធន សម្រាប់បុគ្គលទាំងឡាយ ដែលស្ថិតនៅក្រោមបទប្បញ្ញតិ្ត នៃច្បាប់ស្ដីពីការងារ ដែលមាន ៣ជំពូក ៧ប្រការ ត្រូវបានក្រុមប្រឹក្សាភិបាល នៃ ប.ស.ស. អនុម័តទាំងស្រុង ដោយឡែកសេចក្តីព្រាងប្រកាសស្ដីពីបែបបទ និងនីតិវិធីនៃការចុះបញ្ជីសហគ្រាស គ្រឹះស្ថាន កម្មករនិយោជិត និងការបង់ភាគទាន សម្រាប់បុគ្គលទាំងឡាយ ដែលស្ថិតនៅក្រោមបទប្បញ្ញតិ្ត នៃច្បាប់ស្ដីពីការងារ ដែលមាន ៧ជំពូក ២២ប្រការ បានពិនិត្យ និងកែសម្រួល ២ជំពូក និង៧ប្រការរួចរាល់ ចំពោះចំណុចដែលនៅសេសសល់ ក្រុមប្រឹក្សាភិបាល នៃ ប.ស.ស. នឹងលើកកិច្ចប្រជុំពិភាក្សា នាពេលក្រោយទៀតតាមការគ្រោងទុក។ ជាមួយគ្នានោះដែរ លោកបណ្ឌិតរដ្ឋមន្ត្រី ក៏បានធ្វើការកោតសរសើរយ៉ាងស្មោះ ចំពោះការខិតខំប្រឹងប្រែង និងការសហការយ៉ាងល្អ របស់ក្រុមប្រឹក្សាភិបាល ប.ស.ស. ព្រមទាំងការខិតខំប្រឹងប្រែង របស់ថ្នាក់ដឹកនាំ និងមន្រ្តីរាជការគ្រប់លំដាប់ថ្នាក់របស់ ប.ស.ស. ដែលបានខិតខំយកចិត្តទុកដាក់ ប្រកបដោយស្មារតី ទទួលខុសត្រូវខ្ពស់ ក្នុងការអនុវត្តការងារកន្លងមក បើទោះបីស្ថិតក្នុងស្ថានភាព ដ៏លំបាកនៃការរាតត្បាត នៃជំងឺកូវីដ-១៩ យ៉ាងណាក្ដី ក៏ថ្នាក់ដឹកនាំ និងមន្រ្តីរាជការ ប.ស.ស. នៅតែបំពេញតួនាទីយ៉ាងល្អ ក្នុងការផ្ដល់សេវាសាធារណៈ ប្រកបដោយភាពទន់ភ្លន់ ក្រមសីលធម៌ មនសិការវិជ្ជាជីវៈ និងមានស្មារតីទទួលខុសត្រូវខ្ពស់ ស្របតាមផែនការយុទ្ធសាស្រ្ត អភិវឌ្ឍន៍វិស័យការងារ និងបណ្តុះបណ្តាលវិជ្ជាជីវៈ ២០១៩-២០២៣។ សូមបញ្ជាក់ថា កិច្ចប្រជុំក្រុមប្រឹក្សាភិបាល ខាងលើ ប្រព្រឹត្តទៅនៅសាលប្រជុំធំ ស្នាក់ការកណ្ដាល ប.ស.ស. រាជធានីភ្នំពេញដោយមានវត្តមានអញ្ជើញចូលរួម ពីសំណាក់សមាជិក នៃក្រុមប្រឹក្សាភិបាល និងសមាជិក សមាជិកា សរុបប្រមាណជាង ១០ រូប៕

1.6K

សម្តេចតេជោ ជំរុញក្រុមហ៊ុន HUAWEI បន្តធ្វើការជាមួយ ក្រសួងប្រៃសណីយ៍ ធ្វើយ៉ាងណាឲ្យកម្ពុជា ទទួលបច្ចេកវិទ្យា ចុងក្រោយបំផុត (Video)

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងស្វាគមន៍ និងលើកទឹកចិត្តដល់លោក លីន បៃហ្វេង ក្រុមហ៊ុន HUAWEI ប្រចាំតំបន់ប៉ាស៊ីហ្វិក បន្តធ្វើការជាមួយលោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ ធ្វើយ៉ាងណាឲ្យកម្ពុជាទទួលបាន នូវបច្ចេកវិទ្យាចុងក្រោយបំផុត ដែលធានាបាននូវសុវត្ថិភាព អធិបតេយ្យភាពព័ត៌មាន និងមានការប្រកួតប្រជែងលើពិភពលោក...

550

កូវីដ ៖ ឆ្លងថ្មី៦៣នាក់ ជា៥៥នាក់ និងស្លាប់២នាក់

ភ្នំពេញ៖ ក្រសួងសុខាភិបាល បានបន្តរកឃើញអ្នកឆ្លងជំងឺកូវីដ១៩ថ្មីចំនួន៦៣នាក់ទៀត ខណៈជាសះស្បើយចំនួន៥៥នាក់ និងស្លាប់២នាក់។ គិតត្រឹមព្រឹក ថ្ងៃទី២៤ ខែមីនា ឆ្នាំ២០២២ កម្ពុជាមានអ្នកឆ្លងសរុបចំនួន១៣៥ ២៨៥នាក់ អ្នកជាសះស្បើយចំនួន១៣១ ២១៦នាក់ និងអ្នកស្លាប់ចំនួន៣ ០៥៤ នាក់៕

877

ឥណ្ឌា ស្នើកម្ពុជា ពិនិត្យលទ្ធភាព បង្កើតស្ថាន អនុព័ន្ធយោធាខ្លួន នៅកម្ពុជា (Video)

ភ្នំពេញ ៖ លោកស្រី ដេវយ៉ានី ឃូប្រ៊ាហ្គឺដេ ឯកអគ្គរដ្ឋទូតឥណ្ឌា ប្រចាំកម្ពុជា បានស្នើសុំឲ្យកម្ពុជា ពិនិត្យលទ្ធភាពក្នុងការបង្កើត ស្ថានអនុព័ន្ធយោធាឥណ្ឌា នៅកម្ពុជា ។ ក្នុងជំនួបពិភាក្សាការងារ ជាមួយនាយឧត្តមសេនីយ៍ វង្ស ពិសេន អគ្គមេបញ្ជាការកងយោធពលខេមរភូមិន្ទ នៅព្រឹកថ្ងៃទី២៤ មីនា លោកស្រីឯកអគ្គរដ្ឋទូត បានលើកឡើងពីកិច្ចសហប្រតិបត្តិការ ជិតស្និតរវាងកងទ័ព...

739

ទស្សនៈនិងមតិ ៖ បទបញ្ជាសម្ដេចតេជោ ឱ្យបង្រ្កាបបទល្មើសនេសាទ នៅបឹងទន្លេសាប នឹងលុបបំបាត់ការ អន្តរាគមន៍ ពីមន្រ្តីខិលខូច (Video)

ភ្នំពេញ ៖ បន្ទាប់ពីសម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា បានដាក់បទបញ្ជាឱ្យចុះបង្រ្កាប ក្រុមឈ្មួញទុច្ចរិត ដែលបំផ្លិចបំផ្លាញត្រី និងធនធានធម្មជាតិ នៅបឹងទន្លេសាប ប្រជាពលរដ្ឋទូទាំងនគរ បានបង្ហាញការគាំទ្រ និងសាទរយ៉ាងខ្លាំង ។ អ្នកវិភាគបានលើកឡើងថា បទបញ្ជារបស់សម្ដេចនាយករដ្ឋមន្រ្តី នឹងលុបបំបាត់ បាននូវការអន្តរាគមន៍ ពីសំណាក់មន្រ្តី ខិលខូច ដែលចូលដៃចូលជើង...

1.1K

វិចារណកថា នយោបាយ៖ Ukraine ក្នុងបណ្តាសារភូមិសាស្ត្រនយោបាយ និងការជាប់ផុងរបស់រុស្ស៊ី ក្នុងបណ្តាសារភូមិសាស្ត្រដោយសារ Ukraine !

សង្គ្រាម រុស្ស៊ី-អ៊ុយក្រែន បានឈានចូលអាទិត្យទីបី ខុសទៅនិងអ្វីដែលជាការគិតគូរ ជាយុទ្ធសាស្ត្រ របស់វិមាន Kremlin ទាំងស្រុងថា និងយកឈ្នះលើក្រុង Kiev តែក្នុងរយះពេល៧២ម៉ោងបុណ្ណោះ!។ ហើយគ្រាន់តែក្នុងរយៈពេលមួយមិនដល់មួយខែផង អ្នកកាន់អំណាចរបស់ រុស្ស៊ី បានត្រូវពិភពលោកដើរចេញធ្ងាយ មិនសារទរ រួមទាំងមិត្តដ៏ជិតស្និទ្ធ ក៏មានការស្ទាក់ស្ទើក្នុងការរាប់រក គាំទ្រដោយកត្តាគតិយុត្តិ អន្តរជាតិនិងអំពើមនុស្សធម៍ របស់ពិពភលោកមួយក្នុង សកលភាវូបណីយកម្ម...

1.7K

ប្រមុខរដ្ឋស្តីទីបញ្ចប់តំណែង លោក សុខ សុក្រឹត្យា ពីរដ្ឋលេខាធិការក្រសួងទេសចរណ៍ និងទីប្រឹក្សាផ្ទាល់សម្តេចតេជោ

ភ្នំពេញ៖ សម្តេច សាយ ឈុំ ប្រមុខរដ្ឋស្តីទី បានចេញព្រះរាជក្រឹត្យបញ្ចប់ មុខតំណែងលោក សុខ សុក្រឹត្យា ពីរដ្ឋលេខាធិការក្រសួងទេសចរណ៍ និងពីទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្រ្តីកម្ពុជា មានឋានៈស្មើរដ្ឋមន្រ្តី ៕

765

សម្ដេចក្រឡាហោម ជំរុញពលរដ្ឋតាមខ្នងផ្ទះ និងសាលារៀន រួមគ្នាដាំដើមឈើ កាត់បន្ថយគ្រោះមហន្តរាយ

ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានថ្លែងជំរុញ ក៏ដូចជាលើកទឹកចិត្ត ដល់ប្រជាពលរដ្ឋតាមខ្នងផ្ទះ និងតាមសាលារៀនឲ្យរួមគ្នា ដាំដើមឈើបានច្រើន ដើម្បីកាត់បន្ថយកម្តៅ និងបង្កើនសោភ័ណភាព ព្រមទាំងដើម្បីកាត់បន្ថយ គ្រោះមហន្តរាយនានា ។ ក្នុងពិធីសម្ពោធដាក់ឲ្យប្រើប្រាស់សមិទ្ធមួយចំនួននៅខេត្តបាត់ដំបង់ កាលពីថ្ងៃទី២៣ មីនា សម្ដេច ស ខេង...

653

សម្ដេចតេជោ ឲ្យបង្កើនល្បឿន ប្រឹងប្រែងបន្ថែមទៀត ដើម្បីកាត់បន្ថយ កាន់តែច្រើនអត្រាឈឺ និងស្លាប់ដោយជំងឺរបេង

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអំពាវនាវឲ្យបង្កើនល្បឿន កិច្ចខិតខំប្រឹងប្រែងបន្ថែមទៀត ដើម្បីកាត់បន្ថយកាន់តែច្រើននូវអត្រាឈឺ និងស្លាប់ដោយសារជំងឺរបេង ។ តាមរយៈសារលិខិត សម្ដេចតេជោបានមានប្រសាសន៍ថា ការព្យាបាលជំងឺរបេងជូនប្រជាជន ដោយឥតបង់ថ្លៃមានការ រីកចម្រើនគួរឲ្យកត់សម្គាល់ និងជាហេតុធ្វើឲ្យអត្រាឈឺនិងស្លាប់ ដោយសារជំងឺរបេងនៅកម្ពុជា ធ្លាក់ចុះយ៉ាងខ្លាំងជាងប្រទេសដទៃ។ ជាក់ស្តែងអត្រាស្លាប់បានថយចុះពី ៤២ករណី ក្នុង ចំណោមប្រជាជន...

845

សម្ដេចតេជោ អនុញ្ញាតឲ្យប្រធានក្រុមហ៊ុន Huawei ប្រចាំតំបន់ប៉ាស៊ីហ្វិក ចូលជួបសំដែងការគួរសម

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃទី២៤ ខែមីនា ឆ្នាំ២០២២នេះ បានអនុញ្ញាតឲ្យលោក លីន បៃហ្វេង(Lin Bai Feng)ប្រធានក្រុមហ៊ុន Huawei ប្រចាំតំបន់ប៉ាស៊ីហ្វិក ចូលជួបសំដែងការគួរសម និងពិភាក្សាការងារ នៅវិមានសន្តិភាព ទីស្ដីការនាយករដ្ឋមន្ត្រី ៕