ព័ត៌មានជាតិ

ប្រធានសមាគមសហព័ន្ធអភិវឌ្ឍន៍ដីធ្លី និងសំណង់កម្ពុជា ដាក់ចេញគោលការណ៍ ចម្បង៥ចំណុច ខណៈសមាជិកថ្មី៤៤៥រូបទៀត ត្រូវបានដាក់បញ្ចូល

ភ្នំពេញ៖ លោក ឡី សុភាព ប្រធានសមាគមសហព័ន្ធអភិវឌ្ឍន៍ដីធ្លី និងសំណង់កម្ពុជា នារសៀលថ្ងៃទី១៦ ខែកក្កដាឆ្នាំ២០២២នេះ បានប្រកាសបញ្ចូលសមាជិក-សមាជិកាថ្មី នៃសមាគមនេះចំនួន៤៤៥រូបទៀត និងបានដាក់ចេញអនុសាសន៍ល្អៗ រួមជាមួយគោលការណ៍ចម្បងៗ៥ចំណុច ដើម្បីឱ្យសមាជិកចាស់ថ្មីបន្តអនុវត្តឱ្យបានខ្ជាប់ខ្ជួន។ នាឱកាសនោះ លោកប្រធានសមាគមបានដាក់ចេញ គោលការណ៍ចម្បងៗចំនួន៥ចំណុច ដើម្បីឱ្យសមាជិក-សមាជិកយកទៅអនុវត្តឱ្យបានព្រមៗគ្នា ក្នុងនោះ៖ ១. ត្រូវប្រជុំពិភាក្សាគ្នា ដើម្បីដាក់ចេញមរបៀបរបបធ្វើការងារ និងត្រូវអនុវត្តឱ្យបានត្រឹមត្រូវក្នុងការប្រកបការងារ និងមុខរបររបស់ក្រុមខ្លួន ក្នុងវិស័យអភិវឌ្ឍន៍ដីធ្លី និងសំណង់នេះ។ ២. ត្រូវបន្តកសាងធនធានមនុស្សឱ្យយល់ដឹង ពីការងារក្នុងវិស័យអភិវឌ្ឍន៍ដីធ្លី និងសំណង់ ពិសេសការយល់ដឹងអំពីច្បាប់ លិខិតបទដ្ឋានគតិយុត្តនានា ដែលពាក់ព័ន្ធនឹងវិស័យអភិវឌ្ឍន៍ដីធ្លី និងសំណង់។ ៣. កសាងកេរ្តិ៍ឈ្មោះ ដើម្បីឱ្យប្រជាជន និងភាគីពាក់ព័ន្ធមានការជឿជាក់ និងគាំទ្រចំពោះការងារក្នុងវិស័យអភិវឌ្ឍន៍ដីធ្លី និងសំណង់ ក៏ដូចជាត្រូវផ្ដល់ផលប្រយោជន៍ ទៅវិញទៅមក គ្រប់ភាគីពាក់ព័ន្ធ។ ៤. ត្រូវមានសាមគ្គីផ្ទៃក្នុងទាំងក្នុងក្រុម ក្នុងសមាគមអភិវឌ្ឍន៍ដីធ្លី និងសំណង់កម្ពុជា។ ៥. សមាជិកសមាគមអភិវឌ្ឍន៍ដីធ្លី និងសំណង់កម្ពុជា ព្រមទាំងអ្នកប្រកបការងារ-មុខរបរក្នុងវិស័យអភិវឌ្ឍន៍ដីធ្លី និងសំណង់នៅប្រទេសកម្ពុជា ត្រូវអនុវត្តដោយការគោរពច្បាប់ ទៅតាមការណែនាំរបស់រាជរដ្ឋាភិបាលកម្ពុជា ក្រោមការដឹកនាំរបស់សម្ដេចតេជោ ហ៊ុន សែន នាយករដ្ឋមន្ត្រី។ លោកប្រធានក៏បានអំពាវនាវ ឱ្យសមាជិកសមាគមអភិវឌ្ឍន៍ដីធ្លី និងសំណង់កម្ពុជា ត្រូវបង្កើនកិច្ចសហការជាមួយ អាជ្ញាធរដែនដី ដើម្បីចូលរួមបម្រើជាតិ និងប្រជាជនឱ្យបានល្អ។ លោក ឡី សុភាព បានលើកទឹកចិត្តឱ្យសមាជិក-សមាជិក ខិតខំបំពេញការងារ និងមុខរបរនៅក្នុងមូលដ្ឋានរបស់ខ្លួន ដើម្បីឈានទៅពង្រីកវឌ្ឍនភាព សម្រាប់ប្រទេសជាតិ។ លោកបានណែនាំឱ្យសមាជិកចាស់ថ្មី នៃសមាគមសហព័ន្ធអភិវឌ្ឍន៍ដីធ្លី និងសំណង់កម្ពុជា ត្រូវធ្វើការតាមរចនាសម្ពន្ធចាត់តាំង ដើម្បីទទួលបានផ្លែផ្កា ក្នុងការងារនៃវិស័យអភិវឌ្ឍន៍ដីធ្លី និងសំណង់។ លោកក៏បានលើកទឹកចិត្ត ដល់សមាជិកសមាគមមួយនេះ ត្រូវមានការប្រកួតប្រជែង ក្នុងការសម្រេចផែនការការងារទើបជំរុញឱ្យការងារក្នុងក្រុមកាន់តែមានវឌ្ឍនភាព។ គួរជម្រាបថា កម្មវិធីខាងលើនេះ ក៏អមជាមួយពិធីសំណេះសំណាល និងអាហារសាមគ្គីជាមួយសមាជិក-សមាជិកានៃអង្គការ សមាគម និងវិស័យឯកជនផងដែរ៕

JCI Phnom Penh Chapter រៀបចំបើកកម្មវិធី “ចិត្តលើផ្លូវវគ្គ២” មានអ្នកចូលរួមប្រមាណ១០០នាក់ រត់ជុំគ្នា ក្នុងរយៈចម្ងាយ៥គីឡូម៉ែត្រ នាបរិវេណបឹងកក់

ភ្នំពេញ៖ JCI Phnom Penh Chapter សហការជាមួយ KKRC Runing Club និង Garmin បានរៀបចំបើកកម្មវិធី “ចិត្តលើផ្លូវវគ្គ២” នាម៉ោង ០៥៖00 ព្រឹកដល់ម៉ោង ០៨៖៣០ព្រឹក ថ្ងៃទី១៦ ខែកក្កដា ឆ្នាំ២០២២ (មានផ្តល់ជូនអាហារសម្រន់ និង...

ទូតជប៉ុន អរគុណ កម្ពុជា ចំពោះកាយវិការដ៏កក់ក្តៅ ដល់ប្រទេសនិងប្រជាជនជប៉ុន ក្នុងពេលបាត់បង់លោក ស៊ីនហ្សូ អាបេ

ភ្នំពេញ៖ លោក ម៉ាសាហ៊ីរ៉ូ មីកាមី ឯកអគ្គរាជទូតជប៉ុនប្រចាំកម្ពុជា នៅរសៀលថ្ងៃទី១៦ ខែកក្កដា ឆ្នាំ២០២២នេះ បានថ្លែងអំណរគុណកម្ពុជា ចំពោះទឹកចិត្តនិងកាយវិការដ៏កក់ក្តៅ ដល់ប្រទេសនិងប្រជាជនជប៉ុន ក្នុងពេល បាត់បង់ អតីតនាយករដ្ឋមន្រ្តីជប៉ុនលោក ស៊ីនហ្សូ អាបេ ។ លោក Shinzo Abe អតីនាយករដ្ឋមន្រ្តីជប៉ុន បានទទួលមរណភាព...

សម្ដេច សាយ ឈុំ ប្រាប់សមាជិកបក្សប្រជាជន ត្រូវប្រឹងប្រែងពុះពារជម្នះ និងបន្តសកម្មភាព បម្រើប្រជាជន លុបបំបាត់បាតុភាពអសកម្ម ដែលធ្វើឱ្យប្រជាជនថ្នាំងថ្នាក់

ភ្នំពេញ៖ សម្ដេចវិបុលសេនាភក្ដី សាយ ឈុំ អនុប្រធាន និងជាអគ្គលេខាបក្សប្រជាជនកម្ពុជា បានប្រាប់ទៅកាន់សមាជិកបក្សប្រជាជន ត្រូវប្រឹងប្រែងពុះពារជម្នះ និងបន្តសកម្មភាព បម្រើប្រជាជន លុបបំបាត់ នូវបាតុភាពអសកម្ម ដែលធ្វើឱ្យប្រជាជនថ្នាំងថ្នាក់។ ថ្លែងក្នុង សន្និបាតវិសាមញ្ញ របស់គណៈកម្មាធិការកណ្ដាលគណបក្សប្រជាជនកម្ពុជា នាព្រឹកថ្ងៃទី១៦ ខែកក្កដា ឆ្នាំ២០២២នេះ សម្ដេច សាយ ឈុំ...

សរុបព្រឹត្តិការណ៍ព័ត៌មានជាតិ សំខាន់ៗប្រចាំសប្ដាហ៍

សម្ដេចតេជោ ស្នើក្រសួងអប់រំ ពិនិត្យលទ្ធភាពពន្យារវិស្សមកាលតូច នាឱកាសប្រកួតកីឡាស៊ីហ្គេម ដើម្បីឲ្យសិស្ស-និស្សិត ចូលរួមលើកទឹកចិត្តកីឡា (Video)https://dap-news.com/national/2022/07/11/261066/ លោក គួច ចំរើន ហាមមិនឲ្យធ្វើដំណើរ នៅតាមលំហសមុទ្រhttps://dap-news.com/national/2022/07/11/261147/ ករណីចាក់ដី រំលោភសមុទ្រ ក្នុងដែនសហគមន៍នេសាទ ព្រែកត្នោត បានកើតឡើងជាថ្មី ក្រោយស្ងប់ស្ងាត់មួយរយៈ (Video)https://dap-news.com/national/2022/07/12/261383/ លោក សុន ឆ័យ...

ជោគជ័យការបោះឆ្នោតឃុំ-សង្កាត់ បញ្ជាក់ថា ប្រជាជនត្រូវការតួនាទី របស់គណបក្សប្រជាជន ដឹកនាំប្រទេស

ភ្នំពេញ ៖ សម្ដេច ហេង សំរិន ប្រធានរដ្ឋសភាកម្ពុជា និងជាប្រធានកិត្តិយស នៃគណបក្សប្រជាជនកម្ពុជា បានលើកឡើងថា ជោគជ័យនៃការបោះឆ្នោត ជ្រើសរើសក្រុមប្រឹក្សាឃុំ-សង្កាត់ បញ្ជាក់ថា ប្រជាជនកម្ពុជា នៅតែត្រូវការតួនាទី របស់គណបក្សប្រជាជន ក្នុងការដឹកនាំប្រទេសបន្តទៀត។ ថ្លែងនៅក្នុងសន្និបាតវិសាមញ្ញ របស់គណៈកម្មាធិការកណ្ដាល គណបក្សប្រជាជនកម្ពុជា នាព្រឹកថ្ងៃទី១៦ ខែកក្កដា ឆ្នាំ២០២២នេះ...

ប្រធានCPP៖ សន្និបាតវិសាមញ្ញ ធ្វើឡើងដើម្បីស្វែងរកចំណុច ខ្លាំង-ខ្សោយ ដើម្បីបំពេញបន្ថែម ឈានទៅរកការឈ្នះឆ្នោត ឆ្នាំ២០២៣

ភ្នំពេញ៖ សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា បានលើកឡើងថា ការបើកសន្និបាតវិសាមញ្ញ គណបក្សប្រជាជនកម្ពុជា នាពេលនេះ ធ្វើឡើង ក្នុងគោលបំណងស្វែងរកចំណុចខ្លាំងនិងចំនុចខ្សោយ ដើម្បីបំពេញបន្ថែម ឈានទៅរកការឈ្នះឆ្នោត ឆ្នាំ២០២៣ ខាងមុខ។ ថ្លែងក្នុងឱកាសអញ្ជើញជាអធិបតីភាព ក្នុងសន្និបាតវិសាមញ្ញ របស់គណៈកម្មាធិការ កណ្ដាលគណបក្សប្រជាជនកម្ពុជា នាព្រឹកថ្ងៃទី១៦ ខែកក្កដា ឆ្នាំ២០២២នេះ...

ក្រសួងការបរទេសខ្មែរ បង្ហាញលទ្ធផលនៃ ទស្សនកិច្ចផ្លូវការ របស់រដ្ឋមន្រ្តីការបរទេសបង់ក្លាដែស នៅកម្ពុជា

អង់គ្លេស ប្រកាសអាសន្នកម្រិតថ្នាក់ជាតិ បន្ទាប់ពីមានសីតុណ្ហភាពកើនឡើង ដល់កម្រិតព្រួយបារម្ភ

ឡុងដ៏៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១៦ ខែកក្កដា ឆ្នាំ២០២២ថា កាលពីថ្ងៃសុក្រ អ្នកព្យាករណ៍អាកាសធាតុ (Met Office) របស់ចក្រភពអង់គ្លេស បានប្រកាសអាសន្នកម្រិតថ្នាក់ជាតិ ដោយបានចេញការព្រមាន “កម្តៅខ្លាំង” ពណ៌ក្រហម សម្រាប់ផ្នែកខ្លះនៃប្រទេសអង់គ្លេស សម្រាប់ថ្ងៃចន្ទ និងថ្ងៃអង្គារសប្តាហ៍ក្រោយ នៅគ្រាដែលសីតុណ្ហភាព អាចឡើងដល់កម្រិតខ្ពស់បំផុត...

គម្រោងអភិវឌ្ឍន៍ផ្លូវនាវាចរណ៍ និងប្រព័ន្ធភស្តុភារកម្មទន្លេបាសាក់ នឹងផ្ដល់ផលប្រយោជន៍ ប្រទេសក្នុងតំបន់ និងពិភពលោក

ភ្នំពេញ៖ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឲ្យដឹងថា គម្រោងអភិវឌ្ឍន៍ផ្លូវនាវាចរណ៍ និងប្រព័ន្ធភស្តុភារកម្មទន្លេបាសាក់ សម្រាប់ការដឹកជញ្ជូនតាមផ្លូវទឹកនៅកម្ពុជា នឹងផ្ដល់ផលប្រយោជន៍ ដល់ប្រទេសក្នុងតំបន់ និងពិភពលោក។ ក្នុងជំនួបពិភាក្សាការងារអំពី គម្រោងអភិវឌ្ឍន៍ផ្លូវនាវាចរណ៍ និងប្រព័ន្ធភស្តុភារកម្មទន្លេបាសាក់ ជាមួយ គណៈប្រតិភូក្រុមហ៊ុន សាជីវកម្មស្ពានថ្នល់ចិន(CRBC) ដឹកនាំដោយលោក Zhou Yong...