ព័ត៌មានជាតិ

ឆ្នាំនេះ អាចនឹងមានព្យុះកើតឡើងនៅចិន ហើយកម្ពុជា ក៏អាចរងផលប៉ះពាល់ដែរ

ភ្នំពេញ៖ បន្ទាប់ពីបានធ្វើការតាមដាន ការវិវត្តន៍ស្ថានភាពអាកាសធាតុជាបន្តបន្ទាប់ ជាលក្ខណៈសកល និងតំបន់ ក្រសួងធនធានទឹកនិងឧតុនិយម អះអាងថា នៅក្នុងឆ្នាំ២០២០នេះ អាចនឹងមានព្យុះកើតឡើងប្រមាណពី ២៤-២៦ ព្យុះ នៅក្នុងមហាសមុទ្រប៉ាស៊ីហ្វិក និងពី ៤-៥ ព្យុះ ដែលកើតផ្ទាល់នៅក្នុងសមុទ្រចិនខាងត្បូង ដែលនឹងធ្វើឲ្យកម្ពុជារងផលប៉ះពាល់ផងដែរ។ នេះបើយោងតាមសេចក្ដីជូនព័ត៌មាន របស់ក្រសួងធនធានទឹកនិងឧតុនិយម ស្ដីពី “ការព្យាករអាកាសធាតុលើកទី២ សម្រាប់ឆ្នាំ២០២០” នៅថ្ងៃទី១៤ ខែមេសាឆ្នាំ២០២០។  សេចក្ដីជូនព័ត៌មានបញ្ជាក់ថា ផ្អែកទៅលើស្ថានភាពសីតុណ្ហភាព លើផ្ទៃសមុទ្រប៉ាស៊ីហ្វិក ក្បែរខ្សែអេក្វាទ័រ បានបង្ហាញឲ្យឃើញថាក្នុងឆ្នាំ២០២០នេះ កម្ពុជានឹងទទួលរងនូវឥទ្ធិពលពីបាតុភូត (Neutral) ដែលជាបាតុភូតអន្តរកាល ចន្លោះរវាងបាតុភូត El Nino (ក្តៅ) និង La Nina (ត្រជាក់)។ ចាប់ពីខែមេសា រហូតដល់ខែតុលា ឆ្នាំ២០២០ (រយៈពេល ៦ខែ) បាតុភូតធម្មជាតិដែលមាន ឥទ្ធិពលមកលើអាកាសធាតុ ព្រះរាជាណាចក្រកម្ពុជាមាន៖ បាតុភូត Neutral មាន ៦០% បាតុភូត El Nino មាន១០% និងបាតុភូត La Nina មាន៣០% នៅក្នុងខែតុលា។ សេចក្ដីជូនព័ត៌មានបន្ថែមថា សម្រាប់ រដូវវស្សាឆ្នាំ២០២០(គិតពីដើមរដូវវស្សា)   នៅកម្ពុជាអាចនឹងចូលមកដល់លឿនជាងឆ្នាំ២០១៩ដែលជាប្រក្រតីភាពរដូវវស្សា តែងចាប់ផ្តើមនៅពាក់កណ្តាលខែឧសភា ជាមួយនឹងបរិមាណទឹកភ្លៀង ពីមធ្យមទៅបង្គួរដែលស្មើ ឬលើមធ្យមភាគច្រើនឆ្នាំ។ បាតុភូតផ្គរ រន្ទះ និងខ្យល់កន្ត្រាក់ នឹងអាចបន្តកើតមានច្រើននៅក្នុងខែឧសភា និងខែមិថុនាផងដែរ។ ចំណែកពាក់កណ្តាលរដូវវស្សា៖ នៅក្នុងខែសីហា និងខែកញ្ញា ភ្លៀងនឹងអាចធ្លាក់រាយប៉ាយបានល្អលើផ្ទៃប្រទេស ជាមួយនឹងបរិមាណទឹកភ្លៀងពីមធ្យមទៅច្រើន ក្នុងនោះក៏នឹងអាចបណ្តាល ឲ្យខេត្តមួយចំនួន ដែលមានភូមិសាស្រ្តនៅទីទំនាបជាប់ក្បែរតំបន់ជួរភ្នំ តំបន់ខ្ពង់រាប និងតំបន់ជាប់នឹងផ្លូវទឹក ប្រឈមខ្ពស់នឹងជំនន់ទឹកភ្លៀង ដែលបណ្តាលមកពីការធ្លាក់ភ្លៀងច្រើនលើសលប់ផងដែរ។ រីឯកចុងរដូវវស្សាវិញ៖ បណ្តាខេត្តនៅតំបន់ខ្ពង់រាប (រដូវវស្សាអាចនឹងបញ្ចប់ នៅក្នុងសប្តាហ៍ទី២ នៃខែវិច្ឆិកា) ជាមួយនឹងបរិមាណទឹកភ្លៀងពីតិចទៅមធ្យម។ ហើយបណ្តាខេត្តនៅតំបន់វាលទំនាបកណ្តាល និងតំបន់មាត់សមុទ្រ (រដូវវស្សាអាចនឹងបញ្ចប់ នៅក្នុងសប្តាហ៍ទី៣ នៃខែវិច្ឆិកា) ជាមួយនឹងបរិមាណ ទឹកភ្លៀងពីតិចទៅបង្គួរ និងកូនរដូវប្រាំង (អាចនឹងកើតមាននៅក្នុងសប្តាហ៍ទី២ នៃខែកក្កដា រហូតដល់ដំណាច់ខែកក្កដា ឆ្នាំ២០២០)៕ ដោយ៖ ធី លីថូ

ចាប់ពីថ្ងៃទី១៥ ដល់២១មេសា កម្ពុជានឹងចុះត្រជាក់ ហើយមានភ្លៀងធ្លាក់ ពីតិចទៅច្រើន និងបាតុភូតផ្គរ រន្ទៈ ខ្យល់កន្ត្រាក់

ភ្នំពេញ ៖ កម្ពុជានឹងមានភ្លៀងធ្លាក់ តិចទៅច្រើន រាយប៉ាយនៅតំបន់មួយចំនួន រួមទាំងមានបាតុភូត ផ្គររន្ទះ និងខ្យល់កន្ត្រាក់ ចាប់ពីថ្ងៃទី១៥ ដល់២១ខែមេសា ។ នេះមើលតាមក្រសួងធនធានទឹក និងឧតុនិយម ។ យោងតាមសេចក្តីជូនដំណឹង របស់ក្រសួងធនធានទឹក និងឧតុនិយមស្តីពីស្ថានភាព ធាតុអាកាស ចាប់ថ្ងៃទី១៥ដល់២១ ខែមេសា ឆ្នាំ២០២០ បានឲ្យដឹងថា...

កម្ពុជា ជូនពរអាមេរិក ឲ្យទទួលបានជ័យជម្នះ ក្នុងការប្រយុទ្ធប្រឆាំង ជំងឺកូវីដ-១៩

ភ្នំពេញ ៖ កម្ពុជាជូនពរអាមេរិក ឲ្យទទួលបានជ័យជម្នះ ក្នុងការប្រយុទ្ធប្រឆាំង ជាមួយនឹងជំងឺរាតត្បាត ជាសកល កូវីដ-១៩ ខណៈលើសកលលោក កំពុងប្រឈមនឹងបញ្ហា ដែលមិនធ្លាប់មានពីមុនមក ហើយដែលបាន និងកំពុងធ្វើឲ្យប៉ះពាល់យ៉ាងធ្ងន់ធ្ងរ ដល់អាយុជីវិតប្រជាជន និងសេដ្ឋកិច្ចពិភពលោក។ យោងតាមលិខិត របស់អ្នកនាំពាក្យ ក្រសួងការ បរទេសកម្ពុជា ស្ដីពី ការឆ្លើយតបរបស់អ្នកនាំពាក្យ ក្រសួងការបរទេស...

នាយករដ្ឋមន្ដ្រីកម្ពុជា ៖ អាស៊ាន ត្រូវគិតគូរជាយុទ្ធសាស្ដ្រ ក្នុងការស្តារ និងជំរុញសេដ្ឋកិច្ចឡើងវិញ ក្រោយជំងឺកូវីដ១៩ បិទបញ្ចប់

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រី នៃកម្ពុជា បានថ្លែងថា អាស៊ានត្រូវគិតគូរជា យុទ្ធសាស្ដ្រ ក្នុងការស្តារ និងជំរុញការងើបឡើងវិញ នូវកំណើនសេដ្ឋកិច្ច បន្ទាប់ពីវិបត្តិកវីដ-១៩ ត្រូវបានបញ្ចប់ ហើយកម្ពុជាយល់ថា អាស៊ានត្រូវពន្លឿន ការអនុវត្តផែនការ និងយន្ដការ នានាដែលមានស្រាប់ ឲ្យបានលឿន ក៏ដូចជា...

ក្រសួងការងារ ៖ មានកម្មកររោងចក្រជាង ៩៥% មកធ្វើការធម្មតា គិតត្រឹមព្រឹកថ្ងៃទី ១៤ មេសា

ភ្នំពេញ ៖ លោក ហេង សួរ រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានឲ្យដឹងថា គិតត្រឹមម៉ោង ៨៖៣០នាទី ព្រឹកថ្ងៃទី១៤ ខែមេសា ឆ្នាំ២០២០នេះ មានរោងចក្រនៅទូទាំងប្រទេស បានបន្តបើកដំណើរការធម្មតាក្នុងនោះ កម្មកររោងចក្រជាង ៩៥% មកធ្វើការធម្មតា។ លោក ហេង សួរ...

អភិបាលរាជធានី គោរពជូនពរ សម្តេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងឱកាសអបអរ​ បុណ្យចូលឆ្នាំថ្មី ប្រពៃណីជាតិខ្មែរ

អភិបាលរាជធានី គោរពជូនពរ សម្តេច សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងឱកាសអបអរ​ បុណ្យចូលឆ្នាំថ្មី ប្រពៃណីជាតិខ្មែរ

កម្ពុជា បន្តព្យាបាលអ្នកជំងឺកូវីដ១៩ ជាសះស្បើយកើនឡើងដល់ ៩១នាក់ និងមិនទាន់មានអ្នកឆ្លងថ្មីទៀតឡើយ

ភ្នំពេញ៖ គិតត្រឹមថ្ងៃទី១៣ ខែមេសា ឆ្នាំ២០២០នេះ កម្ពុជាបានបន្តព្យាបាល អ្នកជំងឺកូវីដ១៩ ឲ្យបានជាសះស្បើយបានចំនួន១៤នាក់បន្ថែមទៀតធ្វើឲ្យចំនួន អ្នកជាសះស្បើយសរុបកើនឡើងរហូតដល់ ៩១នាក់ ខណៈមិនមានករណីឆ្លងថ្មី បន្ថែមទៀតនោះទេ។ យោងតាមសេចក្ដីជូនព័ត៌មាន របស់ក្រសួងសុខាភិបាល នៅថ្ងៃទី១៤ ខែមេសា ឆ្នាំ២០២០បានឲ្យដឹងថា អ្នកព្យាបាលជាសះស្បើយទាំងនោះរួមមាន៖ បុរសជនជាតិបារាំង៣នាក់ អាយុ៦១ឆ្នាំនិងអាយុ៥៨ឆ្នាំ ស្រ្តីជនជាតិបារាំង៧នាក់ អាយុ៥៩ឆ្នាំ អាយុ៦៦ឆ្នាំ...

អភិបាលរាជធានី គោរពជូនពរ សម្តេច ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា ក្នុងឱកាសអបអរ​ បុណ្យចូលឆ្នាំថ្មី ប្រពៃណីជាតិខ្មែរ

សម្ដេចតេជោ៖ បច្ចុប្បន្ននេះកម្ពុជា គ្មានអ្នកស្លាប់ដោយជំងឺគ្រុនចាញ់ ប៉ុន្ដែមិនត្រូវភ្លេចខ្លួន ព្រោះជំងឺនេះ នៅតែជាបន្ទុកដ៏ធ្ងន់

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានថ្លែងថា បច្ចុប្បន្ននេះ កម្ពុជា គ្មានអ្នកស្លាប់ដោយសារ ជំងឺគ្រុនចាញ់ទេ ប៉ុន្ដែភាគីពាក់ព័ន្ធមិនត្រូវភ្លេចខ្លួន ពីព្រោះជំងឺនេះនៅតែជាបន្ទុកដ៏ធ្ងន់មួយរបស់កម្ពុជា បើមិនទាន់លុបបំបាត់មេរោគគ្រុនចាញ់ ឲ្យអស់ពីក្នុងខ្លួន មូសដែកគោញីនៅបន្ដមានវត្តមាន ពីសហគមន៍មួយ ទៅសហគមន៍មួយ ដដែល។ បើតាមរបាយការណ៍របស់កម្មវិធី ជាតិប្រយុទ្ធនឹងជំងឺគ្រុនចាញ់កម្ពុជា បានបង្ហាញថា កម្ពុជាលែងមានករណីស្លាប់ដោយសារ...