Covid-19

រដ្ឋមន្ត្រី៖ មន្រ្តីជំនាញ សុខាភិបាលព័រទុយហ្គាល់ ជាង១.៣០០នាក់ ឆ្លងជំងឺ COVID-19

លីសប៊ុន៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី០៦ ខែមេសា ឆ្នាំ២០២០ថា ទីភ្នាក់ងារព័ត៌មាន Lusa បានផ្សាយថា លោក Marta Temido រដ្ឋមន្ត្រីក្រសួងសុខាភិបាលព័រទុយហ្គាល់ បានថ្លែងកាលពីថ្ងៃអាទិត្យថា មានក្រុមមន្ត្រីជំនាញសុខាភិបាល ចំនួន១.៣៣២នាក់ បានឆ្លងជំងឺ COVID-19 នៅក្នុងប្រទេស ។

រដ្ឋមន្ត្រីបានថ្លែងថា ក្រុមអ្នកជំនាញដែលបានឆ្លងជំងឺ ក្នុងនោះបូករួមទំាង វេជ្ជបណ្ឌិត២៣១នាក់ គិលានុបដ្ឋាយិកា៣៣៩នាក់ និង៧៦២នាក់ មកពីតំបន់ផ្សេងៗ ដែលបម្រើការងារ នៅតាមមន្ទីរពេទ្យនាក់ ។ ដោយបានបន្ថែមថា រដ្ឋាភិបាល បានជ្រើសរើស ក្រុមគិលានុបដ្ឋាយិកា៥០០នាក់ ដើម្បីចូលរួមក្នុងការប្រយុទ្ធប្រឆំាង នឹងការឆ្លងរាលដាលនៃជំងឺ ។

គួរបញ្ជាក់ថា ព័រទុយហ្គាល់ នៅក្នុងកំណត់ត្រា មានអ្នកស្លាប់២៩៥នាក់ ដែលជាអ្នកឆ្លងជំងឺ COVID-19 និងមានអ្នកឆ្លងជំងឺ១១.២៧៨ករណី នេះបើយោងតាម អគ្គនាយកដ្ឋានសុខាភិបាល បានចេញសេចក្តីប្រកាសដូច្នេះ ៕ ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top