Covid-19

ជប៉ុនប្រកាសអាសន្ន ទូទាំងប្រទេស ដើម្បីទប់ស្កាត់ ការរីករាលដាល នៃជំងឺឆ្លងកូវីដ-១៩

តូក្យូ៖ មន្ត្រីរដ្ឋាភិបាលមួយរូប បានឲ្យដឹងនៅថ្ងៃព្រហស្បតិ៍នេះថា នាយករដ្ឋមន្រ្តីជប៉ុនលោក ស៊ីនហ្សូ អាបេ បានប្រកាសប្រកាសអាសន្ន ទូទាំងប្រទេសក្នុងការប៉ុនប៉ង ដើម្បីទប់ស្កាត់ការរីករាលដាល នៃមេរោគឆ្លងកូវីដ-១៩ នៅក្នុងប្រទេសជប៉ុន។

ប្រភពពីរដ្ឋាភិបាល បានឲ្យដឹងថា លោក អាបេ ក៏បានណែនាំដល់ គណបក្សកាន់អំណាច ឱ្យពិចារណាលើការរៀបចំ ថវិកាជាតិឡើងវិញ ដើម្បីផ្តល់ជាសាច់ប្រាក់ ១០០,០០០ យ៉េន (៩៣០ ដុល្លារ) ដល់ពលរដ្ឋទាំងអស់ ដើម្បីជួយពួកគេ ក្នុងការទប់ទល់នឹងការឆ្លងរាលដាល ពីជំងឺរាតត្បាតនេះ។

លោក អាបេ បានទទួលយកទៅបក្ស កូមេតូ ដែលជាដៃគូសម្ព័ន្ធភាព របស់គណបក្សប្រជាធិបតេយ្យសេរី ដែលបានលើកស្ទួយគំនិត នៃផែនការចែកចាយសាច់ប្រាក់ ហើយបានអំពាវនាវ ឱ្យមានការពិនិត្យឡើងវិញដ៏កម្រ នៃថវិកាបន្ថែមសម្រាប់ឆ្នាំ២០២០ ដែលគ្រោងនឹងដាក់ជូនទៅសភា៕ ដោយ៖ ឈូក បូរ៉ា

To Top