Covid-19

អឺរ៉ុបបើកដំណើរការ វេទិកាចែករំលែកទិន្នន័យ សម្រាប់អ្នកស្រាវជ្រាវ ដើម្បីប្រយុទ្ធប្រឆាំង នឹងជំងឺកូវីដ-១៩

ព្រុចសែល៖ គណៈកម្មការអឺរ៉ុប រួមជាមួយដៃគូជាច្រើន កាលពីថ្ងៃចន្ទ បានបើកដំណើរការវេទិកា ចែករំលែកទិន្ន័យកូវីដ-១៩ ដើម្បីជួយដល់ការប្រមូល និងចែករំលែកទិន្នន័យស្រាវជ្រាវ ដែលមាន ក្នុងការប្រយុទ្ធប្រឆាំង នឹងការផ្ទុះឡើងនៃវីរុសនេះ។

គណៈកម្មការអឺរ៉ុប បានឲ្យដឹង នៅក្នុងសេចក្តីប្រកាសព័ត៌មានមួយថា វេទិកាថ្មីនេះ នឹងផ្តល់នូវបរិយាកាសអឺរ៉ុប និងពិភពលោកបើកចំហ និងអាចជឿទុកចិត្តបាន ដែលអាចធ្វើមាត្រដ្ឋានបាន ដែលអ្នកស្រាវជ្រាវ អាចរក្សាទុកចែករំលែក និងវិភាគនូវការរកឃើញជាច្រើន លើមេរោគឆ្លងមួយនេះ។

សំណុំទិន្នន័យនេះ នឹងមានលំដាប់ DNA រចនាសម្ព័នប្រូតេអ៊ីន ទិន្នន័យពីការស្រាវជ្រាវមុនគ្លីនិក និងការសាកល្បងគ្លីនិក ទិន្នន័យរោគរាតត្បាត ក្នុងចំណោមរោគដទៃទៀត។ អ្នកវិទ្យាសាស្ត្រ នៅជុំវិញពិភពលោក បានផលិតចំណេះដឹងជាច្រើន អំពីមេរោគឆ្លងហើយ ប៉ុន្តែគ្មានអ្នកស្រាវជ្រាវ មន្ទីរពិសោធន៍ ឬប្រទេសណា អាចរកដំណោះស្រាយបានទេ។

លោក Ursula von der Leyen ប្រធានគណៈកម្មការអឺរ៉ុប បានថ្លែងនៅក្នុងសុន្ទរកថា តាមវីដេអូថា “នេះជាមូលហេតុ ដែលយើងចង់ជួយអ្នកវិទ្យាសាស្ត្រ ឱ្យចូលមើលទិន្នន័យ និងចែករំលែកវាជាមួយអ្នកដទៃ ឆ្លងកាត់ព្រំដែនវិន័យ និងប្រព័ន្ធសុខាភិបាល… វានឹងធ្វើឱ្យវិទ្យាសាស្ត្រ ឆ្លើយតបបានកាន់តែប្រសើរ និងលឿនជាងអ្វី ដែលសង្គមត្រូវការEnditem”៕ ដោយ៖ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top