Covid-19

វៀតណាម មិនមានករណីឆ្លងសោះ ក្នុងរយៈពេល៦ថ្ងៃជាប់គ្នា

ហាណូយ៖ ទីភ្នាក់ងារចិនស៊ិន ចេញផ្សាយនៅថ្ងៃពុធ ទី២២ ខែមេសានេះ បានឲ្យដឹងថា ប្រទេសវៀតណានៅថ្ងៃនេះ បានរាយការណ៍ថា មិនមានករណីឆ្លងឡើយ សម្រាប់វិរុសកូរ៉ូណា ដែលមានន័យថា អស់រយៈពេល៦ថ្ងៃជាប់គ្នាហើយ ដែលមិនមានករណីឆ្លងសោះ នៅក្នុងប្រទេស។

តាមប្រភពដដែល បានបញ្ជាក់ទៀតថា ករណីសរុបមកដល់ពេលនេះ មានត្រឹមតែ២៦៨ករណី ខណៈដែលអ្នកជាសះស្បើយ មានទៅដល់២២៣នាក់ ហើយមិនមានករណី បាត់បង់ជីវិតឡើយ។

ដោយឡែកករណីសង្ស័យ ប្រមាណជា៣៨៦ កំពុងបន្តតាមដាន ហើយ៦៧០០០នាក់ទៀត កំពុងស្ថិតក្នុងការតាមដាន និងត្រូវបានដាក់ ឲ្យដាច់នៅដោយឡែក៕

ប្រែសម្រួល៖ស៊ុនលី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×