ហានូយ៖ ទីភ្នាក់ងារចិនស៊ិនហួចេញផ្សាយ នៅថ្ងៃចន្ទទី២៧ ខែមេសានេះ បានឲ្យដឹង ថាមនុស្សចំនួន៣នាក់បន្ថែមទៀតហើយ ដែលត្រូវបានគេតេស្តរកឃើញថា បានមានផ្ទុកវិរុសកូវីដ១៩សាជាថ្មី ក្រោយពេលដែលព្យាបាល ជា១០០ភាគរយទៅហើយនោះ ដែលវាបានធ្វើឲ្យករណីបែបនេះ កើនឡើងដល់ទៅ៨នាក់ ហើយក្នុងប្រទេសនេះ។
ប្រភពដដែលបានសរសេរទៀតថា អ្នកទាំង៣នាក់ ដែលមានដូចជា ជនជាតិវៀតណាមម្នាក់ ជនជាតិប្រេស៊ីល២នាក់ ដែលបានជាសះស្បើយទៅហើយនោះ បែរជាតេស្តឃើញវិជ្ជមានសាជាថ្មី ក្នុងរយៈពេល តែប៉ុន្មានថ្ងៃក្រោយប៉ុណ្ណោះ។
គួរបញ្ជាក់ថានៅវៀតណាម ករណីឆ្លងមានចំនួនប្រមាណជា ២៧០នាក់ និង២២២នាក់ បានជាសះស្បើយ ប៉ុន្តែមកទល់ពេលនេះ នៅមិនទាន់មានករណី បាត់បង់ជីវិតនោះទេ៕
ប្រែសម្រួល៖ស៊ុនលី
