បរទេស៖ ប្រទេសថៃនឹងអនុញ្ញាតឱ្យពលរដ្ឋនៃប្រទេសជាច្រើនចូលមកប្រទេសថៃដោយមិនចាំបាច់មានទិដ្ឋាការចាប់ពីថ្ងៃទី១៥ ខែកក្កដានេះ ជាផ្នែកនៃវិធានការដើម្បីលើកកម្ពស់វិស័យទេសចរណ៍ និងលើកទឹកចិត្តឱ្យមានការស្នាក់នៅបានយូរ។ នេះបើយោងតាមអ្នកនាំពាក្យក្រសួងមហាផ្ទៃរបស់ប្រទេសថៃ លោកស្រី Traisuree Taisaranakul ។
យោងតាមសារព័ត៌មាន VN EXPRESS ចេញផ្សាយនៅថ្ងៃទី១៣ ខែកក្កដា ឆ្នាំ២០២៤ បានឱ្យដឹងថា មន្ត្រីរូបនេះបាននិយាយថា រដ្ឋមន្ត្រីក្រសួងមហាផ្ទៃ លោក Anutin Charnvirakul បានចុះហត្ថលេខាលើឯកសារចំនួន ៤ ដើម្បីសម្រួលការធ្វើដំណើរសម្រាប់ជនបរទេស ដែលឯកសារទាំងអស់នឹងចូលជាធរមាននៅថ្ងៃទី១៥ ខែកក្កដា ដោយរង់ចាំការប្រកាសនៅក្នុង Royal Gazette។
ការណែនាំរួមមានបញ្ជីប្រទេសថ្មីដែលមានសិទ្ធិចូលប្រទេសថៃដោយគ្មានទិដ្ឋាការ កើនឡើងពី ៥៧ប្រទេស ទៅ ៩៣ប្រទេស ។ ភ្ញៀវមកពីប្រទេសទាំងនេះនឹងអាចស្នាក់នៅមិនលើសពី ៦០ថ្ងៃ។
ប្រទេសថៃក៏នឹងបង្កើនជិតទ្វេដងនៃចំនួនប្រទេសដែលមានសិទ្ធិទទួលបានទិដ្ឋាការសម្រាប់ពេលមកដល់ ចាប់ពី១៩ ដល់៣១ប្រទេស ។
លើសពីនេះ ប្រទេសនេះ (ថៃ) នឹងណែនាំសេវា Destination Thailand Visa កំណត់គោលដៅលើក្រុមឌីជីថល អ្នកឯករាជ្យ និងអ្នកទស្សនាដែលចង់សម្តែង ឬរៀនជំនាញដូចជាការចម្អិនអាហារ និង Muay Thai។
ប្រភេទទិដ្ឋាការថ្មីដែលមានសុពលភាពរយៈពេល៥ឆ្នាំអនុញ្ញាតឱ្យអ្នកកាន់ស្នាក់នៅរហូតដល់ ១៨០ ថ្ងៃ។ ប្រទេសថៃបានទទួលភ្ញៀវទេសចរបរទេសចំនួន ១៧,៥ លាននាក់មកដល់ពេលនេះក្នុងឆ្នាំនេះ៕
ប្រែសម្រួលៈ ណៃ តុលា
