សេអ៊ូល៖ ក្រុមអ្នកជំនាញដែលមាន មូលដ្ឋាននៅទីក្រុងសេអ៊ូល បានលេីកឡេីងកាលពីថ្ងៃព្រហស្បតិ៍ថាសហរដ្ឋអាមេរិក និងកូរ៉េខាងជើង អាចធ្វើកិច្ចចរចានុយក្លេអ៊ែរកម្រិតមួយ ឬពីរជុំបន្ថែមទៀត មុនថ្ងៃផុតកំណត់ចុងឆ្នាំ ដែលក្រុងព្យុងយ៉ាង បានរៀបចំ សម្រាប់ក្រុងវ៉ាស៊ីនតោនដើម្បីធ្វើសំណើថ្មីមួយ។
សហរដ្ឋអាមេរិក នឹងព្យាយាមរក្សាសន្ទុះសម្រាប់ការជជែកក្នុងកិច្ចប្រឹងប្រែងមួយ ដើម្បីរក្សាបញ្ហាកូរ៉េខាងជើង ឱ្យស្ថិតក្រោមការគ្រប់គ្រងជាពិសេស នៅពេលដែលខ្លួនត្រូវការសមិទ្ធិផលការទូត ដែលអាចមើលឃើញមុនការ បោះឆ្នោតប្រធានាធិបតីឆ្នាំ២០២០ នេះបេីតាមវិទ្យាស្ថានយុទ្ធសាស្ត្រសន្តិសុខជាតិ ដែលមានទំនាក់ទំនងជាមួយទីភ្នាក់ងារចារកម្មរបស់ទីក្រុងសេអ៊ូល។
វិទ្យាស្ថាននេះបានឲ្យដឹង នៅក្នុងសេចក្តីថ្លែងការណ៍មួយថា “សហរដ្ឋអាមេរិក អាចផ្តល់ការលើកទឹកចិត្តដល់កូរ៉េខាងជើង ដើម្បីធ្វើឱ្យប្រាកដថាមេដឹកនាំរបស់ខ្លួនលោក គីម ជុងអ៊ុន មិនចេញមកនូវសារស្តីពីផ្លូវថ្មី (ដែលក្រុងព្យុងយ៉ាងបានស្នើ) ក្នុងអំឡុងពេលសុន្ទរកថាចូលឆ្នាំថ្មីរបស់លោក នៅឆ្នាំក្រោយ”៕
ដោយ ឈូក បូរ៉ា
