បេក្ខជន ១៧រូប មកពីបក្សប្រជាធិបតេយ្យ កំពុងប្រជែងគ្នាផ្តួលលោក ត្រាំ នៅថ្ងៃបោះឆ្នោតខាងមុខ

បរទេស៖ អ្នកជំនួញជាមហាសេដ្ឋីគឺលោក Michael Bloomberg កំពុងពិចារណាក្នុងការ ប្រជែងយកតំណែងប្រធានាធិបតីរបស់ គណបក្សប្រជាធិបតេយ្យអាមេរិក។ ទីប្រឹក្សារបស់លោកនិយាយថា អតីតអភិបាលក្រុងញូវយ៉ក មានការព្រួយបារម្ភថា បេក្ខជនបច្ចុប្បន្នមិនទាន់ល្អគ្រប់គ្រាន់ឡើយ ដើម្បីផ្តួលលោកដូណាល់ ត្រាំ ក្នុងការបោះឆ្នោតឆ្នាំ ២០២០ ខាងមុខ។

យោងតាមសារព័ត៌មាន BBC ចេញផ្សាយនៅថ្ងៃទី៨ ខែវិច្ឆិកា ឆ្នាំ២០១៩ បានឱ្យដឹងថា បុរសអាយុ ៧៧ ឆ្នាំរូបនេះ ត្រូវបានគេរំពឹងថា នឹងដាក់ពាក្យសុំឯកសារនៅសប្តាហ៍នេះ សម្រាប់តំណែងបេក្ខជនប្រធានាធិបតី ក្នុងបក្សប្រជាធិបតេយ្យនៅរដ្ឋ Alabama ។

សូមជម្រាបថា បេក្ខជនក្នុងគណបក្សប្រជាធិបតេយ្យសរុបចំនួន ១៧ នាក់ កំពុងប្រជែងគ្នាដើម្បីផ្តួលប្រធានាធិបតី ដូណាល់ ត្រាំ ។

ចំណែកអតីតអនុប្រធានាធិបតី លោក Joe Biden, សមាជិកព្រឹទ្ធសភានៃរដ្ឋ Massachusetts គឺ លោកស្រី Elizabeth Warren និងសមាជិកព្រឹទ្ធសភា Vermont Bernie Sanders គឺស្ថិតក្នុងចំណោមអ្នកនាំមុខគេ៕

ប្រែសម្រួលៈ ណៃ តុលា