ព័ត៌មានអន្តរជាតិ

អគ្គិភ័យដ៏ខ្លាំង ឆេះរាលដាលលើផ្ទៃដី ១២.០០០ម៉ែត្រក្រឡា លេបត្របាក់រោងចក្រ១កន្លែង នៅរុស្ស៊ី

ម៉ូស្គូ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី៣ ខែធ្នូ ឆ្នាំ២០១៩ថា ក្រុមសង្គ្រោះបន្ទាន់នៅក្នុងស្រុក បាននិយាយឲ្យដឹង នៅថ្ងៃអង្គារនេះថា អគ្គិភ័យមួយដែលខ្លាំងក្លា បានលេបត្របាក់រោងចក្រ១កន្លែង នៅភាគខាង ត្បូងនៃក្រុង St. Petersburg នៅក្នុងប្រទេសរុស្ស៊ី បានឆាបឆេះរាលដាល ទៅលើផ្ទៃដីជាង ១២.០០០ម៉ែត្រក្រឡា។

ទីភ្នាក់ងារព័ត៌មាន Sputnik បានរាយការណ៍ ដោយដកស្រង់សម្តី របស់តំណាងសាខាក្នុងស្រុក ចំណុះឲ្យក្រសួង ស្ថានភាពអាសន្ន បានឲ្យដឹងថា នៅវេលាម៉ោងប្រមាណ២និង៥៩នាទី ត្រូវនឹងម៉ោង២៣និង៥៩នាទីម៉ោងសកល មានអគ្គីភ័យដ៏គ្រោះថ្នាក់មួយ បានកើតឡើង ដែលបានឆេះរាលដាលដល់កម្រិត៤ ហើយភ្លើងបានបន្តឆាបឆេះ កាន់តែខ្លាំងឡើងៗនៅក្នុងតំបន់ ដែលបានបំផ្លាញ រោងចក្រ១កន្លែងឲ្យដួលរលំ ។

ក្រសួងបានបញ្ជាក់ថា មិនទាន់មានសេចក្តីរាយការណ៍ អំពីអ្នកស្លាប់នៅឡើយទេ ៕ ប្រែសម្រួលដោយ៖ ម៉ៅ បុប្ផាមករា

To Top
×