ព័ត៌មានអន្តរជាតិ

ចិន បាញ់បង្ហោះផ្កាយរណប ឃ្លាំស៊ើបការណ៍ តំបន់ដាច់ស្រយាល ខ្នាតតូច០១គ្រឿង សម្រាប់ប្រទេសអេក្យូពី

តៃយួន៖ ទីភ្នាក់ងារព័ត៌មាន ចិនស៊ិនហួ បានចុះផ្សាយនៅថ្ងៃទី២០ ខែធ្នូ ឆ្នាំ២០១៩ថា នៅថ្ងៃសុក្រនេះ ប្រទេសចិន បានបាញ់បង្ហោះ ផ្កាយរណបស៊ើបការណ៍ តំបន់ដាច់ស្រយាល ចំនួន០១គ្រឿង សម្រាប់ប្រទេសអេក្យូពី ដែលជាផ្កាយរណបលើកដំបូង បង្អស់របស់ប្រទេស នៅក្នុងទ្វីបអាហ្វ្រិក ក្នុងគោលបំណង ដើម្បីជួយដល់ ការស្រាវជ្រាវ របស់ប្រទេស អំពីការបំរ៉ែលបំរួល អាកាសធាតុ ។

ផ្កាយរណបខ្នាតតូច ដែលជាប្រភេទផ្កាយរណបស៊ើបការណ៍ តំបន់ដាច់ស្រយាល ដែលបានបរិច្ចាគដល់ប្រទេស អេក្យូពីដោយប្រទេសចិន បានបញ្ជូនទកាន់ទីអវកាសទាំងអស់គ្នា ជាមួយគ្នានោះដែរ មានផ្កាយរណបចំនួន០៨គ្រឿង ផ្សេងទៀត ដែលបានរុញច្រាន ដោយគ្រាប់រ៉ុក្កែត Long March-4B ចេញពីមជ្ឈមណ្ឌលបាញ់បង្ហោះផ្កាយ រណបតៃយួន នៅក្នុងខេត្តសានស៊ី ភាគខាងជើងនៃប្រទេសចិន ។

លេខាធិការដ្ឋានអវកាសជាតិចិន បានឲ្យដឹងថា ផ្កាយរណបមានទម្ងន់៦៥គីឡូក្រាម និងបានរចនាឡើងដែល មានអាយុកាល២ឆ្នាំ ដែលអាចចាប់យកទិន្នន័យ នៅតំបន់ដាច់ស្រយាលសម្រាប់ វិស័យកសិកម្ម ព្រៃឈើ អភិរក្សទឹក រួមទាំងការទប់ស្កាត់ គ្រោះមហន្តរាយ និងធារាសាស្ត្រផងដែរ ៕
ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top