តូក្យូ៖ យោងតាមក្រសួងការបរទេសជប៉ុន បានឲ្យដឹងថា ប្រទេសជប៉ុន បានជូនដំណឹង ដល់អង្គការសហប្រជាជាតិ ពីករណីផ្ទេរទំនិញតាមនាវា របស់កូរ៉េខាងជើង ដែលជាការជូនដំណឹងជាលើកទី ១៥ ដល់អង្គការពិភពលោកមួយនេះ ចាប់តាំងពីការចាប់ផ្តើម កាលពីឆ្នាំមុន។
ក្រសួងការបរទេសជប៉ុន បានប្រកាសមួយថ្ងៃមុននេះថា ប្រទេសនេះបានជូនដំណឹង ដល់ក្រុមជំនាញនៃក្រុមប្រឹក្សាសន្តិសុខ អង្គការសហប្រជាជាតិ លើប្រទេសកូរ៉េខាងជើង ដែលសង្ស័យថា បាបរំលោភលើករណីនេះ។
យោងតាមក្រសួងបានឱ្យដឹងថា យន្ដហោះល្បាតការពារខ្លួន របស់កងកំលាំងស្វ័យការពារជប៉ុន បានរកឃើញ នាវាដឹកប្រេងកូរ៉េខាងជើងឈ្មោះ Nam San-8 ដែលជាប់ពាក់ព័ន្ធ នឹងការដឹកជញ្ជូនតាមនាវា ដែលមិនមានអត្តសញ្ញាណ នៅសមុទ្រចិនខាងកើត ចម្ងាយប្រហែល ២៩០ គីឡូម៉ែត្រភាគអាគ្នេយ៍ នៃទីក្រុងសៀងហៃ កាលពីខែធ្នូ ត្រូវនឹងថ្ងៃទី១៦ និង ១៧ ៕ ដោយ៖ ឈូក បូរ៉ា
