Covid-19

ព្រឹទ្ធសភាអាមេរិក អនុម័តកញ្ចប់ថវិកាចំនួន ២ ពាន់ពាន់លានដុល្លារ ដើម្បីដោះស្រាយការធ្លាក់ចុះ នៃសេដ្ឋកិច្ចដោយសារជំងឺកូវីដ១៩

វ៉ាស៊ីនតោន៖ ព្រឹទ្ធសភាសហរដ្ឋអាមេរិក នៅយប់ថ្ងៃពុធនេះ បានអនុម័តកញ្ចប់ថវិកាចំនួន ២ ពាន់ពាន់លានដុល្លារ ដើម្បីដោះស្រាយការធ្លាក់ចុះ នៃសេដ្ឋកិច្ចដោយសារជំងឺកូវីដ១៩ បន្ទាប់ពីការចរចាជាច្រើនលើក រវាងគណបក្សប្រជាធិបតេយ្យ និងសាធារណរដ្ឋ។

យោងតាមទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី២៦ ខែមីនា ឆ្នាំ២០២០ បានឱ្យដឹងថា សភាជាន់ខ្ពស់អាមេរិក បានអនុម័តច្បាប់នេះដោយសំឡេង ៩៦-០ គឺលើសជាងកម្រិត ៦០ សំឡេង។ កញ្ចប់ចាំបាច់ត្រូវមានការយល់ព្រមពីសភាតំណាងរាស្ត្រ មុនពេលបញ្ជូនទៅតុរបស់ប្រធានាធិបតីដូណាល់ត្រាំ ដើម្បីចុះហត្ថលេខា។

ច្បាប់នេះមានគោលបំណងជួយទ្រទ្រង់សេដ្ឋកិច្ចពីការគ្របដណ្តប់របស់មេរោគកូវីដ ១៩ នឹងផ្តល់ប្រាក់កម្ចីបន្ទាន់សម្រាប់អាជីវកម្មខ្នាតតូច ការកាត់ពន្ធអាជីវកម្ម បង្កើនអត្ថប្រយោជន៍ភាពអត់ការងារធ្វើការ បន្ថែមប្រាក់ឈ្នួល ១.០០០ ដុល្លារបន្ថែមដោយផ្ទាល់សម្រាប់ជនជាតិអាមេរិកដែលកំពុងធ្វើការ ជំនួយរដ្ឋាភិបាលសម្រាប់ឧស្សាហកម្មដូចជាក្រុមហ៊ុនអាកាសចរណ៍និងសណ្ឋាគារ ក៏ដូចជាការគាំទ្រកាន់តែច្រើនសម្រាប់មន្ទីរពេទ្យ និងរដ្ឋ និងរដ្ឋបាលមូលដ្ឋាន។

ផ្ទាំងពាណិជ្ជកម្ម

ដោយហៅវាថាជា“ ជំនួយសង្គ្រោះបន្ទាន់” មេដឹកនាំសំឡេងភាគច្រើននៃព្រឹទ្ធសភាលោក Mitch McConnell សមាជិកសភាមកពីរដ្ឋ Kentucky បាននិយាយនៅជាន់ផ្ទាល់ដីព្រឹទ្ធសភានាថ្ងៃនោះថា កញ្ចប់នេះនឹង“ ជួយប្រជាជននៃប្រទេសនេះ ពុះពារពីព្យុះនេះ” ៕

ប្រែសម្រួលៈ ណៃ តុលា

To Top
×