Covid-19

ស្រីលង្កា លើកពេលបោះឆ្នោត ជ្រើសរើស តំណាងរាស្រ្ត ទៅថ្ងៃទី២០ ខែមិថុនា ដោយសារជំងឺកូវីដ-១៩

កូឡុំបូ ៖ គណៈកម្មាធិការរៀបចំការបោះឆ្នោត របស់ប្រទេសស្រីលង្កា បានប្រកាសនៅល្ងាចថ្ងៃចន្ទថា ខ្លួននឹងធ្វើការបោះឆ្នោតជ្រើសរើស តំណាងរាស្រ្ត របស់ប្រទេសនេះនៅថ្ងៃទី២០ ខែមិថុនា ដោយពន្យារពេលជិតមួយខែ ដោយសារជំងឺកូវីដ-១៩ ។

ការស្ទង់មតិដំបូង ត្រូវបានគេគ្រោងនឹងធ្វើឡើង នៅថ្ងៃទី២៥ ខែមេសា ប៉ុន្តែត្រូវបានពន្យារពេលដោយគណៈកម្មការ រៀបចំការបោះឆ្នោតកាលពីខែមុន បន្ទាប់ពីមានការផ្ទុះឡើងនៃវីរុស COVID-១៩ ។

នាយកដ្ឋានព័ត៌មានរដ្ឋាភិបាល បានឲ្យដឹងនៅក្នុងសេចក្តី ថ្លែងការណ៍មួយថា បន្ទាប់ពីការសម្រេចចិត្ត របស់គណៈកម្មការរៀបចំការបោះឆ្នោត សេចក្តីជូនដំណឹងពិសេសមួយ នឹងត្រូវបានប្រកាសនៅថ្ងៃទី២០ ខែមិថុនា ជាកាលបរិច្ឆេទថ្មី សម្រាប់ការបោះឆ្នោត ។

ប្រធានគណៈកម្មការ រៀបចំការបោះឆ្នោតលោក Mahinda Deshapriya បានឲ្យដឹងនៅមុននេះថា មិនអាចទៅរួចទេ ក្នុងការធ្វើការបោះឆ្នោត នៅកាលបរិច្ឆេទ ដែលបានប្រកាសថ្ងៃទី២៥ ខែមេសា ដោយសារបុគ្គលិកសាធារណៈ មិនបានរាយការណ៍ពីការទៅធ្វើការឡើយ ហើយបរិយាកាសមិនសមស្រប សម្រាប់ការបោះឆ្នោត ដែលត្រូវធ្វើឡើងនោះទេ ៕
ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top