ព័ត៌មានអន្តរជាតិ

ឥណ្ឌូនេស៊ី មានអ្នកឆ្លងជំងឺកូវីដ១៩ លើសពី៣ពាន់នាក់ និងមានអ្នកស្លាប់ថ្មី៩២នាក់

ហ្សាការតា៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៩ ខែសីហា ឆ្នាំ២០២០ថា ក្រសួងសុខាភិបាលបានឲ្យដឹងនៅថ្ងៃសៅរ៍នេះថា ចំនួនអ្នកឆ្លងជំងឺកូវីដ១៩នៅក្នុងប្រទេសឥណ្ឌូនេស៊ី បានកើនឡើងចំនួន៣.៣០៨នាក់ក្នុងអំឡុងពេល១ថ្ងៃ ដែលនាំឲ្យចំនួនអ្នកឆ្លងជំងឺសរុបកើនដល់១៦៩.១៩៥នាក់ ជាមួយគ្នានេះដែរ មានអ្នកបន្ថែមទៀតចំនួន៩២នាក់ ដែលនាំឲ្យចំនួនអ្នកស្លាប់សរុបកើនដល់៧.២៦១នាក់ ។

ក្រសួងបានឲ្យដឹងថា ពលរដ្ឋចំនួន១.៩០២នាក់ទៀតបានចាកចេញពីមន្ទីរពេទ្យ ដែលនាំឲ្យចំនួនអ្នកជាសះស្បើយសរុបកើនឡើងដល់១២២.៨០២នាក់ ។

វីរុសបានឆ្លងរាលដាលដល់ខេត្តទាំងអស់ ដែលមានចំនួន៣៤ខេត្តរបស់ប្រទេសនេះ ។

ជាពិសេស ក្រុងហ្សាការតា ក្នុងអំឡុងពេល២៤ម៉ោងកន្លងទៅនេះ បានកត់ត្រាចំនួនអ្នកឆ្លងជំងឺថ្មីចំនួន៨៦១នាក់ ខេត្តជ្វាខាងកើតចំនួន៦៤១នាក់ ជ្វាខាងលិចចំនួន២៨៧នាក់ កាលីម៉ង់តង់ខាងកើតចំនួន២០០នាក់ និងខេត្តជ្វាភាគកណ្តាលចំនួន១៨០នាក់ ៕

ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top