បរទេស៖ នៅថ្ងៃអាទិត្យនេះ មជ្ឍមណ្ឌលជាតិទទួលបន្ទុក កិច្ចការងារការពារ វីរុសកូវីដ របស់ប្រទេសរុស្សី បាននិយាយថា ករណីឆ្លងថ្មីមានចំនួនទៅដល់ ១០៤៩៩ ករណីក្នុងរយៈពេល ២៤ ម៉ោងកន្លងចុងក្រោយ។
តួលេខលើស ១០០០០ លើកនេះ គឺជាតួលេខ ដែលបានកើតឡើងម្តងទៀត គិតចាប់តាំងពីពាក់កណ្តាល ខែឧសភា នៅពេលដែលជំងឺរាតត្បាត បានរាលដាលខ្លាំងមែនទែន នៅក្នុងប្រទេស។យោងតាមស្ថិតិផ្លូវការ ចំនួនសរុប នៃការឆ្លងវិរុសកូវីដ១៩ បានកើនឡើងដល់ ១២១៥០០១នាក់ មកហើយដោយប្រទេសនេះ នៅតែបន្តចំណាត់ថ្នាក់ខ្ពស់ ជាងគេលំដាប់ទី ៤ នៅលើពិភពលោកដដែល ។
គួរឲ្យដឹងដែរ ថារហូតមកដល់ពេលនេះ មានអ្នកស្លាប់ ដោយសារកូវីដ១៩ មានចំនួនទៅដល់ ២១៣៥៨នាក់ មកហើយហើយដោយឡែក មនុស្សប្រមាណជា៩៧៩១៤៣ នាក់ បានជាសះស្បើយ។ទីក្រុងមូស្គូត្រូវគេ បានមើលឃើញថា មានករណី ឆ្លង ប្រចាំថ្ងៃដល់ទៅ ៣៣២៧ ករណីក្នុងរយៈពេល ២៤ម៉ោង កន្លងមកដែលចំនួនសរុប បច្ចុប្បន្នក្នុងទីក្រុងនេះ គឺស្មើនឹង ៣០៣៩៤០នាក់មកហើយ៕
ប្រែសម្រួល៖ស៊ុនលី
