លោក ត្រាំ អាចនឹងត្រូវអនុញ្ញាតឲ្យ ចាកចេញពីមន្ទីរពេទ្យនៅថ្ងៃនេះ បើលោកមានសុខភាពល្អធម្មតាឡើងវិញ

វ៉ាស៊ីនតោន៖ ក្រុមគ្រូពេទ្យរបស់លោក បានឲ្យដឹងថា ប្រធានាធិបតីសហរដ្ឋអាមេរិកលោក ដូណាល់ ត្រាំ កំពុងធ្វើបានយ៉ាងល្អក្នុងការ ប្រយុទ្ធប្រឆាំងនឹងជំងឺកូវីដ-១៩ ហើយអាចនឹងត្រូវចេញពី មន្ទីរពេទ្យនៅព្រឹកថ្ងៃច័ន្ទនេះ ប្រសិនបើស្ថានភាព របស់លោកនៅតែមានស្ថេរភាព។

ក្រុមការងារបានប្រាប់សន្និសីទកាសែត កាលពីថ្ងៃអាទិត្យថា “ប្រសិនបើលោកនៅតែបន្តមើល និងមានអារម្មណ៍ដូចលោកនៅថ្ងៃនេះ ក្តីសង្ឃឹមរបស់យើង គឺថាយើងអាចរៀបចំផែនការ ឈប់សំរាកនៅថ្ងៃស្អែក ទៅកាន់សេតវិមាន ជាកន្លែងដែលលោកអាច បន្តវគ្គព្យាបាលរបស់លោក”។

ប្រធានាធិបតីអាមេរិកវ័យ ៧៤ឆ្នាំ ត្រូវបានគេធ្វើរោគវិនិច្ឆ័យឃើញថា មានផ្ទុកវីរុសនេះកាលពីថ្ងៃព្រហស្បតិ៍សប្ដាហ៍មុន ហើយត្រូវបានបញ្ជូនទៅកាន់ មន្ទីរពេទ្យភ្លាមៗនៅថ្ងៃបន្ទាប់។

នៅថ្ងៃអាទិត្យក្រោយមកលោក ត្រាំ ដែលពាក់ម៉ាស បានជិះម៉ូតូខ្លីមួយនៅខាងក្រៅមជ្ឈមណ្ឌល វេជ្ជសាស្ត្រយោធាជាតិ Walter Reed ក្បែរទីក្រុងវ៉ាស៊ីនតោន ហើយបានគ្រវីដៃទៅកាន់ អ្នកគាំទ្រដែលប្រមូលផ្តុំគ្នា ដើម្បីជូនពរឱ្យលោកឆាប់ជាសះស្បើយ ៕

ដោយ ឈូក បូរ៉ា