បរទេស៖ កាលពីថ្ងៃអង្គារម្សិលមិញនេះ បេក្ខភាពប្រធានាធិបតី មកពីគណបក្សប្រជាធិបតេយ្យ លោក Joe Biden បានធ្វើការអំពាវនាវ ឲ្យមានការដាក់សម្ពាធរបស់សហរដ្ឋអាមេរិក ទៅលើប្រទេសតួកគី បន្ថែមទៀត ដើម្បីធ្វើយ៉ាងណា អាចកាត់បន្ថយភាពតានតឹង រវាងតួកគីជាមួយប្រទេសក្រិក។
ការប្រកាសនេះផងដែរ ក៏ត្រូវបានគេមើលឃើញថា ដែរត្រូវបានធ្វើឡើង បន្ទាប់ពីមានការរិះគន់ របស់លោក Biden លើលោកប្រធានាធិបតី Recep Tayyip Erdogan កាលពីពេលថ្មីៗនេះ ។ អតីតអនុប្រធានាធិបតី ដែលកំពុងនាំមុខ ទៅលើប្រធានាធិបតី Donald Trump នៅក្នុងការស្ទាបស្ទង់មតិមួយ មុនការបោះឆ្នោតថ្ងៃទី ៣ ខែវិច្ឆិកាបានសាទរចំពោះ កិច្ចខិតខំប្រឹងប្រែង របស់ប្រទេសក្រិកនិងតួកគី ដើម្បីបន្ធូរបន្ថយការប៉ះទង្គិចគ្នា តាមរយៈកិច្ចពិភាក្សា។
នៅក្នុង សេចក្តីថ្លែងការណ៍មួយ លោក Biden បាននិយាយថា“ រដ្ឋបាល Trump ត្រូវតែជំរុញតួកគី ឲ្យ ចៀសវាងពីសកម្មភាព បង្កហេតុណាមួយបន្ថែមទៀត នៅក្នុងតំបន់ប្រឆាំង នឹងប្រទេសក្រិក រួមទាំងការគំរាមកំហែង កម្លាំងដើម្បីបង្កើតចន្លោះ សម្រាប់ការទូតធ្វើការងារ ឲ្យទទួលបានជោគជ័យ៕
ប្រែសម្រួល៖ស៊ុនលី
