ព័ត៌មានអន្តរជាតិ

សេដ្ឋកិច្ចសកល ប្រឈមមុខនឹង ការងើបឡើងវិញ រយៈពេលយូរ និងមិនប្រាកដប្រជា ជាមួយនឹងកំណើន សេដ្ឋកិច្ចរបស់ចិន

ប៉េកាំង៖ មូលនិធិរូបិយវត្ថុអន្តរជាតិ (IMF) បានឲ្យដឹងថាសេដ្ឋកិច្ចពិភពលោក នឹងឈានទៅរកវិបត្តិសេដ្ឋកិច្ច ដ៏ជ្រៅនៅក្នុងឆ្នាំ២០២០ ចំពេលដែលការរីករាលដាល នៃជំងឺរាតត្បាត COVID-១៩ កំពុងបន្តកើតមាន។

នៅក្នុងរបាយការណ៍ ចក្ខុវិស័យសេដ្ឋកិច្ចពិភពលោក (WEO) ចុងក្រោយរបស់ខ្លួន អ្នកផ្តល់ប្រាក់កម្ចីពហុភាគី បានកែលម្អការព្យាករណ៍ ឆ្នាំ២០២០ សម្រាប់សេដ្ឋកិច្ចពិភពលោក ឱ្យធ្លាក់ចុះ ៤,៤ ភាគរយ។ ទោះបីជាមានការពិនិត្យឡើងវិញ ក៏ដោយ IMF បាន ឲ្យដឹងថាការងើបចេញ ពីវិបត្តិនេះទំនងជា មានរយៈពេលវែងមិនស្មើភាព និងមិនប្រាកដប្រជា ។

ក្រុមសេដ្ឋវិទូជឿជាក់ថា ការងើបឡើងវិញប្រសើរជាង ការរំពឹងទុករបស់ចិន ដែលជំរុញដោយវីរុស ការចំណាយរបស់រដ្ឋាភិបាល និងការនាំចេញដ៏ខ្លាំងក្លា នឹងជះឥទ្ធិពលដល់ប្រទេសជិតខាង និងដៃគូពាណិជ្ជកម្ម ហើយនឹងគាំទ្រ ដល់ការកើនឡើង ដ៏លំបាករបស់ សេដ្ឋកិច្ចពិភពលោក។

ទន្ទឹមនឹងនេះ ការលេចចេញវីរុស បង្កគ្រោះថ្នាក់ ដល់ទស្សនវិស័យ សេដ្ឋកិច្ចពិភពលោក ដោយអំពាវនាវឱ្យ មានកិច្ចសហប្រតិបត្តិការ ពហុភាគី ដើម្បីបញ្ចប់វិបត្តិសេដ្ឋកិច្ចនេះ ដើម្បីធានាឱ្យមានការងើបឡើងវិញ ប្រកបដោយចីរភាព៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top