ព័ត៌មានអន្តរជាតិ

អតីតរដ្ឋមន្រ្តីការពារជាតិម៉ិកស៊ិក ត្រូវចាប់ខ្លួននៅអាកាស យានដ្ឋានទីក្រុង Los Angeles សហរដ្ឋអាមេរិក

MEXICO CITY៖ អតីតរដ្ឋមន្រ្តីក្រសួងការពារជាតិ របស់ប្រទេសម៉ិកស៊ិក លោក Salvador Cienfuegos Zepeda ត្រូវបានឃុំខ្លួននៅអាកាស យានដ្ឋាននៃទីក្រុង Los Angeles សហរដ្ឋអាមេរិក។

យោងតាមសារព័ត៌មាន Sputnik ចេញផ្សាយនៅថ្ងៃទី១៦ ខែតុលា ឆ្នាំ២០២០ បានឱ្យដឹងថា អ្នកនាំពាក្យរបស់ DEA បានបញ្ជាក់នៅពេលក្រោយថា អតីតរដ្ឋមន្រ្តីក្រសួងការពារជាតិ ត្រូវបានឃុំខ្លួនតាមសំណើរបស់រដ្ឋបាល ការអនុវត្តច្បាប់គ្រឿងញៀនអាមេរិក (DEA) ។

លោក Cienfuegos Zepeda គឺជាអតីតមន្រ្តីជាន់ខ្ពស់ចុងក្រោយបង្អស់ មកពីប្រទេសម៉ិកស៊ិក ដែលត្រូវបានឃុំខ្លួនបន្ទាប់ពីអតីតរដ្ឋមន្រ្តីក្រសួង សន្តិសុខសាធារណៈរដ្ឋ ម៉ិកស៊ិកលោក Genaro Garcia Luna ត្រូវបានចាប់ខ្លួនកាលពីខែធ្នូឆ្នាំ ២០១៩ ដោយភ្នាក់ងារសហព័ន្ធនៅទីក្រុង Dallas រដ្ឋ Texas ។ កាលពីខែកក្កដាសហរដ្ឋអាមេរិកបានចោទប្រកាន់លោក និងសហការីជាន់ខ្ពស់ពីរនាក់ក្នុងការសមគំនិតជួញដូរគ្រឿងញៀនកូកាអ៊ីន។

លោក Cienfuegos Zepeda ធ្លាប់បានដឹកនាំក្រសួងការពារជាតិម៉ិកស៊ិក កាលពីឆ្នាំ ២០១២-២០១៨ ៕

ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top