ព័ត៌មានអន្តរជាតិ

ហ្វីលីពីន ជ្រើសរើសជាឯកតោភាគី ដើម្បីបន្តការរុករកប្រេង នៅសមុទ្រចិនខាងត្បូង

ម៉ានីល៖ រដ្ឋាភិបាលហ្វីលីពីន បានឲ្យដឹងថាការសម្រេចចិត្ត របស់ខ្លួន ក្នុងការបន្តការរុករកប្រេង នៅក្នុង សមុទ្រចិនខាងត្បូង ដែលមានជម្លោះ គឺជាសកម្មភាពឯកតោភាគី ដែលធ្វើឡើង ដោយគ្មានការពិគ្រោះយោបល់ ជាមួយប្រទេសចិនឡើយ ។

នាយកដ្ឋានថាមពល បានឲ្យដឹងថា លោកប្រធានាធិបតីហ្វីលីពីន រ៉ូឌ្រីហ្គោ ឌូទើតេ បានយល់ព្រមលើកលែង ការហាមឃាត់រយៈពេល ៦ឆ្នាំ លើការរុករក ប្រេងនៅក្នុងដែនទឹក ដែលមានជម្លោះនៅកោះ ប៉ាឡាវ៉ាន នៅតំបន់ភាគ ខាងលិចប្រទេស។

រដ្ឋមន្រ្តីថាមពលហ្វីលីពីន លោក Alfonsi Cusi បានលើកឡើង ពីការថយចុះនៃការបម្រុង ទុកឧស្ម័នធម្មជាតិ នៅលើកោះ Palawan សម្រាប់ការផ្លាស់ប្តូរនេះ ដោយបន្ថែមថាវាជាការចាំបាច់ ដើម្បីបន្តការរុករក នៅក្នុងតំបន់ សេដ្ឋកិច្ចផ្តាច់មុខ របស់ហ្វីលីពីន៕

ដោយ ឈូកបូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top